Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
निरुवलेवा पमुइवरतुरग-सीहअइरेगवट्टियकडी साहयतोणंद-मुसलदप्पण-निगरियवरकण-गच्छरुसरिस-वरवहावलियमझा गंगावत्तपयाहिणादत्ततरंगभंगुररविकिरणतरुण-बोहिय उकूकोसायंतपउमगंभीर-वियङनामी उज्जुय-समसहिय-सुजाय-जम-तणु-कसिण-निद्ध-आएज-लडह-सुकुमाल-मउय-रमणिज्जरोमराई प्रस-विहगसुजाय-पीणकुच्छी नसोयरा पम्हवियडनामा संगयपासा सन्न- यपासा सुंदरपासा सुजायपासा भियमाइय-पीण-रइयपासा अकरंडुयकणगरुयग-निम्मलसुजाय-निरुवहयदेहधारी पसत्य-बत्तीसलक्खणधरा कणगसिलायलुज्जलपसत्य-समतल-उयचिय-विस्थित्रपिहुलवळ्छा सिरिवछंकियवच्छा पुरवरफलिहवष्ट्रियमुया मुयगीसरविउलभोगआयाणफलिह-उच्छूढ़दीहवाहू जुगसन्निमपीण-रइय-पीवरुट्ठसंठि-यउवचिय-यण-थिर-सुबद्ध-सुवष्ट सुसिलिट्ठ लट्पव्यसंधी रततलोवचिय मउय-मंसल-सुजाय-लक्खणपसत्य-अच्छिद्दजालपाणी पीवर-वट्टिय-सुजाय-कोमलवरंगुलिया तंब-तलिण-सुइ-रुईर-निद्धनखा वंदपाणिलेहा सूरपाणिलेहा संखपाणिलेहा चक्कपाणिलेहा सोत्थियपाणिलेहा ससि-रवि-संख-चक्क सोत्यियविभत्त-सुविरइय-पाणिलेहा वरसहिस-वराह-सीहसहूल-उसम-नागवरविउल-पडिपुत्र-उन्यमउदक्खंघा चउरंगुल- सुपमाण कंबुवरसरिसगीवा अवष्ठिय-सुविपत्त-चित्तमंसू मंसल-संठियपसत्य-सद्दलविउलहणुया ओयवियसिलप्पवाल-बिंबफलसत्रुमाधरुट्ठा पंडुरसिसगलविमलनिम्मलसंख-गोखीर-कुंद-दग-रय-मुणालियाधवलदंतसेटी अखंडदंता अफुडियदंता अविरलदंता सुनिद्धदंता सुजायदंता एग- दंतसेढी विव अनेगदंता हुयवहनिद्धंत-धोय-तत्ततवमि-जरत्ततलतालु-जीहा सारसनवथमियमहुरगंभीर-कुंचनिग्धोस दुंदुहिसरा गरुलायय-उस-तुंगनासा अवदारिअपुंडरीयवयणा कोकासियधवलपुंडरीयपत्तलया आनामियचावरुइल-किण्हचिहुरराइसु. संठिय-संगय-आयय-सुजायमुमया अलीण-पमाणजुत्तसवणा सुसवणापीण-मंसलकवोलदेसमागा अइरुग्गय-समाग-सुनिद्ध-चंदद्धसंठियनिडाला उडुवइपडिपुत्र-सोमवयणा छतागारुत्तमंगदेसा धण-निचिय-सुबद्ध लक्ख- गुनय-कृडागार निम निरुवमपिंडियऽणसिरा हयवहनिद्धतधोय-तत्ततवणिजकेसंतकेसभूमी सामलीबोंडधणनिचियच्छोडिय - मिउ-विसय-सुहम-लक्षणपसत्य-सुगंधि- सुंदर - भुयमोयग-मिंग नील-काल-पहभमरगणनिद्ध-निउरंबनिधिय कुंचियपयाहिणवत्तमुद्धसिरया लक्षण-वंजणगुणोववेया मानुम्मानपमाणपडिपुत्रसुजायसव्वंगसुंदरगा ससिसोमागारा कंता पियदंसणा समावसिंगारचारुरुवा पासाईया दरिसणिजा अभिरुवा पडिरूवा, ते णं मणुया ओहस्सरा मेहस्सरा हंसस्सरा कोंचस्सरा नंदिस्सरा नंदिघोसा सीहस्सरा सीहधोसा मंजुस्सरा मंजुधौसा सुस्सरा सुस्सरधोसा अनुलोम वाउवेगा कंकगहणी कवोयपरिणामा सउणिप्फोस-पिद्धतरोरुपरिणया पउपुष्पल गंधसरिसनीसासा सुरभिवयणा छवी निरायंका उत्तं-पसत्ताइसेप्स-निरुवमत-जल्लपल-कलंक-सेय-रय-दोसवञ्जियसरीरा निरुवलेवा छायाउजोवियंगमंगा वारिसहनारायसंघयणा समचउ-रंससंठाणसंठिया छ्यणुसहस्साई उद्धं उच्यतेणं पत्रत्ता तेणं मणुया दोछापत्रपिटकरंडगसया पन्नत्ता समणाउसो तेणं मणुया पगइभया पगइविणीया पगइउवसंता पगइपयणुकोहमान-माया-लोभा मिउ पइवसंपन्ना अल्लीणा मद्दया विणीया अप्पिच्छा असत्रिहिसंचया अचंडा असि-मसि-किसि-वाणिजवियज्जिया विडिमंतरनिवासिणो इच्छिय कामकामिणो गेहागाररुखकयनिलया पुढवि-पुष्फ फलाहारा ते णं मणुयगणा पन्नता।१४|-14
For Private And Personal Use Only
| SR No. | 009754 |
| Book Title | Agam 28 Tandulveyaliyam Painnagsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 26 |
| Language | Prakrit |
| Classification | Book_Devnagari, Agam, Canon, Agam 28, & agam_tandulvaicharik |
| File Size | 1 MB |