________________
Santinatha Jain Bhandara Cambay
अन्तः
सिस्साण सिसूणं पिव विचित्तसत्थोसहीरसं दाउ । ववित्थरं जणंता जयंति गुरुणो वि गुणगुरुणो ॥
एवं च निव्वुइगए जिणनाहे गणहरप्पबंधे य । अड्ढाइयवरिससयाईं जाव तित्थं पवित्थरियं ॥ तो तिहुयणेक्कतिलओ मंगलनिलओ जिणो महावीरो । उप्पन्नो अच्छेरयभूयमहासत्तसंपन्नो ॥
तित्थम्मि वहंते तस्स भयवओ तियसवंदणिज्जम्मि | चंदकुलम्मि पसिद्धो विउलाए बरसाहाए || सिरिवर्द्धमाणसूरी अहेसि तवनाणचरणरयणनिही । जस्सऽज्ज वि सुमरंतो लोगो रोमचमुव्वहइ ||
- स्सासि दोन्नि सीसा जयविक्खाया दिवायरससि व्व । आयरियजिणेसर- बुद्धिसागरायरियनामाणो ॥ तेसिं च पुणो जाया सीसा दो महियलम्मि सुपसिद्धा । जिणचंद सूरिनामो वीओऽभयदेवसूरिति ॥
सिद्धूतवित्तिविरयणपगरणउबयरियभव्वलोयाण | को ताण गुणलवं पि हु होज्ज समत्थो पवित्थरिडं | तेसि वियस्स पसन्नचंद्रसूरिस्स सव्वगुणनिहिणो | पयपउमसेवगेहिं सुमइउवज्झायसिस्सेहिं ॥ संवेगरंगसालाराहणसत्थं जगम्मि वित्थरियं । रइयं च वीरचरियं जेहिं कहारयणकोसो य ॥ सोवन्निंडयमंडियमुणिसुव्वय - चीरभवणरमणीए । भरुयच्छे तेहिं ठिएहिं मंदिरे आमदत्तस्स || सिरिदेव भदसूरीहिं विरइयं पासनाहचरियमिमं । लिहियं पढमिल्लुयपोत्थयम्मि गणिअमलचंदेण ॥ इहईं जे उवयरिया मुणिगिहिणो ते सया वि नदंतु । कारावियं च एयं जेहिं ते पुण निसामेह ||
1
341
