Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पुफियाणं - re अनंतरं चयं चइत्ता कर्हि गछिडिइ कहिं उववशिहिद गोयमा इहेव जंबुद्दीये दीये मारहे वासे विंझगिरिपायमले विभेलसण्णिवेसे माहण-कुलंसि दारियत्ताए पचायाहितएणं तीसे दारियाए अम्मापियरो एक्कारसमे दिवसे वीइक्कंते निवत्ते असुइजाकम्पकरणे संपत्ते बारसाहेअपमेयारूवं नामधेझं करेहिति-होउणं अम्हें इमीसे पारियाए नामधेनं सोमा तएशंसाप्तोमा उम्मुक्कबालभावा विण्णय-परिणयमेत्ता जोव्वणगमणुप्पत्ता रूवेणं य जोव्वणेणं य लावण्णेय उक्किट्ठा उक्किासरीरा वि भविस्सइ तए णं तं सोमं दारियं अम्मापियरो उम्मुक्कबालभावं विण्णय-परिणयमेत्तं जोव्वणगमणुप्पत्तं पविरूविएणंसुक्केणं पडिरूविएणय विणएणं नियगस्स भाइणेजस्स रहकूडस्स मारियत्ताए दलइस्संति साणं मारिया भविस्सइ इट्ठा कंता जाव भंडकरंडगसमाणा तेलकेला इव सुसंगोविया चेलपेला इव सुसंपरिहिया रयणकरंडगो विव सुसारक्खिया सुसंगोविया मा णं सीयं जाय विविहा रोयायंका फुसंतु तए णं सा सोमा माहणी रहकूडेणं सद्धिं विउलाई भोगभोगाई भुंजमाणी संवच्छरे-सवंच्छरेजुयलगंपयायमाणीसोलसेहिं संवच्छरेहिं बत्तीसं दारगरूवे पयाहिइ
तए णं सा सोमा माहणी तेहिं बहूहिँ दाहगेहि य जाव डिंपियाहि य-अप्पेगइएहिं उत्ताणसेझएहि अप्पेगइएहि घणपाएहिं अप्पेगइएहिं पीइग-पाएहि अप्पेगइएहिं परंगणएहि अप्पेगइएहिं परक्कममाणेहि अप्पेगइएहिं पक्खेलणेहि अप्पेगइएहिं थणं मग्गमाणेहि अप्पेगइएहिं खीरं मागमाणेहिं अप्पेगइपहिं तेलं मग्गमाणेहि अप्पेगइएहि खेल्लणयं मागमाणेहिं अप्पेगइएहि खजगं मगगमाणेहि अप्पेगइएहिं कूरं मागमाणेहि अप्पेगएहिं पाणियं मग्गमाणेहिं अप्पेगइएहिं हसमाणेहिं अप्पेगइएहि हणमाणेहि अप्पेगइएहिं हम्ममाणेहि अप्पेगइएहि विप्पलायमाणेहिं अप्पेगइएहिं अणुगम्ममाणेहि अप्पेगइएहिं रोयपाणेहि अप्पेगइएहिं कंदमाणेहिं अप्पेगइएहिं विलवमाणेहि अप्पेगइएहिं कूवमाणेहिं अप्पेगडहिं क्य माणेहि अप्पेगइएहिं निद्दायमाणेहिं अप्पेगइएहिं पलयमाणेहिं अप्पेगइएहिं हदमाणेहि अप्पेगइएहिं वममाणेहि अप्पेगइएहिं छेरमाणेहिं अप्पेगइएहिं मुत्तमाणेहिं मुत्त-पुरिस-वमिय-सुलित्तोवलित्ता मइलवसणपोच्चडा असुइबीभच्छा परमदुग्गंधा नो संचाएहिइ रहकूडेणं सद्धिं विउलाई भोगभोगाई मुंजमाणी विहरित्तए तएणं तीसे सोमाए माहणीए अण्णया कयाइ पुव्वरत्तावरतकालसमयंसि जाव संकपे समुष्पञ्जित्था-एवं खलु अहं इमेहिं बहूहिं दारगेहि य जाव डिभियाहि य अप्पेगइएहिं उत्ताणसेज्जएहिं जाव अप्पेगइएहिं मुत्तमाणेहिं दुजाएहिं दुजम्मएहिं हयविप्पहयभग्गेहिं एगप्पहारपडिएहिं जेणं मुत्त-पुरीस-वमिय-सुलित्तोयलित्ता जाव परमदुग्गंधा नो संचाएमि रट्टकूडेणं सद्धिं जाव विहरित्तए तं धण्णाओ णं ताओ अम्मयाओ जाव सुलद्धे णं तासिं अम्मयाणं मणुए जम्मजीवियफले जाओ णं वंझाओ अदिपाउरियाओ जाणुकोप्परमायाओ सुरभिसुगंधगंधियाओ विउलाई माणुस्सगाई भोगभोगाई मुंजमाणीओ विहरंति अहं णं अधण्णा अपुण्णा जाव विहरितए तेणं कालेणं तेणं समएणं सुव्वयाओ नाम अजाओ इरियासमियाओ जाव बहुपरिवराओ पुव्याणुपुटियं चरमाणीओ० विमेले सण्णिवेसे उयागच्छति उवागच्छित्ता अहापडिरूवं ओग्गरं जाव विहरंति तए णं तासि सुळ्याणं अजाणं एगे संघाइए विमैले सणियेसे उच्च-नीय-जाय अडमाणे रडकूडस्स गिहं अनुपविढे तए णं सा सोमा माहणी ताओ अञ्जाओ एजपाणीओ पासइ पासित्ता हड्डा खिप्पामेव आसणाओ अब्मुढेइ अब्बुढेत्ता सत्तट्ठपयाइं अनुगच्छइ जाव पडिलाभेत्ता एवं वयासी-एवं खलु अहं अजाओ रहकूडेणं सद्धिं० सोलसहिं संवच्छरेहिं बत्तीसं दारगरूवे पयाया तएणं अहंतेहिं बहूहिं दारएहि य जाव डिभियाहि य
For Private And Personal Use Only
| SR No. | 009747 |
| Book Title | Agam 21 Puffiyanam Uvangsutt 10 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 22 |
| Language | Prakrit |
| Classification | Book_Devnagari, Agam, Canon, Agam 21, & agam_pushpika |
| File Size | 1 MB |