________________
सिवासहस्ससंकुलं मिलंतजोगिणीकुलं, पभूयभूयभीसणं कुसत्तसत्तनासणं ॥
पघुटदुसावयं जलंततिवपावयं, भमंतडाइणीगणं पवित्तमंसमग्गणं ॥ १ ॥ कहकहकहट्टहासोवलक्खगुरुरक्खलक्खदुप्पेच्छं । अइरुक्खरुक्खसंबद्धगिद्धपारद्वघोररवं ॥२॥ उत्तालतालसहुम्मिलंतवेयालविहियहलवोलं । कीलावणं व विहिणा विणिम्मियं जमनरिंदस्स ॥३॥ तत्थ य निरूविओ सल्लक्खणभूमिभागो घोरसिवेण, खित्तं च बलिविहाणं कया खेतवालपडिवत्ती खणिया वेइया । भरिया खाइरंगाराणं मसाणसमुत्थाणं, भणिओ य राया-अहो सो एस अवसरो ता दढमप्पमत्तो ईसाणकोणे 8 द हत्थसयदेससंनिविट्ठो उत्तरसाहगत्तणं कुणमाणो चिट्ठसु, अणाहूओ य मा पयमवि चलेजासित्ति पुणो पुणो निवारिय पेसिओ नरिंदो, गओ य एसो, घोरसिवेणावि आलिहियं मंडलं, निसन्नो तहिं, निबद्धं तहिं पउमासणं, कयं सकलीकरणं, निवेसिमा नासावंसग्गे दिट्ठी, कओ पाणायामो, नायविंदुलवोववेयं आढत्वं मंतसुमरणं, समारूढो । झाणपगरिसंमि। इओ य चिंतियं राइणा-अहं किर पुवं सिक्खं गाहिओ मंतीहिं, जहा-अविस्सासो सव्वत्थ कायघोत्ति, निवारिओ य सवायरं पुणो पुणो एएण जहा अणाहूएण तए नागंतवंति, ता समहियायरो य जणइ संके,न एवंविहा कावालियमुणिणो पाएण कुसलासया हवंति, अओ गच्छामि सणियं सणियमेयस्स समीवं, उवलक्खेमि से किरियाकलावंति विगप्पिउं जाव पढिओ ताव विप्फुरियं से दक्खिणलोयणं, तो निच्छियवंछियत्थलाभो करकलिय-18
