________________
२०२
दीघनिकाये पाथिकवग्गटीका
(१०.३०९-३०९)
तिमण्डलपटिच्छादनमत्तस्सेवाति “निवासनं चे नाभिमण्डलं; जाणुमण्डलं, इतरं चे गलवाटमण्डलं, जाणुमण्डल'"न्ति एवं तिमण्डलपटिच्छादनमत्तस्सेव करणं; तं पन अत्थतो तिण्णं चीवरानं हेट्ठिमन्तेन वुत्तपरिमाणमेव होति ।
अविचारेत्वाति न विचारेत्वा ।
कुसिबन्धनकालेति मण्डलानि योजत्वा सिब्बनकाले । सत्तवारेति सत्तसिब्बनवारे ।
कप्पबिन्दुअपदेसेन कस्सचि विकारस्स अकरणं कप्पसन्तोसो।
सीतपटिघातादि अत्थापत्तितो सिज्झतीति मुख्यमेव चीवरपरिभोगे पयोजनं दस्सेतुं "हिरिकोपीनपटिच्छादनमत्तवसेना"ति वुत्तं । तेनाह भगवा “यावदेव हिरिकोपीनपटिच्छादनत्थ''न्ति (म० नि० १.२३; अ० नि० २.६.६८; महानि० १६२) ।
वट्टति, न तावता सन्तोसो कुप्पति सम्भारानं, दक्खिणेय्यानञ्च अलाभतो ।
सारणीयधम्मे ठत्वाति सीलवन्तेहि भिक्खूहि साधारणतो परिभोगे ठत्वा ।
"इती"तिआदिना पठमस्स अरियवंसस्स पंसुकूलिकङ्गतेचीवरिकङ्गानं, तेसञ्च तस्स पच्चयतं दस्सेन्तो इति इमे धम्मा अञमञस्स समुट्ठापका, उपत्थम्भका चाति दीपेति । एस नयो इतो परतोपि ।
“सन्तुट्ठो होति वण्णवादी"ति एत्थ चतुक्कोटिकं सम्भवति, तत्थ चतुत्थोयेव पक्खो सत्थारा वण्णितो थोमितोति महाथेरेन तथा देसना कता। एको सन्तुट्ठो होति, सन्तोसस्स वण्णं न कथेति सेय्यथापि थेरो नालको (सुत्तनिपाते नालकसुत्ते वित्थारो) एको न सन्तुट्ठो होति, सन्तोसस्स वण्णवादी सेय्यथापि उपनन्दो सक्यपुत्तो (पारा० ५१५, ५२७, ५३२, ५३७ वाक्यखन्धेसु वित्थारो)। एको नेव सन्तुट्ठो होति, न सन्तोसस्स वण्णं कथेति। सेय्यथापि थेरो लाळुदायी (थेरगा० अट्ठ० २.उदायित्थेरगाथावण्णना) एको सन्तुट्ठो चेव होति, सन्तोसस्स च वण्णवादी सेय्यथापि थेरो महाकस्सपो ।
202
Jain Education International
For Private & Personal Use Only
www.jainelibrary.org
