________________
॥ श्रीः ॥
॥ शुभमस्तु ॥
श्रीमते रामानुजाय नमः ॥ श्रीमते हयग्रीवाय नमः ॥
॥ जयन्तिका ॥
श्वेतं यस्य शरीरं निवसनवसनासनानि च सितानि । सोऽयं मनसि रमेशो निवसतु सततं तुरङ्गवदनो मे ॥ १ ॥
नारायणार्यतनयो यदुशैलवासी श्रीशिंगरार्यविदुषस्सुकवेश्च पौत्रः । लेभे च वेंकटगुरोस्स्वपितृव्यवर्यात् विद्याः कवेर्व कुलभूषणनामको यः ॥ २ ॥
अष्टादशाब्ददेश्यः सोऽहं गद्य प्रबंधरचनायां । कुतुकी हन्त ! नितान्तं प्रौढकवीनां यशो लिप्सुः ॥ ३ ॥
शृङ्गारवीरकरुणाद्भुतरौद्रहास्यबीभत्सशान्तरसमिश्रितमुच्चभावम् । नव्यं तनोमि सुमनोहृदयातिसेव्यं
काव्यं मनोज्ञपरिकल्पितवस्तुभव्यम् ॥ ४ ॥ बाल्ये तावदनेन निर्मितमिदं काव्यं त्विति प्राकृताः
ये मात्सर्यविमूढबुद्धिविभवा निन्दन्त्वदृद्वैव ते । बालेनेरितमेतदित्थमिति ये नन्दन्ति सन्तस्सदा
तेषामेव मुदः परं पिशुनयन्त्यस्य प्रकर्षाढ्यताम् ॥ ५ ॥ आसीद्विविधकुसुमभरितपरिमळबहुळप्रताननीमंडितारामा अअंकषकेतनालंकृतनिकेतना निजवैभवन्यक्कतसुरनगरी गरीयसी भासुरा अरिभीकरी नाम नगरी ।
