________________
कामित्तणेण पयावइत्ति नाम कयं । अण्णया य सो विस्मभूई महासुकदेवलोयाओ चविऊण उवषण्णो गिगावा
देवीए गर्भमि पुत्तत्ताए, तओ सा रयणिमि सुहपसुत्ता सत्त महासुमिणे पासित्ता णं पडिबुद्धा, पहिहियया व गया। हिरणो सगासे, निवेइओ सुविणवुत्तंतो, रन्ना भणियं-देवि! निच्छियं भुवणविक्खायजसो सयलसामंतगउलिमंडल मसिणियकमकमलो पयावपडिहयपडिवक्खो कुलकेऊ तुह पुत्तो भविस्सइ । जेण
एवंविह सुमिणाई देवि! पुण्णेहिं कहवि दीसंति । हरिसभरनिन्भरंगी अभिनंदसु ता तुममिमाई ॥१॥ इइ जंपिऊण रण्णा वाहरिया सुमिणपाढगा कुसला । ते य नरिंदाएसं तहत्ति पडिवजिउं सहसा ॥ २॥ ण्हाया कयवलिकम्मा परिहियसुविसुद्धसुंदरदुगुल्ला । सिरनिहियक्खयकुसुमा निडालकयरोयणातिलया ॥३॥ करकलियनिमित्तागमपोत्थयसत्था समत्थनयनिउणा । पजायागयविजा समागया झत्ति निवभवणं ॥ ४ ॥
सीहासणेसु सव्वायरेण उपवेसिया नरिंदेणं । फलफुलदाणपुव्वं सुमिणत्थं पुच्छिया ताहे ॥ ५॥ | तेहि य निमित्तसत्थाई वित्थरेणं सबुद्धिविहवेणं । परिचिंतिऊण तह निच्छयं च काऊण अण्णोऽषण ॥ ६ ॥
भणिओ पयावइनिवो जहेरिसाणं विसिट्ठसुमिणाणं । अणुभावेणं नूणं पयडो नीसेसभुवर्णमि ॥ ७ ॥ | तिखंडभरहसामी अप्पडिहयसासणो य तुह पुत्तो । होही अप्पडिमवलो इह पढमो वासुदेवोति ॥ ८ ॥ "आयन्निऊण एवं पहिडचित्तेण ते नरिदेण । दाऊण धणं विविहं विसजिया नियनियगिहेसु ॥९॥
महा०
