Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
६८
अंनुदीव पन्नत्ती-४/१४३
यासह रपव्ययस्स दक्खिणिल्लाओ चरिमंताओ अट्ठजोयणसए चोतीसे चत्तारिय सत्तभाए जोयणस्स अबहाए सीयाए महानईए पुरस्थिम पत्रत्थिमेनं उभओ कूले एत्य णं जभगा नामं दुवे पव्वया पत्ता- जोयणसहस्सं उडूढं उच्चत्तेणं अड्ढाइजाइं जीयणसयाई उव्वेहेणं पूले एवं जोयणसहरसं आयाम - विक्खंभेणं मझे अट्टमाणि जीयणसयाइं आयाम विक्खंभेणं उवरि पंच जोयणसयाई आयाम - विक्खंभेणं पूले तिणि जोयणसहस्साइं एगं च बावट्ठ जोयणसयं किंचिविसेसाहियं परिक्खेवेणं मज्झे दो जोयणसहस्साइं तिण्णि य बावत्तरे जोयणसए किंचिविसेसाहिए परिक्खेवेणं उबरि एवं जोयणसहस्सं पंच य एकासीए जोयणसए किंचिविसेसाहिए परिक्खेवेणं मूले विच्छिण्णा मझे संखित्ता उप्पिं तणुया गोपुच्छसंठाणसंठिया जमगसंठाणसंठिया सव्वकणगामया अच्छा सहा पत्तेयं पत्तेयं पउमवर वेइयापरिक्खित्ता पत्तेयं-पत्तेयं वणसंडपरिक्खित्ता तओ णं पउमवरवेइयाओ दो गाउयाई उड्ढं उच्चत्तेणं पंच धणुसयाई विक्खंभेणं वेइयावणसंडवण्णाओ भाणियव्वो तेसि णं जमगपव्वयाणं उपिं बहुसमरमणि भूमिभागे पनते जाव-तस्स णं बहुसमरमणिजस्स भूमिभागस्स बहुमज्झदेसपाए एत्य णं दुवे पासायवडेंसगा पन्नत्ता ते णं पासायव- डेंसगा वावट्टि जोयणाई अद्धजीयणं च उड्ढं उच्चत्तेणं एक्कतीसं जोयणाई कोसं च आयाम - विक्खंभेणं पासायवण्णओ माणियव्वो सीहासणा सपरिवारा जाव एत्य णं जएगाणं देवाणं सोलसहं आयारक्खदेवसाहस्सीणं सोलस भद्दासणसाहस्सी ओ पन्नत्ताओ से केणद्वेणं मंते एवं बुच्चइ-जमगा पव्वया जमगा पव्वया गोयमा जमगपव्वएसु णं तत्य-तत्य देसे तर्हि तहिं खुड्डा खुड्डियासु बावीसु जाव बिलपंतियासु बहवे उप्पलाई जाव जमगवण्णाभाई जभगा य एत्थ दुवे देवा महिड्ढीया ते णं तत्थ घउन्हं सामाणियसाहस्सीणं जाव भुंजमाणविहरंति से तेणद्वेणं गोयमा एवं बुधइ-जमगपब्वयाजमगपव्यया अदुत्तरं च णं सासए नामथेजे जाब जमगपव्वया-जमगपव्वया कहि णं भंते जमगाणं देवाणं जगाओ रायहाणीओ पत्रत्ताओ गोयमा जंबुद्दीवे दीवे मंदरस्स पव्वयस्स उत्तरेणं अण्णंमि जंबुद्दीवे दीवे बारस जोयणसहस्साई ओगाहित्ता एत्य णं जमगाणं देयाणं जमगाओ रायहाणीओ पत्रत्ताओ-बारस जोयणसहस्साई आयाम विक्खंभेणं सत्तत्तीसं जोयण- सहस्साई नय य अडयाले जोयणसए किंचिविसेसाहिए परिक्खेवेणं पतेयंपत्तेयं पागारपरिक्खित्ता ते णं पागारा सत्तत्तीसं जीयणाई अद्धजोयणं च उडूढं उच्चत्तेणं मूले अद्धतेरस जोयणाई विक्खंभेणं मज्झे छस्सकोसाई जोयणाद्दं विक्खंभेणं उवरिं तिण्णि सअद्धकोसाइं जीयणाई विक्खंभेणं मूले विच्छिण्णा मज्झे संखित्ता उपिं तणुया बाहिं बुट्टा अंती चउरंसा सव्वरयणामया अच्छा ते णं पागारा नाणामणिपंचवणेहिं कविसीसएहिं उवसोहिया तं जहा किण्हेहिं जाव सुकिकलेहिं ते णं कविसीसगा अद्धकोसं आयामेणं देसूणं अद्धकोसं उडूढं उच्चतेणं पंच धणुसयाई बाहल्लेणं सव्यमणिमया अच्छा जगाणं रायहाणीणं एगमेगाए बाहाए पणबीसं पणवीसं दारसयं पत्रत्तं ते जं दारा बावट्ठ जोयणाई अद्धजोयणं च उड्ढं उच्चत्तेणं एक्कत्तीस जोयणाई कोसं च विक्खंभेणं तावइयं चैव पवेसेणं सेया चरकण भियागा एवं रायप्पसेणइज्जविमाणवत्तव्ययाए दारवण्णओ जाव अष्टमंगलगाई जमयाणं रायहाणीणं चउद्दसिं पंच-पंच जोयणसए अबाहाए चत्तारि वणसंडा पत्रत्ता तं जहा असोगवणे सत्तिवण्णवणे चंपगवणे चूयवणे ते णं वणसंडा साइरेगाई बारसजोयणसहस्साइं आयामेणं पंच जोयणसयाई विक्खमेणं पत्तेयं-पत्तेयं पागाररिक्खित्ता किण्हा वणसंडवण्णओ भूमीओ पासायवर्डेसगा य भाणियव्वा जमगाणं रायहाणीणं अंतो बहुसमरमणिज्जे भूमिभागे पत्ते वण्णगो तेसि णं
For Private And Personal Use Only
| SR No. | 009744 |
| Book Title | Agam 18 Jambudivapannatti Uvangsutt 07 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 130 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 3 MB |