________________
- 800-39-4
-
श्रीगुणचंद महावीरच ३ प्रस्तावः
प्रजापति
खरूपम्,
॥४१॥
1
-
कयं च उचियसमए मिगावइत्ति से नामं, कमेण य निरुवमारूढजोवणगुणा एवं सोहिउं पवत्ता
कसिणसुसिणिद्धकुंचिरचिहुरचओ तीऍ उत्तमंगंमि । वयणेंदुविब्भमागयविडप्पसोहं समुबहइ ॥१॥ भालतलेऽवि लुलंती अतिकडिला चिहुरवल्लरी तीसे । रेहइ वम्महरपणो विजयपसत्थिव आलिहिया ॥२॥ सरलेहिं लोयणेहिं तीऍ कवोलेहिं चंदकंतेहिं । अहरेण पउमरागेण रयणद्वाणं व सहइ मुहं ॥३॥ संखो इव रेहावलयलंछियं कंठकंदलं विमलं । संठियविचित्तमणिलट्ठगंठियं सोहए तीए ॥१॥ कंदप्पनरिंदनिवासविन्भमे तीऍ थोरथणवढे । हारो पडिहारतुलं आलंबइ लंबमाणो सो ॥५॥ रंभाभिरामपीवरमूरुजुयं कणयकमलकतिलं । थंभजुयलं व छजइ विसयमहासोक्खभवणस्स ॥६॥ बहलालत्तयरसपिंजरं व मणिकुहिममि संकेत । कमलोवहारसोहं चलणजुयं दावए तीसे ॥ ७॥
एवंविहा य वरजोगत्तिकाऊण सा सव्वालंकारविभूसियसरीरा भदाए पेसिया पिउणो पापयंदणत्थं, गया चेडीचकवालपरिबुडा निवडिया नरिंदचलणेसु पेच्छिया संभमभरियच्छिणा सव्वायरं रणा पणयालावपुरस्सरं च । आरोविऊण तमुच्छंगे रूवेण जोव्वणगुणेणय बाढमक्खित्तचित्तो विचिंतिउमाढत्तो-अहो सुरसुंदरीरूवाइसयपराभव- करं रूवं अहो सब्वावयवसुंदरं लायणं अहो सरयचंदचंदिमानिम्मलं कतिपडलं, अहो वेणुवीगाविजइणी वाणी, सव्वहा भुयणच्छेरयभूयमिमीए किंपि विलसियं, नूणं पुर्व एरिसं न निम्मियं खत्तियकुले कन्नगारयणं परमेसरेण ।
--
-
॥
-
--
