________________
जैन स्वाध्यायमाला
२३६
सागरा इक्कतीस तु, उक्कोसेण ठिई भवे । नवमम्मि जहन्नेण, तीसई सागरोवमा ।२४११ तेत्तीसा सागराइ, उक्कोसेण ठिई भवे । चउसुपि विजयाईसु, जहन्नेणेक्कत्तीसई ।२४२। अजहन्नमणुक्कोसा, तेत्तीस सागरोवमा । महाविमाणे सव्वळे, ठिई एसा वियाहिया ।२४३। जा चेव उ पाउठिई, देवाणं तु वियाहिया । सा तेसिं कायठिई, जहण्णुक्कोसिया भवे ।२४४। अणतकालमुक्कोस, अतोमुहुत्तं जहन्नयं । विजढम्मि सए काए, देवाण हुज्ज प्रतरं ।२४५॥ एएसि वण्णो चेव, गधो रसफासओ। संठाणादेसमो वावि, विहाणाइ सहस्ससो।२४६। संसारत्था य सिद्धा य, इय जीवा वियाहिया । रूविणो चेवरूवी य,अजीवा दुविहा वि य ।२४७। अणतकालमुक्कोस, वासपुहुत्त जहन्नयं। . आणयाईणं कप्पाणं, गेविज्जाणं तु अतर ।२४८। संखिज्जसागरुक्कोसं, वासपुहुत्तं जहन्नय । अणुत्तराण य देवाण, अतरं तु वियाहिया ।२४६ । इय जीवमजीवे य, सोच्चा सद्दहिऊण य। सन्वनयाणमणुमए, रमेज्ज सजमे मुणी ।२५०॥ तो बहूणि वासाणि, सामण्णमणुपालिया। इमेण कम्मजोगेण, अप्पाण सलिहे मणी ।२५११ बारसेव उ वासाइ, सलेहुक्कोसिया भवे ।
