________________
करुणोहिणा गुरुणा भणिजमाणावि विविवयणेहिं । अच्छउ काउं धम्मं सहहिउँपि यि न सकेति ॥ ४ ॥ इय मज्झिमा जहन्ना य हुंति धम्माहिगारिणो न तहा । जह मुणियभवसरूवा सभावओ उत्तिमा पुरिसा ॥५॥ ता भो महास! तुमं जोग्गो सवण्णुभणियधम्मस्स | संपइ करेसु सहलं एयायरणेण नियजीयं ॥ ६ ॥ नहि विन्नायस रूये चिंतामणिमुहदिव्यरयणंमि । अग्गह णिच्छा जाय क (इ) यावि (वि)सुद्धिबुद्धीण ॥ ७ ॥ अन्नं च - जललवतरलं जीयं सुरिंदकोदंड विन्भमं पेमं । गयकण्णतालचवलं पुण्णंपि सरीरलायण्णं ॥ ८ ॥
मारुयपणुण्णपण्णं व भंगुरं सुंदरंपि तारुण्णं । आवयलक्खनिमित्तं वित्तंपि कपि पविदत्तं ॥ ९ ॥ एएस एक्केकंपि नूण वेरग्गकारणं गरुयं । सुहबुद्धीणं जायइ किं पुण सधेसि समचाओ ! ॥ १० ॥ अच्छरियमिमं जे एरिसेहिं संवेगभावहे ऊहिं । निचं विजतेहिवि न मोक्खमग्गे पद्धति ॥ ११ ॥ किं बहुणा कुणास तुमं संपइ सद्धम्मकम्मपडिवत्तिं । बहुविग्धो सेयत्यो कालविलंबो न ता जुत्तो ॥ १२ ॥ एवं सोचा चकवट्टिणा भावसारं चलणेसु निवडिऊण भणिओ गुरू- अवितहमेयं, इयाणि समीहामि अगाराओ अणगारियं पडिवज्जिउं, गुरुणा भणियं - भद । मा पडिबंध करेसु, जुत्तमेयं तुम्हारिसाणं सुणियपरमत्थाणंति बुचे बंदिऊण गुरुं गओ नयरीए चक्कबट्टी । समाहूया नायरय मंतिसामंतसेणावइपमुहपहाणपुरिसा, भणिया ब-भो भो इयाणि जाया अम्ह गिहपरिचायबुद्धी, काउं वंछामो निग्गंथपावयणपडिवत्तिं, ता खमियवं तुब्भेहिं जं मए पुरा
