Page Text
________________
Shri Mahavir Jain Aradhana Kendra
पवारो-४
www.kobatirth.org Acharya Shri Kailassagarsuri Gyanmandir
५९
वेरुलियरमणिफालियपडल-पच्चोयडे बट्टे समतीरे अनुपुच्वसुजायवप्प- गंभीरसीयलजले संछण्णपत्तमिमुणाले बहुउप्पल - कुमुय नलिण- सुभग-सोगंधिय-पोंडरीय- महापोंडरीय सयपत्त-सहस्सपत्त-पम्फुल्ल- केसरोवचिए अच्छविमलपत्थसलिलपुत्रे पडिहत्यभमंतमच्छ्रकच्छभ अणेगसउणगणमिहुणपवियरिय- सहुत्रइयमहुरसरणाइए पासाईए दरिसणिजे अभीरूचे पडिरूवे से णं एगाए पउमवरवेइयाए एगेण य वनसंडेणं सव्वओ समंता संपरिक्खित्ते बेइया-वणसंडपमाण वण्णओ भाणियव्वो तस्स गं गंगप्पवायकुंडस्स तिर्दिसि तओ तिसोवाणपडिरूवगा पत्रत्ता तं जहापुरत्थिमेणं दाहिणेणं पञ्चत्थिमेणं तेसि णं तिसोवाणपडिरूवगाणं अयमेयारूवे वण्णावासे पत्ते तं जहा-वइरामया नेम्मा रिट्ठामया पट्टाणा वेरुलियामया खंभा सुवण्णरुप्पमया फलया तोहियक्खमईओ सूईओ यइरामया संधी नानीमणिमया आलंबणा आलंबणबाहाओ तेसि णं तिसोवाणपडिरूगाणं पुरओ पत्तेयं-पत्तेयं तोरणे पत्ते ते णं तोरणा नानामणिमया नानामणिमएसु खंभेसु उवणिविट्ठसंनिविट्ठा विविहतारारूवोवचिया विविहमुत्तंतसेवइया ईहा मिय-उत्सहतुरग-नर-मगरविहग-वालग-किण्णर-रुरु-सरम- चमर-कुंजर-वणलय-पउमलयभत्तिचित्ता खंभुग्गयवइरवेड्यापरिगया-भिरामा विज्चाहरजमलजुयलजंतजुत्ताविव अच्चीसहस्समालणीया रुवगसहस्सकलिया मिसमाणा भिब्भिसमाणा चक्खुल्लोयणलेसा सुहफासा सस्सिरीयरूवा पासादीया दरिसणिला अभिरूवा पडिलवा तेसि णं तोरणाणं उचरिं बहवे अट्ठट्टमंगलगा पत्रत्ता तं जहा सोत्थिय-सिरिवच्छ[नंदियावत्त-बद्धमाणग-भद्दासण- कलस-मच्छ-दप्पणा सव्वरयणामया अच्छा ] जाव पडिरूवा तेसिणं तोरणाणं उयरिं बहवे किण्हचामरज्झया [नीलचामरज्झया लोहियचामरज्झया हालिद्दचामरज्झया ] सुक्किलचामरज्झया अच्छा सण्हा रुप्पपट्टा वइरामयदंडा जलयामलगंधिया सुरूवा पासाईया दरिसणिज्जा अभिरुवा पडिरूवा तेसि णं तोरणाणं उप्पिं बहवे छताइच्छत्ता पडागाइपडागा घंटाजुयला चामरजुयला उप्पलहत्यगा पुमहत्यगा जाव सहस्तपत्त हत्या सव्वरयणामया अच्छा जाव पडिरूया तस्स णं गंगप्पवायकुंडल्स बहुमज्झदेसभाए एत्थ णं महं एगे गंगादीवे नामं दीदे पत्रत्ते- अट्ठ जोयणाई आयाम - विक्खंभेणं साइरेगाई पणवीसं जोयणाई परिक्खेदेणं दो कोसे ऊसिए 'ताओ सव्यवइरामए अच्छे से णं एगाए पउमवरवेइयाए एगेणं य वणसंडेणं सव्वओ समंता संपरिक्खित्ते वण्णओ भाणियव्वो गंगादीवस्स णं दीवस्स उपि बहुसमरमणि भूमिभागे पत्रत्ते तस्स णं बहुमज्झसभाए एत्थ णं महं गंगाए देवीए एगे भवणे पत्रत्ते को आयामेणं अद्धकोसं विक्खंभेणं देसूणगं च कोसं उड्टं उच्चत्तेणं अगेगखंभसयसण्णिविट्टे पासाईए दरिसणिजे अभिरूवे पडिरूवे जाव बहुमज्झदेसभाए मणिपेढिया सयणिज्जे से केणद्वेणं जाव सासए नामधेये पन्नत्ते तस्स णं गंगप्पवायकुंडस्सस दक्खिणिल्लेणं तोरणेणं गंगा महानई पवूढा समाणी उत्तरड्ढभरहवास एजेमाणी-एज्जेमाणी सत्तहिं सलिलासहस्सेहिं आपूरेमाणी- आपूरेमाणी अहे खंडप्पवायगुहाए वेयडूढपव्ययं दालइत्ता दाहिणइटभरहवासं एजेमाणी-एजेमागी दाहिणड्ढभरहवासस्स बहुमज्झसभागं गंता पुरत्याभिमुही आवत्ता सपाणी चोद्दसहिं सलिलास हस्सेहिं समाना अहे जगई दालइत्ता पुरत्थिमेणं लवणसमुद्दं समप्पेइ गंगा णं महानई पवहे छ सकोसाई जोयणाई विक्खंभेणं अद्धको उव्वेहेणं तयणंतरं च णं मायाए-मायाए परिवढमाणी- परिवड्ढमाणी मुहे बावि जोयणाई अद्धजोधणं च विक्खंभेणं सकोसं जोयणं उब्वेहेणं उभओ पासिं दोहि य पउपवरवेइयाहिं दोहिय वणसंडेहिं संपरिक्खित्ता बेइयावणसंडदण्णओ भाणियन्यो एवं सिंधूएहिं नेयव्वं जाव तरस
For Private And Personal Use Only
| SR No. | 009744 |
| Book Title | Agam 18 Jambudivapannatti Uvangsutt 07 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 130 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 3 MB |