________________
५६
निरयावलियासु
[१२९
विय सुसारक्खिया सुसंगोविया, मा णं सीयं जाव विविहा रोयातङ्का फुसन्तु ॥ १२९॥
तए णं सा सोमा माहणी रटुकूडेणं सद्धि विउलाई भोगभोगाइं भुञ्जमाणी संवच्छरे २जुयलगं पयायमाणी, सोलसेहिं संवच्छरेहिं बत्तीसंदारगरूवे पयायइ। तएणं सा सोमामाहणी तेहिं बहूर्हि दारगेहि य दारियाहिय कुमारेहि य कुमारियाहि यडिम्भएहि य डिम्भियाहिय अप्पेगइएहिं उत्ताणसेजपहिया अप्पेगइएहि थणियाएहिं, अप्पेगइएहिं पीहगपाएहि, अप्पेगइएहिं परंगणपहि, अप्पेगइएहिं परक्कममाणेहिं, अप्पेगइपहि पक्खोलणएहि अप्पेगइएहिं थणं मग्गमाणेहिं, अप्पेगइएहिं खीरं मग्गमाणेहिं, अप्पेगइएहिं खेल्लणयं मग्गमाणेहि,अप्पेगइएहिं खजगंमग्गमाणहिं,अप्पेगइएहिं कृरं मग्गमाणेहि,पाणियं मग्गमाणेहिं हसमाणेहिं रूसमाणेहिं अक्कोसमाणेहिं अकुस्समाणेहिं हणमाणेहिं हम्ममाणेहिं विप्पलायमाणेहिं अणुगम्ममाणेहिं रोवमाणेहिं कन्दमाणेहिं विलवमाणेहिं कूवमाणेहिं उत्कृवमाणेहिं निहायमाणेाहें पलवमाणेहि हदमाणेहिं वममाणेहिं छेरमाणेहि सुत्तमाणेहिं मुत्तपुरीसवमियसुलित्तोवलित्ता मइलवसणपुव्वडा जाव अइसुबीभच्छा परमदुग्गन्धा नो संचाएइ रटुकूडेणं सद्धिं विउलाई भोगभोगाई भुखमाणी विहरित्तए ॥ १३०॥
तए णं तीसे सोमाए माहणीए अन्नया कयाइ पुव्वरत्तावरत्तकालसमयंसि कुडम्ब जागरियं जागरियमाणीए अयमेयासवे जाव समुप्पजित्था-"एवं खलु अहं इमेहिं बहूहिं दारगेहि य जाव डिम्भियाहि य अप्पेगइएहिं उत्ताणसेजएहि य जाव अप्पेगइपहिं सुत्तमाणेहिं दुज्जापहिं दुजम्मपहिं
