________________
उत्तराध्ययन सूत्र अ ३६
महोरगा य गधब्बा, अट्टविहा वाणमंतरा ।२०६। चदा सूरा य नक्खत्ता, गहा तारागणा तहा । ठिया विचारिणो चेव, पंचहा जोइसालया ।२०७। वेमाणिया उ जे देवा, दुविहा ते वियाहिया । कप्पोवगा य वोधव्वा, कप्पाईया तहेव य ।२०८। कप्पावगा बारसहा, सोहम्मीसाणगा तहा । सणकुमारमाहिंदा, वंभलोगा य लंतगा।२०६। महासुक्का सहस्सारा, पाणया पाणया तहा। प्रारणा अच्चुया चेव, इइ कप्पोवगा सुरा ।२१०। कप्पाईया उ जे देवा, दुविहा ते वियाहिया । गेविज्जाणुत्तरा चेव, गेविज्जा नवविहा तहिं ।२११॥ हेट्ठिमा-हेट्ठिमा चेव, हेछिमामज्झिमा तहा। हेट्रिमाउवरिमा चेव, मज्झिमाहेद्विमा तहा ।२१२। मज्झिमा-मज्झिमा चेव, मज्झिमा-उवरिमा तहा । उवरिमा-हेट्टिमा चेव, उवरिमा-मज्झिमा तहा ।२१३१ उरिमा-उवरिमा चेव, इय गेविज्जगा सुरा । विजया वेजयता य, जयता अपराजिया ।२१४। सव्वत्थसिद्धगा चेव, पंचहाणुत्तरा सुरा । इय वेमाणिया एए, णेगहा एवमायो ।२१५॥ लोगस्स एगदेसम्मि, ते सव्वेवि वियाहिया । इत्तो कालविभागं तु, तेसि वच्छं चउन्विहं ।२१६॥ सतइं पप्पणाईया, अपज्जवसिया वि य । ठिइ पडुच्च साईया, सपज्जवसिया वि य ।२१७१
