________________
१०६
निरयावलियासु
चन्दसूरदंसणियं करे, छट्टे दिवसे जागरियं करेइ, एक्कारसमे दिवसे वीइक्कन्ते निव्वुत्ते असुइजायकम्मकरणे संपत्ते बारसाहदिवसे विउलं असणं पाणं खाइमं साइमं उवक्खडावेन्ति, २ जहा सिवो, जाव खत्तिए य आमन्तेन्ति, २ तओ पच्छा पहाया कय, तं चैव जाव सकारेन्ति संमाणन्ति, २ तस्सेव मित्तणाइ जाव राईण य खत्तियाण य पुरओ अज्जयपज्जयपिउपजयागथं बहुपुरिसपरंपरप्परूढं कुलापुरूवं कुलसरिसं कुलसंताणतन्तुवज्रणकरं अयमेयारूवं गोण्णं गुणनिफन्नं नामधेजं करेन्ति- ' जम्हा णं अम्हं इमे दारप बलस्स रन्नो पुते पभावईए देवीए अत्तर, तं होउ णं अम्हं एयस्त दारगस्स नामधेजं महब्बले २,।' तर णं तस्स दारमस्स अम्मापियरो नामघेजं करेन्ति 'महब्बले' त्ति ॥
१५. तए णं से महब्बले दारए पञ्चधाईपरिग्गहिए, तं जहाखीरधाईए, एवं जहा दढपइने, जाव निवायनिव्वाघायंसि सुहंसुहेणं परिवढइ । तए णं तस्स महब्बलस्स दारगस्स अम्मापियरो अणुपुव्वेणं ठिइवडियं वा चंदसूरसावणियं वा जागरियं वा नामकरणं वा परंगामणं वा पयचंकमणं वा जेमामणं वा पिण्डवद्धणं वा पेजपावणं वा कण्णवेहणं वा संवच्छरपडिलेहणं वा चोलोयणगं च उवणयणं च अन्नाणि य बहूणि गव्भाधाणजम्मणमाइयाई कोउयाइं करोन्ति ॥
१६. तप णं तं महब्बलं कुमारं अम्मापियरो साइरेगट्ठ वासगं जाणित्ता सोभणंसि तिहिकरणनक्खत्तमुहुत्तंसि, एवं जहा दढप्पइनो, जाव अलंभोगसमत्थे जाए यावि होत्था । तए णं तं महब्बलं कुमारं उम्मुक्कबालभावं जाव अलभोगसमत्थं वियाणित्ता अम्मापियरो अट्ट पासायवर्डि
