________________
(७.२०९-२१०)
करचरणादिलक्खणवण्णना
___ इध कम्मसरिक्खकं नाम सत्तुस्सदतालक्खणस्स पणीतलाभिताय आपकनिमित्तभावो । इमिना नयेन तत्थ तत्थ लक्खणे कम्मसरिक्खकं निद्धारेत्वा योजेतब्बं ।
२०९. उत्तमो अग्गरसदायकोति सब्बसत्तानं उत्तमो लोकनाथो अग्गानं पणीतानं रसानं दायको । उत्तमानं अग्गरसानन्ति पणीतेसुपि पणीतरसानं । खज्जभोज्जादिजोतकन्ति खज्जभोज्जादिलाभजोतकं। लाभसंवत्तनिकस्स कम्मस्स फलं “लाभसंवत्तनिक"न्ति कारणूपचारेन वदति। तदत्थजोतकन्ति वा तस्स पणीतभोजनदायकत्तसङ्घातस्स अत्थस्स जोतकं । तदाधिगच्छतीति एत्थ आ-कारो निपातमत्तन्ति आह "तं अधिगच्छती'ति । लाभिरुत्तमन्ति र कारो पदसन्धिकरो ।
करचरणादिलक्खणवण्णना २१०. पब्बजितपरिक्खारं पत्तचीवरादिं गिहिपरिक्खारं वत्थावुधयानसयनादिं ।
सब्बन्ति सब्बं उपकारं । मक्खेत्वा नासेति मक्खिभावे ठत्वा । तेलेन विय मक्खेतीति सतधोततेलेन मक्खेति विय। अत्थसंवड्डनकथायाति हितावहकथाय । कथागहणञ्चेत्थ निदस्सनमत्तं | परेसं हितावहो कायपयोगोपि अत्थचरिया। अट्ठकथायं पन वचीपयोगवसेनेव अत्थचरिया वुत्ता।
समानत्ततायाति सदिसभावे समानहाने ठपनेन, तं पनस्स समानहाने ठपनं अत्तसदिसताकरणं, सुखेन एकसम्भोगता, अत्तनो सुखुप्पत्तियं; तस्स च दुक्खुप्पत्तियं तेन अत्तनो एकसम्भोगताति आह "समानसुखदुक्खभावेना"ति । सा च समानसुखदुक्खता एकतो निसज्जादिना पाकटा होतीति तं दस्सेन्तो “एकासने"तिआदिमाह । न हि सक्का एकपरिभोगो कातुं जातिया हीनत्ता। तथा अकरियमाने च सो कुज्झति भोगेन अधिकत्ता, तस्मा दुस्सङ्गहो। न हि सो एकपरिभोगं इच्छति जातिया हीनभावतो। न अकरियमाने च कुज्झति भोगेन हीनभावतो । उभोहीति जातिभोगेहि । सदिसोपि सुसङ्गहो एकसदिसभावेनेव इतरेन सह एकपरिभोगस्स पच्चासीसाय, अकरणे च तस्स कुज्झनस्साभावतो । अदीयमानेपि किस्मिञ्चि आमिसे अकरियमानेपि सङ्गहे। न पापकेन चित्तेन पस्सति पेसलभावतो। ततो एव परिभोगोपि...पे०... होति। एवरूपन्ति गिही चे, उभोहि सदिसं; पब्बजितो चे, सीलवन्तन्ति अधिप्पायो ।
99
Jain Education International
For Private & Personal Use Only
www.jainelibrary.org
