Page Text
________________
(९.२८१-२८१)
पठमभाणवारवण्णना
१४१
कुम्भमत्तानि फलानि फलन्ति मधुररसानि, यानि परिभुजित्वा ते सत्ताहम्पि खुप्पिपासाहि न बाधीयन्ति । नज्जोपि तत्थ सुविसुद्धजला सुपतित्था रमणीया अकद्दमा वालुकतला नातिसीता नाच्चुण्हा सुरभिगन्धीहि जलजपुप्फेहि सञ्छन्ना सब्बकालं सुरभिं वायन्तियो सन्दन्ति । न तत्थ कण्टकतिणकक्खळगच्छलता होन्ति, अकण्टका पुप्फफलसम्पन्ना एव होन्ति । चन्दननागरुक्खा सयमेव रसं पग्घरन्ति । न्हायितुकामा च नदीतित्थे एकज्झं वत्थाभरणानि ठपेत्वा नदिं ओतरित्वा न्हत्वा उत्तिण्णुत्तिण्णा उपरिट्ठिमं वत्थाभरणं गण्हन्ति, न तेसं एवं होति “इदं मम, इदं परस्सा"ति, ततो एव न तेसं कोचि विग्गहो वा विवादो वा। सत्ताहिका एव च नेसं कामरतिकीळा होति, ततो वीतरागा विय विचरन्ति । यत्थ च रुक्खे सयितुकामा होन्ति, तत्थेव सयनं उपलभन्ति । मते च सत्ते दिस्वा न रोदन्ति, न सोचन्ति, तञ्च मण्डयित्वा निक्खिपन्ति । तावदेव च नेसं तथारूपा सकुणा उपगन्त्वा मतं दीपन्तरं नेन्ति । तस्मा सुसानं वा असुचिट्टानं वा तत्थ नत्थि । न च ततो मता निरयं वा तिरच्छानयोनि वा पेत्तिविसयं वा उपपज्जन्ति । “धम्मतासिद्धस्स पञ्चसीलस्स आनुभावेन ते देवलोके निब्बत्तन्तीति वदन्ति । वस्ससहस्समेव च नेसं सब्बकालं आयुप्पमाणं। सब्बमेतं तेसं पञ्चसीलं विय धम्मतासिद्धं एवाति वेदितब्बं । तत्थाति तस्मिं उत्तरकुरुदीपे ।
__एकखुरं कत्वाति अनेकसफम्पि एकसर्फ विय कत्वा, अस्सं विय कत्वाति अत्थो । “गावि"न्ति वत्वा पुन “पसु"न्ति वुत्तत्ता गावितो इतरो सब्बो चतुष्पदो इध "पसू"ति अधिप्पेतोति आह "ठपेत्वा गावि"न्ति ।
तस्साति गब्भिनित्थिया । पिट्टि ओनमितुं सहतीति कुच्छिया गरुभारताय तेसं आरुळहकाले पिट्टि ओनमति, तेसं निसज्जं सहति पल्लङ्के निसिन्ना विय होन्ति । सम्मादिढिकेति कम्मपथसम्मादिट्ठिया सम्मादिट्ठिके। एत्थाति जम्बुदीपे। एत्थ हि जनपदवोहारो, न उत्तरकुरुम्हि । तथा हि "पच्चन्तिममिलक्खुवासिके"ति च वुत्तं ।।
तस्स रोति वेस्सवणमहाराजस्स । इति सो अत्तानमेव परं विय कत्वा वदति । एसेव नयो परतोपि । बहुविधं नानारतनविचित्तं नानासण्ठानं रथादि दिब्बयानं उपद्वितमेव होति सुदन्तवाहनयुत्तं, न नेसं यानानं उपट्टापने उस्सुक्कं आपज्जितब्बं अस्थि । एतानीति हत्थियानादीनि । नेसन्ति वेस्सवणपरिचारिकानं । कप्पितानि हुत्वा उहितानि आरुहितुं उपकप्पनयानानि । निपन्नापि निसिनापि विचरन्ति चन्दिमसूरिया विय यथासकं विमानेसु |
141
Jain Education International
For Private & Personal Use Only
www.jainelibrary.org
| SR No. | 009984 |
| Book Title | Pathikvagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 12 MB |