________________
जन स्वाध्यायमाला
२२७
वणस्सईण आउ तु, अंतोमुत्त जहन्निया ।१०३। अणतकालमुक्कोस, अतोमुहुत्त जहन्नयं । कायठिई पणगाण, त कायं तु अमुचयो ।१०४। असंखकालमुक्कोसं, अतोमुहुत्त जहन्नय । विजढम्मि सए काए, पणगजीवाण अतरं ।१०५॥ एएसि वण्णो चेव, गधो रसफासो । सठाणादेसमो वावि,विहाणाई सहस्ससो ।१०६। इच्चेए थावरा तिविहा, समासेण वियाहिया । इत्तो उ तसे तिविहे, वृच्छामि अणुपुव्वसो ।१०७१ तेऊ वाऊ य बोद्धव्वा, उराला य तसा तहा। इच्चेए तसा तिविहा, तेसिं भेए सुणेह मे ।१०८॥ दुविहा तेऊजीवा उ, सुहुमा बायरा तहा । पज्जत्तमपज्जत्ता, एवमेए दुहा पुणो ।१०९। बायरा जे उ पज्जत्ता, णेगहा ते वियाहिया । इंगाले मुम्मुरे अगणी, अच्चिजाला तहेव य ।११०॥ उक्का विज्जू य बोधव्वा, गहा एवमायनो । एगविहमणाणत्ता, सुहुमा ते वियाहिया ।१११॥ सुहुमा सव्वलोगम्मि, लोगदेसे य बायरा। इत्तो कालविभाग तु, तेसिं वुच्छं चउन्विहं ।११२॥ संतई पप्पणाईया, अपज्जवसिया वि य । ठिइ पडुच्च साईया, सपज्जवसिया वि य ।११३। तिण्णेव अहोरत्ता, उक्कोसेण वियाहिया । आउठिई तेऊणं, अतोमुहत्तं जहन्निया ।११४।
