Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सायखंषं - ७/१ अनुपविसेजा नो से कप्पति नीहरित्तए वा विसोहेत्तए वा कप्पति से अहारियं रीइत्तए मासियण्णं भिक्खुपडिम पडिवनस्स अणगारस्स अच्छिसि पाणाणि या बीयाणि या रए वा परियावजेजा नो से कप्पति नीहरितए वा विसोहित्तए या कप्पति से अहारियं रीइत्तए माप्तिपण्णं भिक्खुपिमं पडिवनस्स अणगारस्स जत्येव सरिए अत्यमेजा तत्येव जलंसि वा थसि वा दुग्गंसि वा निणंसि वापब्वतंसि वा विसमंसि वा गड्ढाए वा दरीए या कप्पति से तं रयणिं तस्येय उयातिणावेत्तए नो से कप्पति पदमपि गमित्तए कप्पति से कलं पाउप्पभायाए रयणीए फुल्लुप्पल-कमलकोमलुम्मिलियमि अहएंडुरे पहाए रत्तासोगप्पगास-किसुय-सुयमुह-गुंजद्ध-राग-सरिसे कमलागरसंडदोहए उहियमि सूरे सहस्सरसिमि दिणयरे तेयसा जलंते पाईणाभिमुहस्स वा पडीणाभिमुहस्स वा दाहिणाभिमुहस्स या उत्तराभिमुहस्स वा अहारियं रीइत्तए मासियण्णं भिक्खुपडिमं पडिवनस्स अणगारस्स नो कप्पति अनंतरहिताए पुढवीए निदाइतए वा पयलाइत्तए वा केवली बूया-आदानमेयं से तत्य निद्दायमाणे या पयलायमाणे या हत्थेहिं भूमिं परामुसेझा अहाविहिमेव ठाणं ठाइत्तए निक्खमित्तए वा उच्चारपासवणेणं उव्याहेजा नो से कप्पति ओगिहित्तए वा कप्पति से पुच्चपडिलेहिए थंडिले उधारपासवणं परिद्ववितए तमेव उवस्सयं आगम्म ठाणं ठावित्तए मासियण्णं भिक्खुपडिमं पडिवनस्स अणगारस्स नो कप्पति ससाखेणं काएण गाहायइकुलं भत्ताए वा पाणाए वा निक्खमित्तए वा पविसित्तए वा अह पुणेयं जाणेजाससरस्खे सेअत्ताए वा जल्लत्ताए वा मलत्ताए वा पंकत्ताए वा विद्धरये से कप्पति गाहावइकलं मत्ताए वा पाणाए वा निक्खमित्तए वा पविसित्तए या मासियण्णं भिक्खुपडिमं पडियत्रस्स अणगारस्स नो कप्पति सीओदगवियडेण वा उसिणोदगवियडेण वा हत्याणि वा दंताणि वा अच्छीणि वा महं या उच्छो- लितए वा परोइत्तए वा नन्नत्य लेवालेवेण वा पत्तामासेण या मासियाणं मिक्खुपडिम पडिवनस्स अणगारस्स नो कप्पति आसस्स वा हस्थिस्स व गोणस वा महिसस्स वा सीयालस्स वा विरालस्स वा कोकंतियस्स वा ससगस्स वा चिल्ललस्स वा सुणगस्स या कोलसुणगस्स वा दुट्ठस्स आवदमाणस्स पदमवि पच्चोसक्कित्तए अदुस्स आवदमाणस्स कम्पति जुगमित्तं पच्चोसक्कित्तए अदुद्रुस्स आवदमाणस्स कप्पति जुगमित्तं पञ्चोसकित्तए मासियण्णं भिक्खुपडिमं पडियनस्स अणगारस्स नो कप्पति छायातो सीयंति नो उपहं एतए उपहाओ उण्हति नो छायं एतए जं जत्य जया सिया तं तत्य अहियासए एवं खलु एसा मासियमिक्खुपडिमा अहासुत्तं अहाकप्पं अहामग्गं अहातचं सम्म काएण फासिया पालिया सोहिया तीरिया किटिया आराहियाआणाए अनुपालियायावि भवति ॥३२॥
(५०) दोमासियण्णं भिक्खुपडिमं पडिवनस्स अणगारस्त निचं वोसट्टकाए चत्तदेहे जे केइ उवसागा उववनंति तं जहा-दिव्वा वा माणुस्सा वा तिरिक्खजोणिया वा ते उप्पन्ने समं सहति खमति तितिक्खाति अहियासेति सेसं तं चेव नवरं दो दत्तीओ तेमासियं तिणि दत्तीओ चाउमासियं चत्तारि दत्तीओ पंचमासियं पंच दत्तीओ छम्मासियं छ दत्तीओ सत्तमासियं सत्त दतीओ जतिमासिया तत्तिया दतीओ।३३।
(५१) पढमं सतरातिंदियण्णं भिक्खुपडिम पडिवत्रस्स अणगारस्स नियं दोसट्टकाए जाव अहियासेति कप्पति से चउत्थेणं भत्तेणं अपाणएणं बहिया गामस्स वा जाव रायहाणीए या उत्ताणगस्स वा पासेल्लगस्स वा नेसज्जियस्स वा ठाणं ठाइत्तए तत्य दिव्यमाणुस-तिरिक्खजौणिया
For Private And Personal Use Only
| SR No. | 009765 |
| Book Title | Agam 37 Dasasuyakkhanda Chheysutt 04 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 34 |
| Language | Prakrit |
| Classification | Book_Devnagari, Agam, Canon, Agam 37, & agam_dashashrutaskandh |
| File Size | 1 MB |