________________
दशवकालिक सूत्र अ६
४९
अहे दाहिणो वावि, दहे उत्तरमोवि य ।३४। भूयाणमेसमाघाओ, हव्ववाहो न ससप्रो। तं पईव-पयावट्ठा, संजया किंचि नारभे ॥३५॥ तम्हा एवं वियाणित्ता, दोसं दुग्गइ-बड्डण । तेउकाय-समारभं, जावज्जीवाए वज्जए ।३६। प्रणिलस्स समारभं, बुद्धा मन्नति तारिसं। सावज्ज-बहुल चेयं, नेय ताईहिं सेवियं ।३७॥ तालिअंटेण पत्तेण, साहाविहुयणेण वा। न ते वीइउमिति , वीयावेउण वा परं ।३८॥ जऽपि वत्थं च पायं वा, कबलं पायपुछणं । न ते वायमईरति, जयं परिहरंति य ।३६। तम्हा एय वियाणित्ता, दोसं दुग्गइवड्डणं । वाउकायसमारभ, जावज्जीवाए वज्जए ।४०॥ वणस्सइ न हिंसंति, मणसा वयसा कायसा । तिविहेण करण-जोएण, संजया सुसमाहिया ।४१॥ वणस्सई विहिंसंतो, हिंसइ उ तयस्सिए । तसे य विविहे पाणे, चक्खुसे य अचक्खुसे ।४२। तम्हा एयं वियाणित्ता, दोसं दुग्गइ-वड्ढणं । वणस्सइ-समारंभ, जावज्जीवाए वज्जए।४३॥ तसकाय न हिंसंति, मणसा वयसा कायसा । तिविहेण करण-जोएण, सजया सुसमाहिया।४४। - तसकायं विहिंसतो, हिंसई उ तयस्सिए ।
तसे य विविहे पाणे, चक्खुसे य अचक्खसे ।४५॥
