Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
५२
अनुओगदाराई - ( ३०९ )
तं गुणप्पमाणे 1988/-144
( ३१०) से किं तं नयप्पमाणे नयप्पमाणे तिविहे पत्रत्ते तं जहा- पत्थगदितेणं वसहिदिट्ठतेणं पएसदितेणं से किं तं प्रत्यगदितेणं पत्यगदिट्टंतेणं-से जहानामए केइ पुरिसे परसुं गहाय अडवितो गच्छेजा तं च केइ पासित्ता वएजा कहिं भवं गच्छिम अविसुद्ध नेगमो भणतिपत्थगस्स गच्छामि तं च केइ छिंदमाणं पासित्ता वएज्जा किं भवं छिंदसि विसुद्धो नेगमो भणतिपत्यगं छिंदामि तं च केइ तच्छेमाणं पासित्ता वएज्जा- किं भवं तच्छेसि विसुद्धतराओ नेगमो भणतिपत्यगं तच्छेमि तं च केइ उक्कििरमाणं पासिता वएज्जा - किं भवं वििकरसि विसुद्धतराओ नेगमो मणति - पत्थगं उक्करामि तं च केइ लिहमाणं पासित्ता वएज्जा - किं भवं लिहसि विसुद्धतराओ गमो भणति - पत्यगं लिहामि एवं विसुद्वतरागस्स नेगमस्त नामाउडिओ पत्यओ एवमेव वचहारस्स वि संगहस्स चिओ मिओ मेजसमारूढो पत्यओ उज्जुसुयस्स पत्यओ वि पत्यओ मेजं पि पत्थओ तिन्हें सद्दनयाणं पत्यगाहिगारजाणओ पत्यओ जस्स वा वसेणं पत्यओ निष्फलइ से तं पत्यगदिद्वंतेणं से किं तं वसहिदिट्टंतेणं वसहिदिट्टंतेणं-से जहानामए केइ पुरिसे कंचि पुरिसं वएज्जाकहिं भवं वससि अविसुद्धो नेगमो भणति - लोगो वसामि लोगे तिबिहे पन्नत्ते तं जहा - उड्ढलोए अहेलोए तिरियलोए तेसु सव्वेसु भवं वससि विसुद्धो नेगमो भणति तिरियलोए वसामि तिरियलोए जंबुद्दीवाइया सर्वपुर- पणपञ्जवसाणा असंखेज्जा दीव-समुद्दा पत्रत्ता तेसु सव्वेसु भवं वससि विसुद्धतराओ नेगमो भणति जंबुद्दीवे बसामि जंबुद्दीवे दस खेत्ता पत्रत्ता तं जहा भरहे एरवए हेमवर हेरण्णवए हरिवरसे रम्मगवस्से देवकुरा उत्तरकुरा पुब्वविदेहे अवरविदेहे तेसु सव्वेषु भवं वससि विसुद्धतराओ नेगमो भणति भरहे वसामि भरहे दुविहे पत्रत्ते तं जहादाहिणड्ढमरहे य उत्तरड्ढभरहे य तेसुं सव्वेसु भवं वससि विसुद्धतराओ नेगमो भणति - दाहिणड्ढमरहे वसामि दाहिणड्ढभरहे अणेगाई गामागर - नगर - खेड - कब्बड मडंब-दोणमुहपट्टणासम-संबाह-सण्णिवेसाई तेसु स्वेषु भवं वससि विसुद्धतराओ नेगमो भणति पाडलिपुत्ते वसामि पाडलिपुत्ते अणेगाई गिहाई तेसुं सव्वेसु भवं वससि विसुद्ध तराओ नेगमो भणतिदेवदत्तस्स घरे वसामि देवदत्तस्स घरे अणेगा कोडगा तेसु सव्येसु भवं वससि विसुद्धतराओ नेगमो भणति गमघरे वसामि एवं विसुद्धतरागस्स नेगमस्स वसमाणो वसइ एवमेव ववहारस्स वि संगहस्स संधारसमारूढो वसइ उजुसुयस्स जेसु आगासपएसेसु ओगाटो तेसु वसई तिन्हं सद्दनयाणं आयभावे वसई से तं बसहिदिट्टंतेणं से किं तं पएसदिट्टंतेणं पएसदितेणं- नेगमो भणतिछहं पएसो तं जहा-धम्मपएसो अधम्मपएसो आगासपएसो जीवपएसी खंधपएसो देसपएसो एवं वयंतं नेगमं संगहो भणति-जं भणसि छण्हं पएसो तं न भवइ कम्हा जम्हा जो देसपएसो सो तस्सेव दव्वस्स जहा को दिट्टंतो दासेण मे खरो कीओ दासी वि मे खरो वि मे तं मा भणाहि छण्हं पएसो पणाहि पंचण्हें पएसो तं जहा-धम्मपएसो अधम्मपएसो आगासपएसो जीवपएसो खंधपएसो एवं वयं तं संगहं ववहारो भणसि-जं भणति पंचतं पएसो तं न भवइ कम्हा जइ पंचण्डं गोडियाणं केइ दव्वजाए सामण्णे तं जहा - हिरण्णे वा सुवण्णे वा धणे वा घण्णे वा तो जुत्तं वत्तुं चा पंचन्हं पएसो तं मा भणाहि पंचहं पएसो भणाहि-पंचविहो पएसो तं जहा-धम्मपएसी अधम्मपएसो आगासपएसो जीवपएसी खंधपएसो एवं वयंतं बवहारं उजुसुओ भणति-जं भणसि पंचविहो पएसो तं न भवइ कम्हा जइ ते पंचविहो पएसो एवं ते एक्केक्को पएसो पंचविहो एवं ते पणवीसतिविहो पएसो
For Private And Personal Use Only
| SR No. | 009775 |
| Book Title | Agam 45 Anuogdaram Chulikasutt 02 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 74 |
| Language | Prakrit |
| Classification | Book_Devnagari, Agam, Canon, Agam 45, & agam_anuyogdwar |
| File Size | 2 MB |