Pathikvagga Tika

SR No.: 009984
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 338
Language: Sanskrit
Classification: Interfaith & Buddhism
File Size: 12 MB

Page 273

२४८
दीघनिकाये पाथिकवग्गटीका
(११.३५१-३५१)
येभुय्यवसेन वुत्तं । आयस्मा हि धम्मसेनापति भिक्खू येभुय्येन सोतापत्तिफलं पापेत्वा विस्सज्जेति “एवमेते नियता सम्बोधिपरायणा''ति । आयस्मा पन महामोग्गल्लानो “सब्बापि भवूपपत्ति जिगुच्छितब्बावा''ति भिक्खू येभुय्येन उत्तमत्थंयेव पापेति ।
सावकेहि विनेतुं सक्कुणेय्या सावकवेनेय्या नाम न सावकेहेव विनेतब्बाति दस्सेन्तो आह "सावकवेनेय्या नामा"तिआदि । दसधा मातिकं ठपेत्वाति एककतो पट्टाय याव दसका दसधा दसधा मातिकं ठपेत्वा विभत्तोति दसुत्तरो। दसुत्तरो गतोतिपि दसुत्तरोति एककतो पट्ठाय याव दसका दसहि उत्तरो अधिको हुत्वा गतो पवत्तोतिपि दसुत्तरो । एकेकस्मिं पब्बेति एककतो पट्ठाय याव दसका दससु पब्बेसु एकेकस्मिं पब्बे । दस दस पहाति “कतमो धम्मो बहुकारो अप्पमादो कुसलेसु धम्मेसू"तिआदिना दस दस पहा । विसेसिताति विस्सज्जिता। दसुत्तरं पवक्खामीति देसियमानं देसनं नामकित्तनमुखेन पटिजानाति वण्णभणनत्थं । पवक्खामीति पकारेहि वक्खामि । तथा हेत्थ पञ्जासाधिकानं पञ्चन्नं पञ्हसतानं वसेन देसना पवत्ता । धम्मन्ति इध धम्म-सद्दो परियत्तिपरियायो “इध भिक्खु धम्मं परियापुणाती''तिआदीसु (अ० नि० २.५.७३) विय | सुत्तलक्खणो चायं धम्मोति आह "धम्मन्ति सुत्त"न्ति । स्वायं धम्मो यथानुसिटुं पटिपज्जमानस्स निब्बानावहो । ततो एव वट्टदुक्खसमुच्छेदाय होति, स चायमस्स आनुभावो सब्बेसं खन्धानं पमोचनुपायभावतोति दस्सेन्तो “निब्बानप्पत्तिया''तिआदिमाह। तेन वुत्तं "निब्बानप्पत्तिया"तिआदि ।
उच्चं करोन्तोति उदग्गं उळारं पणीतं कत्वा दस्सेन्तो, पग्गण्हन्तोति अत्थो। पेमं जनेन्तोति भत्तिं उप्पादेन्तो। इदञ्च देसनाय पग्गण्हनं बुद्धानम्पि आचिण्णं एवाति दस्सेन्तो "एकायनो"तिआदिमाह ।
एकधम्मवण्णना
३५१. (क) कार-सद्दो उप-सद्देन विनापि उपकारत्थं वदति, “बहुकारा, भिक्खवे, मातापितरो पुत्तान"न्तिआदीसु (अ० नि० १.२.३४) वियाति आह "बहुकारोति बहूपकारो"ति।
(ख) वड्डने वुत्ते नानन्तरियताय उप्पादनं वुत्तमेव होतीति "भावेतब्बोति
248