________________
असुइपडिपुण्णकलसस्सेव वाहिरमेत्तरमणीयस्स दुज्जणचेद्वियस्सेव अवियारसुंदरस्स महानरिंदस्सेव विसिडविसयाणुरागिस्स दुद्धपाणपरव्य समज्जारस्सेव अणवेक्खियपयंडजमदंडाभिघायस्स विविहप्पयारेहिं उवलालणत्थं गिहंति रज्जं करेंति निरवेक्खचित्ता पाववावारं सयावि रक्खणत्थं विविहपहरणहत्थं घरैति सुहडसत्थं अणवरयसंताबकरं कोहलोहाइवेरिनियरं नियं पञ्चासन्नद्विपि अणवेक्खिऊण जोयणसहस्संतरियं संकंति सन्तुनिवहं सकजमत्ताणुरागिणंपि निक्कवडपेम्मं मण्णंति परियणं अवस्संभाविनिहपि धुवं लक्खति धणं, ता अहो तेसिं पमतचित्तया अहो निधिवेयया अहो महामोहमहिमया अहो इहलोयपडिबंधपरवसया अहो आगामिदुक्खनिरखेक्खया अहो दुहविवागावलोयणपडिकूलया, इद्द चिंतयंतस्स पढियमेगेण कालनिवेयएण वेयालिएण
विच्छायं पच्छिमासागयभिममहुणा सूरबिंबं मिलता, रोवंति वाऽलिजालुम्भडरवमिसओ पुंडरीवाण खंडा । कंदंते चकवाया गुरुबिरहमहादुक्खसंततगत्ता, घी संसारो (संसारो धी) असारो जमिह फुडमहो सासयं नत्वि किंपि ॥ १ ॥
राइणाऽवि एवमायन्निऊण चिंतियं अहो अणिचयाए संबद्धं साहु पढियं एएण, जुत्तो संपयं मम धम्मुज्जमो काउंति निच्छिऊण पत्तो रयणी । ततो खणे खणे भवनिग्गुणत्तं पेहमाणस्स पाणिवहपमुहाई दुक्कियाई गरिहंतस्स संसारुव्वेयं वहमाणस्स सुहिसंबद्धं बंधणं व गर्णेतस्स भोगे सुर्यगेव परिकम्पितस्स मायंदजालं व जीवलोयविलसियमवलोयंतस्स विसालसेवाएव तलुवेलि करेंतस्स कहकहवि बोलीणा रयणी, समुग्गओ दिवायरो |। एत्यंतरे पढियं मागण
