________________
उत्तराध्ययन सूत्र अ ३
सोही उज्जुयभूयस्स, धम्मो सुद्धस्स चिट्ठइ । णिव्वाण परमं जाइ, घयसित्तिव्व पावए ।१२। विगिच कम्मुणो हेउं, जसं संचिणु खंतिए । सरीर पाढवं हिच्चा, उड्ढं पक्कमई दिसं ११३। विसालिसेहिं सीलेहि, जक्खा उत्तर उत्तरा । महासुक्का व दिप्पता, मण्णंता अपुणच्चव ।१४। अप्पिया देवकामाणं, काम-रूव-विउविणो। उड्ढ कप्पेसु चिट्ठति, पुव्वा वाससया बहू ।१५। तत्थ ठिच्चा जहा-ठाणं जक्खा आउक्खए चुया । उवेति माणुस जोणि, से दसंगेऽभिजायई ।१६। खेत्तं वत्थु हिरण्णं च, पसवो दास-पोरुस । चत्तारि काम-खंधाणि, तत्थ से उववज्जई ।१७। मित्तवं णायव होइ, उच्चागोए य वण्णव । अप्पायंके महा-पण्णे, अभिजाए जसोबले ।१८॥ भोच्चा माणुस्सए भोए, अप्पडिरुवे अहाउय । पुवि विसुद्ध-सद्धम्मे, केवल वोहि बुझिया ।१६। चउरंग दुल्लह णच्चा, सजम पडिवज्जिया।
तवसा ध्यकम्मसे, सिद्धे हवइ सासए ।२०। त्ति वेमि ॥ इति चाउरगिज्ज णाम तइम अज्झयण समत्त ॥३॥
॥ चउत्थं असंखयं अज्झयणं ॥४॥ असंखयं जीविय मा पमायए, जरोवणीयस्स हु णत्थि ताणं । एवं वियाणाहि जणे पमत्ते, किण्णु-विहिंसा अजया गहिति ॥१॥ जे पाव-कम्मेहिं धण मणूसा, समाययति अमइ गहाय ।।
