Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
६२
बुद्दीवली-४/१२
महानईए पश्चत्थिमेणं रोहियसाए महानईए पुरत्थिमेणं हेमवयवासस्स बहुमज्झदेसमाए एत्य णं सद्दायई नामं वट्टवेयढपव्यए पत्रत्ते एवं जोयणसहस्सं उद्धं उच्चत्तेणं अड्ढाइज्जाई जोयणसयाई उव्वेहेणं सव्वत्वसमे पल्लगसंटाणसंठिए एवं जोयण- सहस्सं आयाम विक्खंभेणं तिष्णि जोयणसहस्साई एगं च याबद्वं जोयणसयं किंचिविसेसाहियं परिक्खेवेणं सच्चरयणामए अच्छे से णं एगाए परमवरवेइयाए एगेण य वणसंडेणं सव्वओ समंता संपरिक्खित्ते वेइयावणसंडवण्णओ भाणियव्वो सद्दावइस्स णं वट्टवेयडूढपव्ययस्त उवरिं बहुसमरमणिजे भूमिभागे पत्रत्ते तस्स णं बहुतमरमणिस्स भूमिभागस्स बहुमज्झदेसभाए एत्य णं महं एगे पासायवडेंसए पत्त्रत्ते- बावट्ठि जोयणाई अद्धजोयणं च उडूढं उच्चत्तेणं एक्कतीसं जोयणाई कोसं च आयाम विक्खमेणं जाव सीहासणं सपरिवार के केणट्टणं पंते एवं बुच्चइ- सद्दावई वट्टवेयड्ढपव्वए सद्दावई वट्टवेयड्ढपव्वए गोयमा सद्दावइवट्टवेयड्ढपव्वए णं खुड्डा खुड्डियासु बावीसु जाव बिलपतियासु बहवे उप्पलाई पउमाई सद्दावइप्पभाई सद्दावइआगाराई सद्दावइवण्णाई सद्दावइण्णाभाई सद्दावई यत्थ देवे पहिड्ढीए जाव महाणुभागे पलिओदमट्टिईए परिवसइ से तेणणं जाव सद्दावई वट्टवेयड्ढपव्वए-सद्दावई चट्टवेयडूढपव्वए रायहाणीवि नेयव्वा मंदरस्स पव्वयस्स दाहिणेणं अण्णंमि जंबुद्दीवे दीवे १७८1-77
(१३३) से केणट्टेणं भंते एवं बुधइ-हेमवए बासे हेमवए वासे गोयमा चुल्लहिमवंतमहाहिमवंतेहिं वासहरपव्वएहिं दुहओ समुवगूढे निचं हेमं दलयइ निचं हेमं पगासइ हेमवए य एत्थ देवे महिड्ढीए जाव पलिओचमट्ठिईए परिवसइ से तेणेड्डेणं गोयमा एवं बुच्चइ० | ७९ 178
(१३४) कहि णं भंते जंबुद्दीवे दीवे महाहिमवंते नामं वासहरपव्वए पत्ते गोयमा हरिवासस्स दाहिणेणं हेमवयस्स वासस्स उत्तरेणं पुरत्थिमलवणसमुद्दस्स पञ्चत्थिमेणं पञ्चत्थिमलवणसमुद्दस्स पुरस्थिमेणं एत्य णं जंबुद्दीवे दीवे महाहिमवंते नामं वासहरपव्व पत्रत्ते-पाईणपडीणायए उदीणदाहिणविच्छिण्णे पलियंकसंठाणसंठिए दुहा लवणसमुद्दे पुढे पुरथिमिल्लाए कोडीए पुरत्थि - मिल्लं लवणसमुद्दे पुढे पच्चत्थिमिल्लाए कोडीए पञ्चत्थिमिल्लं लयणसमुद्दे पुढे दो जोयणसयाई उच्चत्तेणं पन्नासं जोयणाई उच्वेहेणं चत्तारि जोयणसहस्साइं दोण्णि य दसुत्तरे जोयणसए दस य एगूणवीसइभाए जोयणस्स विक्खंभेणं तस्स बाधा पुरत्थिमपञ्चत्थिमेणं नव जोयणसहस्साइं दोणि य छावत्तरे जोयणसए नव य एगूणवीसइभाए जोयणस्स अद्धभागं च आयामेणं तस्स जीवा उत्तरेणं पाईणपडीणायया दुहा लवणसमुद्दे पुट्ठा पुरथिमिलाए कोडीए पुरथिमिल्लं लवणसमुद्दे पुट्ठा पत्थिमिल्लाए कोडीए पचत्थिमिल्लं लवणसमुद्दं पुट्ठा तेवण्णं जोयणसहस्साई नव य एगतीसे जोयणसए छच्च एगूणवीसइमाए जीयणस्स किंचिदिसेहाए आयामेणं तस्स धणु धणुपट्टं दाहिणेणं सत्तायण्णं जोयणसहस्साइं दोण्णि य तेणउय जोयणसए दस य एगूणवीसइभाए जोयणस्स परिक्खवेवेणं रुयगसंठाणसंठिए सव्वरयणामए अच्छे उभओ पासिं दोहिं पउमवरवेइयाहिं दोहिय वणसंडेहिं संपरिक्खित्ते महाहिमवंतस्स णं वासहरपव्वयस्स उप्पिं बहुसमरमणिजे भूमिभागे पन्नत्तेनाणाविहपंचवण्णेहिं मणीहिय तणेहि य उवसोभिए जाव आसयंति सयंति० ॥ ८०/-79
(१३५) महाहिपंवंतस्स णं बहुमज्झदेसभाए एत्य णं एगे महापउमद्दहे नामं दहे पत्रत्ते-दो जोयणसहस्साई आयामेणं एगं जोयणसहस्सं विक्खंभेणं दस जोयणाई उव्वेहेणं अच्छे ययामयकूले एवं आयाम-विक्खंभविहूणा जा चेव पउमद्दहस्स यत्तव्वया सा चेव नेयव्वा पउमप्पमाणं दो जोयणाई अट्टो जाव महापउमद्दहवण्णाभाई हिरी य एत्य देवी महिढीया जाव पनिओवमट्ठिया
For Private And Personal Use Only
| SR No. | 009744 |
| Book Title | Agam 18 Jambudivapannatti Uvangsutt 07 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 130 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 3 MB |