Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
८०
जंबुद्दीष पन्नत्ती - ४/१ फ
मूले एकत्तीस जोयणसहस्साइं नव य दसुत्तरे जोयणसए तिण्णि य एगारसभए जोयणस्स परिक्खेवेणं धरणितले एकतीसं जोयणसहस्साइं छच तेवीसे जोयणसए परिक्खेवेणं उवरितले तिण्णि जोयणसहस्साई एवं च बावट्टं जोयणसयं किंचिसेसाहियं परिक्खेयेणं मूले विच्छिष्णे मज्झे संखित्ते उवरिं तणुए गोपुच्संठाणसंठिए सव्यरयणामए अच्छे सण्हे से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते यण्णओ मंदरे णं मंते पच्चए कइ वणा पत्रता गोयमा चत्तारि वणा पत्रत्ता तं जहा-पद्दसालवणे नंदवणे सोमणसवणे पंडगवणे कहि णं मंते मंदरे पव्चए भद्दसालवणे नामं वणे पत्रत्ते गोयमा धरणितले एत्थ णं मदरे पव्वए भद्दसालवणे नामं वर्णे पत्रत्ते- पाईणपडीणायए उदीणदाहिणविच्छिण्पणे सोमणस-विज्जुप्पह-गंधमायण-मालवंतेहिं वक्खारपव्वएहिं सीयासीतोदाहि य महानईहिं अट्ठभागपविभत्ते मंदरस्स पव्वयस्स पुरत्थिमपच्चत्थिमेणं बावीस-बावीसं जोयणसहस्साइं आयामेणं उत्तरदाहिणेणं अड्ढाइज्जाई अड्ढाइलाई जोयणसयाई विक्खमेणं सेणं एगाए पउमवरवेइयाए एगेण य वणसंडेणं सव्वओ समंता संपरिक्खिते दुहवि दो भाणियव्यो कि किण्होभासे जाव देवा आसयंति सवंति मंदरस्स णं पव्वयस्स पुरत्थिमेणं भद्दसालवणं पन्नासं जोयणाई ओगाहिता एत्य णं महं एगे सिद्धाययणे पत्रते -पन्नासं जोयणाई आयामेणं पणवीसं जोयणाई विक्खंभेणं छत्तीसं जोयणाई उड्टं उच्चातेणं अणेगखंभसयसण्णिवट्टे वण्णओ तस्स णं सिद्धाययणस्स तिदिसिं तओ दारा पत्रत्ता ते णं दारा अट्ठ जोयणाई उड्ढं उच्चत्तेगं चत्तारि जोयणाई विक्खंभेणं तावइयं चेव पवेसेणं सेया वरकणगधूभियागा जाव वणमालाओ भूमिभागो य भाणियव्वो तस्स णं बहुमज्झदेसभाए एत्थ णं महं एगा मणिपेढिया पत्रत्ता- अट्ठ जोयणाई आयाम - विक्खंभेणं चत्तारि जोयणाई बाहल्लेणं सव्वरयणामई अच्छा तीसे णं मणिपेढियाए उवरिं देवच्छंदए- अट्ठ जोयणाई आयाम विक्खणं साइरेगाई अटु जोयणाई उड्दं उच्चत्तेणं जाव जिन डिमावणओ देवच्छंदगस्स जाव धूवकडुच्छ्रयाणं मंदरस्स णं पव्वयस्स दाहिणेणं भद्दसालवणं पन्नासं एवं चउद्दिसिंपि मंदरस्स मद्दसालवणे चत्तारि सिद्धाययणा भाणियव्वा मंदरस्स णं पव्वयस्स उत्तरपुरत्थिमेणं भद्दसालवणं पन्नासं जोयणाई ओगाहित्ता एत्थ णं चत्तारि नंदापुक्खरिणी ओ पत्रत्ताओ तं जहा पउमा पउमप्पमा चेव कुमुदा कुमुदप्पमा ताओ णं पुक्खरिणीओ पन्नासं जोयणाई आयामेणं पणवीसं जोयणाई विक्खंमेणं दस जोयणाई उव्वेहेणं वण्णओ वेइयावणसंडाणं भाणियव्यो चउद्दिसिं तोरणा जाव तासि णं पुक्खरिणीणं बहुमज्झदेसभाए एत्थ णं महं एगे ईसाणस्स देविंदस्स देवरण्णो पासावडेंसए पन्नत्ते - पंचजोयणसयाई उड्द्धं उद्यत्तेणं अड्ढाइज्जाएं जोयणसयाई विक्खंभेणं अब्भुग्गयमूसियपहसिय विव एवं सपरिवारो पासायवडेंसओ भाणियव्वो मंदरस्स णं एवं दाहिणपुरत्थिमेणं पुक्खरिणीओ उप्पलगुम्मा नलिणा उप्पला उप्पलुजला तं चैव पमाणं मज्झे पासायवडेंसओ सक्कस्स सपरिवारो तेणं चैव पमाणेणं दाहिणपञ्चत्थिमेणं वि पुक्खरिणीओ भिंगा भिंगनिभा चैव अंजणा कज्जलप्पमा पासायवडेंसओ सक्कस्स सीहासणं सपरिवारं उत्तरपच्चत्थिमेणं पुक्खरिणीओ सिरिकता सिरिचंदा सिरिमहिया चैव सिरिनिलया पासायवडेंसओ ईसाणस्स सीहासणं सपरिवारं मंदरे णं भंते पव्वए मद्दसालवणे कइ दिसाहत्थिकूड़ा पत्रत्ता गोयमा अड्ड दिसाहत्यिकूड़ा पत्रत्ता [ तं जहा ]- 19०४-11-103-1
( १९५ ) पउमुत्तरे नीलवंते सुहत्थी अंजणागिरी कुमुदे य पलासे य वडेंसे रोयणागिरी
For Private And Personal Use Only
।। ६५॥ -1
| SR No. | 009744 |
| Book Title | Agam 18 Jambudivapannatti Uvangsutt 07 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 130 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 3 MB |