________________
ở lửi Hà
राया, खुमिया य सहा, कहं ?अणवरयविर्णितुद्दामसेयविंदुब्भडं मुहं सुहडो । परिमुसइ कोऽवि कोवुग्गमेण अहियं दुरालोयं ॥१॥ नवकुवलयमालाविन्भमंमि निम्मलपहमि करवाले । निवडइ य भमररिंछोलिसच्छहा कस्सविय दिट्ठी ॥२॥ परपक्सक्खोमकरिं कोवसिहाडंबरेण भयजणणि । पचक्खं नियसत्तिं व कोऽवि सत्तिं करे धरइ ॥३॥ कस्सवि निडालबद्धं रेहुक्कडभिउडिभंगदुप्पेच्छं । खयसमयसमुग्गयराहुमंडलं सहइ गयणं व ॥ ४॥ केणावि कुलिसनिडुरमुट्ठिपहारेण ताडिया धरणी । अविणीयधारणेणं कयावराहत्व कंपेइ ॥ ५॥ संभावियरणरसनिस्सरंतरोमंचपीवरकरस्स । चिरपरिहियाई कस्सवि विहडंति य कणयकडयाई ॥६॥
कोऽविहु मच्छरसंभारतरलियं वयणभासणसयहं । कट्टेण दसणदट्ठोढसंपुडेणं खलइ जीहं ॥ ७॥ 81 इय जाया कोवभरुलसंतदेहाण विविहकिरियाओ। संगामसंगमुकंठियाण सुहडाण तवेलं ॥८॥ ह एत्यंतरे भणियं आसग्गीवेण-अरे उवेक्खियाणं दुरायाराणं एस चिय गई, को तस्स दोसो ?, अन्नहा--18 नियधूयापरिणयणावराहकालेऽवि जइ तमहं निगिण्हंतो ता किं एवं पसरं लहंतो, तहा-जो नियधूयं कामे सो नियसामिपि दुहइ किमजुत्तं ? । किं वा एएण?, इयाणिपि विणिवाएमि एवं महापावकारिणं, तारे ताडेह पत्थाणविजयढकं, पगुणीकरावेह कुंजरसाहणं, संजत्तावेह तुरयघट्टाई, जोचावेह संदणगणं, वाहरावेह समग्गं
NAREITIES
