________________
२८४
अनूत्तरोववाइय वर्ग १
दसाणं पढमस्स वग्गस्स दस अज्झयणा पण्णत्ता, पढमस्स णं भंते ! अज्झयणस्स समणेण जाव सपत्तेणं के अट्ठे पण्णत्ते ?।७।
एव खलु जम्बू । तेण कालेणं तेण समएण रायगिहे नयरे रिद्धिस्थिमिय समिद्धे, गुणसिलए चेइए, सेणिए राया, धारणी देवी, सीहसुमिण पासित्ताण पडिबुद्धा, जाव जालि कुमारे जाए, जहा मेहो जाव अट्ठट्ठओ दानो, जाव उत्पिपासाए जाव विहरइ ।
तेण कालेण तेण समएणं समण भगव महावीरे जाव समोसढे, सेणिओ णिग्गओ, जाली जहा मेहो तहा जाली वि णिग्गओ, तहेव णिक्खतो, जहा मेहो, एक्कारस अंगाई अहिज्जइ।
तएणं से जाली अणगारे जेणेव समणे भगव महावीरे तेणेव उवागच्छइ उवागच्छित्ता समणं भगवं महावीरं वंदइ नमंसइ वदित्ता णमंसित्ता एवं वयासी-इच्छामि णं भते ! तुम्भेहिं अब्भणुण्णाए समाणे गुणरयण संवच्छरं तवोकम्म उवसंपजित्ता णं विहरित्तए ? अहासुह देवाणु प्पिया ! मापडि. बध करेह ।१०।
तएण से जाली अणगारे समणेणं भगवया महावीरेण अभणुणाए समाणे समण भगव महावीर वदइ नमसइ वंदित्ता णमसित्ता गुणरयण सत्रच्छरं तवोकम्म उवसपजित्ता ण विहरइ । तं जहा
पढमं मास च उत्थ चउत्थणं अणिक्खित्तेणं तवोकम्मेणं दियट्ठाणुक्कड़ए सूराभिमूहे आयावणभूमीए आयावेमाणे रत्ति वीरासणेणं अवाउडेण य ।
