Page Text
________________
Shri Ashtapad Maha Tirth.
कोसलदेसं पच्छिमेण, पयागं उत्तरेण, कासिदेसस्स दक्खिणेणं, वज्झमज्झे दक्खिणेणं, मगहाणं उत्तरेणं, मग्गनईओ कट्टंती सगराइद्वेण जण्डुपुत्तेणं भगीरहकुमारेणं पुव्वसमुद्दमोआरिआ । तप्पभिइ गंगासागरतित्थं जायं ।
इत्थेव य पव्वए अट्ठ उसभसामिणो नत्तुआ, नवनउई वालु- वलिप्पमुहा पुत्ता य सामिण सद्धिं, एवं अद्भुतरसयं एगसमएण उक्कोसोगाहणाए अच्छेरयमूआ सिद्धाट्टु |
इत्थ पव्वए ससत्तीए आरोढुं जो मणुओ चेइयाई वंदए सो मुक्खं इहेव भवे पाउणइ त्ति सिरिवद्धमाण सामिणा सयं वणिओ एसो । तं सोउं भयवं गोअमसामी लद्धिनिही इमं नगवरमारूढो । चेइआई वंदित्ता असोगतरूतले वेसमणस्स पुरओ साहूणं तवकिसिअंगत्तणं वक्खाणंतो सयं च उवचिअसरीरो वेसमणस्स‘अहो ! अन्नहावाई-कारि' ति विअप्पनिवारणत्थं 'पुंडरीयज्झयणं' पण्णविंसु । पुंडरीओ किल पुट्ठसरीरो वि भावसुद्धीए सव्व सिद्धिं गओ । कंडरीओ उण दुब्बलदेहो वि सत्तमपुढवीए। तंच पुंडरीअज्झयणं वेसमणसामाणिएणं अवधारिअं गोअममुहाओ सोऊणं । सो अ तुंबवणसन्निवेसे धणगिरिपत्तीए सुनंदाए गव्भे उववज्जिअ दसव्वधरो वरसामी जाओ। अट्ठावयाओ ओअरमाणेणं च गोअमसामिणा कोडिन्न - दिन्न - सेवालितावसा त्तिउत्तर - पंनरससयसंखा दिक्खिया । ते खलु जणपरंपराएं इत्थ तित्थे चेइअवंदगो सिवं इहेव पावइ त्ति वीरवयणं सुच्चा पढम-बीअतइअमेहलासुं जहासंखं कोडिन्नाइआ आरूढा अहेसि । तओ परं गंतुमचयंता गोअमसामि अप्पडिहयमुत्तरंतं दहुं विम्हि पडिबुद्धा निक्खता य ।
तत्थेव पव्वए भरहचक्कवट्टिपमुहाओ अणेगा महरिसिकोडीओ सिद्धाओ । तत्थेव य सुबुद्धी नाम सगर चक्किमहामच्चो जन्हुभाईणं सगरसुआणं पुरओ, आइच्चजसाओ आरम्भ पंचासलक्खे कोडिसागरोवमकालमज्झे भरह महारायवंससमुब्भूआणं रायरिसीणं चित्तंतरगंडियाए सव्वट्टसिद्धिगई मुक्खगई च वाहरित्था ।
इत्थेव पव्वए पवयणदेवयानीयाए वीरमईए । चउवीसजिणपडिमाणं भाले सुवण्णमया रयणख चिया तिलया दिन्ना। तओ तीए धूसरीभवं जुगलधम्मिभवं देवभवं च लढूण दमयंतीभवे संपत्ते तिमिरपहयरावहारिभालयले साभाविअं तिलयं संजायं ।
इत्थेव पव्वए वालिमहरिसी कयकाउस्सग्गो ठिओ । अह विमाणखलणकुविएण दसग्गीवेण पुव्ववेरं सरंतेणं' तलभूमिं खणित्ता, तत्थ पविसिअ एअं निअवेरिणं-सह अट्ठावयगिरिणा उप्पाडिअ लवणसमुद्रे खिवामि ति बुद्धी विज्जासहस्सं सुमरिता उप्पाडीओ गिरी । तं च ओहिनाणेण नाउं चेइअरक्खानिमित्तं पायंगुट्टेण गिरिमत्थयं सो रायरिसी चंपित्था । तओ संकुचिअगतो दसाणणो मुहेण रुहिरं वमंतो आरावं मिल्हित्था । तत्तुच्चि व त्ति पसिद्धो । तओ मुक्को दयालुणा महरिसिणा पाएसु पडित्ता खामित्ता य सद्वाणं गओ । इत्थेव लंकाहिवई जिणाणं पुरओ पिक्खणयं करिंतो दिव्ववसेण वीणातन्तीए तुट्टाए मा पिक्खणयरसभंगो होऊ त्ति निअभुआउला कट्टितुं वीणाए लाइ । अब ( एवं?) भुअवीणावायणए भत्तिसाहसतुद्वेण धरणिंदेण तित्थवंदणागएण रावणस्स अमोहविजया सतिरूवकारिणी विज्जा दिन्ना ।
तत्थेव पव्वए गोअमसामिणा सिंहनिसिज्जा चेइअस्स दक्खिणदुवारे पविसंतेण पढमं चउण्हं संभवाईणं पडिमाओ वंदिआओ; तओ पयाहिणेणं पच्छिमदुवारेसु पासाईणं अट्ठण्हं, तओ उत्तरदुवारे धम्माईणं दसहं, तओ पुव्व दुवारे दो चेव उसभ - अजिआणं ति ।
जं तित्थमिणमगम्मं ता फलिह वणगहणसमरवालेहिं । जलपडिबिंबियचेई अज्झयकलसाई पि जं पिच्छे || १ ॥ भविओ विसुद्धभावो पूआण्हवणाई तत्थ वि कुणंतो । पावइ जत्ताइफलं जं भावोच्चि फलं दिसइ ॥ २ ॥ भरहेसरनिम्मिविआ चेइअथमे इहं पडिमजुते । जे पणमंति महंति अ ते धन्ना ते सिरीनिलया || ३ || इअ अट्ठावयकप्पं जिणपहसूरीहिं निम्मिअं भाव्वा । भाविंति निअमणे जे तेसिं कल्लाणमुल्लसइ ||४ || अष्टापदस्तवे पूर्व योऽर्थः संक्षिप्य कीर्तितः । विस्तरेण स एवास्मिन् कल्पऽस्माभिः प्रकाशितः ।। ५ ।।
Ashtapadgirikalp
4 78
| SR No. | 009853 |
| Book Title | Ashtapad Maha Tirth Part 01 |
| Original Sutra Author | N/A |
| Author | Rajnikant Shah, Kumarpal Desai |
| Publisher | USA Jain Center America NY |
| Publication Year | 2011 |
| Total Pages | 528 |
| Language | Hindi, Sanskrit, Gujarati |
| Classification | Book_Devnagari |
| File Size | 178 MB |