________________
THE GRISES
सरासिचक्कधारिणो विपक्खसूरदारिणो, ससामिभत्तिमंतया अईव जुत्तिजुत्तया ।
जएकलाभलालसा अचिंतणिजसाहसा, सरीरबद्धकंकडा पयट्टिया महाभडा ॥ ४ ॥ अह लाडचोडमरहट्टकच्छकालिंगपमुहनरवइणो । आणामेत्तेणं चिय समुझियासेसनियकजा ॥५॥ सन्नद्धबद्धकवया बहुपहरणसालिणो जयपसिद्धा । आसग्गीवसयासं पत्ता सयलेणवि बलेणं ॥ ६॥
एवं च समग्गसंवाहगे जाए दवावियं रण्णा पयाणयं, चलिओ खंधावारो, गच्छंताण य सहसचिय समुच्छलियं । खरसमीरणंदोलणेणं, निवडियं छत्तं भग्गो दंडो गयणंगणाओ फारफुलिंगदारुणा पडिया उक्का, दिवसेचिय उल्लसिया तारया, जायं रुहिरवरिसं, निरभंमि चेव अंबरे फुरिया सोयामणी,अविण्णायसरूवो तडत्ति विहडिओ जयकुंजरो, निनिमित्तं चिय जलणजालाकलावेण कवलियाई जचतुरंगमपुच्छाई, परिगलिया सयमेव भग्गदंडा जयपडाया, जायाय पलीणमयजला हत्थिमंडली, अणवरयरेणुवरिसदुरालोयं विच्छाइभूयं दिसाचकं, अंसुष्पवाहो मुक्को देवयापडिमाहि, परोप्परं हसियाई चित्तकम्मरूवाई, उहमुहेहिं दीणस्सरं परुन्नं सारमेएहिं, एवमाईणि उप्पन्नाणिवहूणि असिवाइति । ताहे असिवनिरिक्खणसंजायमहाभया कुसलमइणो । आसग्गीवणरिदं भणन्ति विणओणया सचिवा ॥१॥ देव! हिमं व विलिजइ पयावमेत्तेण तुम्ह पडिवक्खो । किमकंडविडरकरो पारद्धो समरसंवाहो? ॥ २॥ तुह तुरयखरखुरुद्धयरयपडलेणं पणट्ठकरपसरो । सूरोवि अंतरिजइ को अन्नो जो परिष्फुरइ १ ॥ ३॥
SA
