________________
दशवकालिक सूत्र अ६
इमेरिसमणायारं, आवज्जइ अबोहिय ।५७। विवत्ती बभचेरस्स, पाणाणं च वहे वहो। वणीमग-पडिग्घाओ, पडिकोहो अगारिण ।५८॥ अगुत्ती बंभचेरस्स, इत्थीमो वा वि सकणं । कुसील-वड्डण ठाणं, दूरओ परिवज्जए ।५। तिण्हमन्नयरागस्स, निसिज्जा जस्स कप्पड । जराए अभिभुयस्स, वाहियस्स तवस्सिणो ।६०॥ वाहियो वा अरोगी वा, सिणाण जो उ पत्थए । वुक्कतो होइयायारो, जढो हवइ संजमो ।६११ संतिमे सुहुमा पाणा, घसासु भिलगासु य । जे य भिक्खू सिणायतो, वियडेणुप्पिलावए ॥६॥ तम्हा ते न सिणायति, सीएण उसिणेण वा। जावज्जीवं वय घोर, असिणाणमहिढगा ।६३। सिणाणं अदुवा कक्क, लुद्ध पउमगाणि य । गायस्सुन्वट्टणट्ठाए, नायरंति कयाइ वि ।६४। नगिणस्स वावि मुडस्स, दीह-रोम-नहसिणो । मेहुणाओ उवसतस्स, किं विभूसाए कारियं ॥६॥ विभूसावत्तिय भिक्खू, कम्म बंधइ चिक्कण । संसार-सायरे घोरे, जेण पडइ दुरुत्तरे ।६६। विभूसावत्तियं चेयं, बुद्धा मन्नति तारिस ।
सावज्ज बहुलं चेय, नेयं ताईहिं सेविय १६७। खवति अप्पाणममोह-दसिणो,तवे रया सजम अज्जवे गणे। धुणंति पावाई पुरे-कडाइ, नवाई पावाई न ते करति ।६८।
