Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
१८
दसासुयखंघ - १०/१८
घाहणाई नीति नीणेत्ता दूसे पवीति पवीणेत्ता वाहणाई.सालंकाराई करेति करेत्ता वाहणाई वरमंड-मंडिताई करेति करेत्ता जाणाइंजोएति जोएत्ता वट्टपरगं गाहेति गाहेत्ता पओय-लर्टि पअयधरए य समं आडहइ आइहित्ता जेणेव सेणिए राया तेणेव उवागछइ उवागछित्ता करयल जाव एवं वदासी-जुत्ते ते सामी धम्मिए जाणप्पवरे आइडे पदं तव दूहाहि 'गुगाही] 1४१|
(९९) तए णं से सेणिए राया भिंभिसारे जाणसालियस्स अंतिए एयमटुं सोचा निसम्म हट्ठतुट्ठ-जाव मजणधरें अनुपविसइ जाव कप्परुक्खए व अलंकिय विभूसिते नरिंदे [सकोस्टमालदामेणं छत्तेणं धरिजमाणेणं चउचामरवालवीयइयंगे मंगल-जयसद्द-कवालोए] मजणधराओ पडिनिकखमति पडिनिक्खमित्ता जेणेव चेल्लणा देवी तेणेय उवागच्छइ उवागच्छिता चेल्लणं देविं एवं वदासि-एवं खलु देवाणुप्पिए समणे भगवं महावीरे आदिगरे तित्थगरे जाव संपाविउकामे पुव्वाणुपुट्विं (चरमाणे गामाणुगामं दूइजमाणे सुहंसुहेणं विहरमाणे] संजपेणं तवसा अप्पणं भावमाणे विहाति तं महाफलं देवाणुप्पिए तहारूवाणं जाव तं गच्छामो देवाणुप्पिए सपणं भगवं महावीर वंदामो नमसामो सक्कारेमो सम्पाणेमो कल्लाणं मंगलं देवयं चेइयं पहुवासामो एवं ने इहमवेय परभवे य हिताए सुहाए खमाए निस्सेयसाए आणुगामियत्ताए भविस्सति ४२।
(१००) ततेणं सा चेल्लमा देवी सेणियस्स रण्णो अंतिए एपमहूँ सोचा निसम्म हट्ट तुट्ट जाव पडिसुणेइ पडिसुणेत्ता जेणेव मजणघरे तेणेव उवागच्छइ उदागच्छित्ता पहाया कयबलिकामा कयकोउय-मंगल पायच्छित्ता किं ते बरपायपत्तनेउर-मणिमेहल-हार-रइय-ओचिय-कडग-खुहुएगावती कंठमुरज-तिसरय-वरवलय-हेमसुत्तय-कुंडलुजोवियाणणा रयणमूमिसंगी चीणंसुयं यत्थं परिहिता दुगुल्ल-सुकुमार-कंतरमणिज्ज-उत्तरिजा सम्बोउय सुरभिकुसुम-सुंदररयित-पलंबसोहंत कंत-विकसंत-चित्तमाला वरचंदणचच्चिया बराभरणभूसियंगी कालागरुधूवधूविया सिरीसमाणवेसा बहुहिं खुनाहिं चिलातियाहिं जाव महत्तरवंदपरिक्खित्ता जेणेव बाहिरियाउवद्वाणसाला जेणेव सेणिए राया तेणेव उवागच्छति।४३।
(१०१) तए णं से सेणिए राया चेल्लणाए देवीए सद्धिं धम्मियं जाणप्पवरं दुरूदे सकोरेंट मल्लदामेणं छत्तेणं धरिज्जमाणेणं उववाइ गपेणं नेयव्वं जाव पञ्जुवासइ एवं चैलणावि जाव महत्तरगपरिक्खित्ता जेणेव समणे भगवं महावीरे तेणेव उवागच्छइ उवागछित्ता समणं भगवं महावीरं यंदति नमसति सेणियं रायं पुरओ काउंठितिया चेव जाव पञ्जुवासति तए णं समणे भगवं महावीरे सेणियस्स रपणो भिभिसारस्स चेल्लणाए देवीए तीसे य महतिमहालियाए परिसाएइसिपरिसाए मुनिपरिसाए जतिपरिसाए देवपरिसाए अणेगसयाए जाव धम्मो कहितो परिसा पडिगया सेणितो राया पडिगतो ।
१०२) तत्य णं एमतियाणं निगंधाण निगंथीण य सेणियं रायं चेलण देविं पासित्ताणं इमेयासवे अज्झथिए० संकप्पे समुपजित्या-अहोणं सेणिए राया महिड्डीए जाव महेसक्खे जेणं पहाते कयबलिकम्मे कयकोउय-मंगल-पायच्छित्ते सव्वालंकारभूसिते घेल्लणादेवीए सद्धिं ओरालाई माणुस्सगाई मोगमोगाई मुंजमाणे विहरति न मे दिट्ठा देवा देवलोगंसि सक्खं खलु अयं देवे जति इमस्स सुचरियस्स तव-नियम-बंभचेरवासस्स कल्लाणे फलवित्तिविसेसे अस्थि तं ययमवि आगमेस्साइं इमाई एयारूवाई ओरालाई माणुस्सगाई भोगभोगाई मुंजमाणा विहरामो-सेत्तं साहू अहो णं चेलणा देवी महिड्डिया [महजुइया महब्बला महायसा] महेसक्खा जा णं ण्हाया
For Private And Personal Use Only
| SR No. | 009765 |
| Book Title | Agam 37 Dasasuyakkhanda Chheysutt 04 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 34 |
| Language | Prakrit |
| Classification | Book_Devnagari, Agam, Canon, Agam 37, & agam_dashashrutaskandh |
| File Size | 1 MB |