________________
जन स्वाध्यायमाला
पुच्छ-माणस्स सीसस्स, वागरिज्ज जहा सुयं ।२३। मुसं परिहरे भिक्खू, न य अोहारिणि वए । भासा-दोसं परिहरे, मायं च वज्जए सया।२४। न लवेज्ज पुट्ठो सावज्ज, न निरठं न मम्मय । अप्पणट्ठा परट्ठा वा, उभयस्सऽन्तरेण वा ॥२५॥ समरेसु अगारेसु, सधीसु य महापहे। एगो एगित्थिए सद्धि, नेव चिट्ठे न संलवे ।२६।। जं मे बुद्धाणुसासंति, सीएण फरुसेण वा । मम लाभोत्ति पेहाए, पयो तं पडिस्सुणे ।२७। अणु-सासण-मोवायं, दुक्कडस्स य चोयण । हियं त मण्णई पण्णो, वेसं होइ असाहुणो ।२८ हियं विगय-भया बुद्धा, फरुसंपि अणुसासणं । वेस त होइ मूढाण, खतिसोहिकर पय ।२६। आसणे उव-चिट्ठज्जा, अणुच्चे अकुक्कुए थिरे ।। अप्पुढाई निरुट्ठाई, निसीएज्जऽप्पकुक्कुए ॥३०॥ कालेण निक्खमे भिक्खू, कालेण य पडिक्कमे । । अकालं च विवज्जित्ता, काले कालं समायरे ॥३॥ परिवाडीए न चिट्ठज्जा, भिक्खू दत्तेसण चरे । • पडि-रूवेण एसित्ता, मियं कालेण, भक्खए ।३२॥ नाइदूरमणासन्ने, नाऽन्नेसिं चक्खुफासमो। एगो चिट्ठज्ज भत्तट्ठा, लंघित्ता तं नाऽइक्कमे ॥३३॥ नाइउच्चे व नीए वा, नासन्ने नाइ-दूरो। फासुयं परकडं पिण्डं, पडिगाहेज्ज संजए ।३४१
