________________
तृतीयभाग। 'धीर धरौं री । पर घर हाँडै निज घर छांडे, कैसी विपति भरों री ॥ हूं तो० ॥२॥ कहत कहावतमें सब यों ही, वे नायक हम नारी । पै सुपनै न कभी मुँह बोले, हमसी कौन दुखारी॥ हूं तो० ॥३॥ जइयो नाश कुमति कुलटाको, विरमायो पति प्यारो । हमसौं विरचि रच्यो रँग वाके, असमझ (?) नाहिं हमारो ॥ हूं तो० ॥४॥ सुंदर सुघर कुलीन नारि मैं, क्यों प्रभु मोहि न लोरें । सत हू देखि दया न धरै चित, चेरीसों हित जोरें ॥ हूं तो० ॥ ५॥ अपने गुनकी आप वड़ाई, कहत न शोभा लहिये.। ऐरी ! वीर चतुर चेतनकी, चतुराई लखि कहिये ॥ हूं तो० ॥ ६॥ करिहौं आजि अरज जिनजीसों, प्रीतमको समझावें । भरता भीख दई गुन मानौं, जो बालम घर आवें ॥ हूं तो० ॥ ७॥ सुमति वधू यौं दीन दुहागनि, दिन दिन झुरत निरासा । भूधर पीउ प्रसन्न भये विन, वसै न तिय घरवासा ॥ हूं तो० ॥८॥
१ भटके । २ प्रेम करें।
