Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
४६
जंबुद्दीव पन्नत्ती - ३/१०४
भरहं रायं करयलपरिग्गहियं सिरसावत्तं मत्वए अंजलिं कट्टु जएणं विजएणं वद्धावेइ बद्धावेत्ता एवं वयासी- विहाडिया णं देवाणुप्पिया खंडप्पयायगुहाए उत्तरिल्लस्स दुबारस्स कवाडा एयणं देवाणुप्पियाणं पियं निवेदेमो पियं भे भवउ सेसं तहेव जाब भरहो उत्तरिल्लेणं दुवारेणं अईइ ससिव्व पेहंधकारनिवहं [तए णं से भरहे राया छत्तलं दुवालसंसियं अट्ठकण्णियं अहिंगरणिसंठियं अट्ठसोवण्णियं कागणिरयणं परापुसइ तए णं तं चउरंगुलप्पमाणमित्तं अट्ठसुवण्णं च विसहरणं अउलं चउरंससंठाणसंठियं समतलं माणुम्माणजोगा जतो लोगे चरंति सव्वजणपत्रवगा नवि चंदो नवि तत्थ सूरो नवि अग्गी नवि तत्व मणिणो तिमिरं नासेति अंधकारे जत्य तर्क दिव्यप्पभावजुत्तं दुवालसजोयणाई तस्स लेसाओ विवर्द्धति तिमिरणिगरपडिसेहियाओ रतिं च सव्वकालं खंधावारे करेइ आलोयं दिवसभूयं जस्स पभावेणं चक्कवट्टी खंडप्पवायगुहमतीति सेण्णसहिए रायपवरे कागणि गहाय खंडप्पवायगुहाए पच्चत्थिमिल्ल-पुरथिमिल्लेसु कडएस जोयणंतरियाई पंचधणुसयाया विक्खंभाई जोयज्जोयकराई चक्कनेमीसंठियाई चंदमंडल पडिणिकासाइं एगू- णपत्रं मंडलाई आलिहमाणे- आलिहमाणे अनुष्पविसइ तए णं सा खंडप्पवायगुहा भरहेणं रण्णा तेहिं जोयणंतरिएहिं पंचधणुसयायामविक्खंभेहिं जोयणुजोयकरेहिं एगुणपत्राए मंडलेहि आलिहिजमाणेहिं-आलिहिज्ज्रमाणेहिं खिप्पामेव आलोगभूया उज्जीयभूया दिवसभूया जाया यावि होत्या तीसे णं खंडप्पवायगुहाए बहुमज्झदेसभाए एत्य णं उम्मुग्ग-निमुग्ग-जलाओ नामं दुवे महानईओ पत्रत्ताओ जाओ णं खंडप्पवायगुहाए पञ्चत्थिमिल्लाओ कडगओ पवूढाओ समाणीओ पुरत्थिमेणं गंगं महानई समप्पेति सेसं तहेव नवरं पञ्चत्थिमिल्लेणं कूलेणं गंगाए संकमवत्तव्वया तहेव तए णं तीसे खंडगष्पवायगुहाए दाहिणिल्लस्स दुवारस्स कवाडा सयमेव महया - महया कोंचारवं करेमाणाकरेमाणा सरसरस्स सगाई-सगाई ठाणाई पञ्च्चोसविकत्या तए णं से भरहे राया चक्करयणदेसियमगे [ अणेगरायवरसहस्साणुयायमागे महयाउकिकट्ठसीहनायबोलकलकलरवेणं पक्खुभियमहा-समुद्दवभूयंपिच करेमाणे- करेमाणे खंडगप्पवायगुहाओ दक्खिणिल्लेणं दारेणं नीणेइ ससिव्व मेहंधकारनिवहाओ । ६५1-65
(१०५) तए णं से भरहे राया गंगाए महानईए पचत्थिमिले कूले दुवालसजोयणायामं नवजोयणविच्छिण्णं वरणगरसरिच्छं विजयखंधावारणिवेसं करेइ [करेत्ता वड्ढइरयणं सद्दावेइ सद्दावेत्ता एवं बयासी - खिप्पामेव भी देवाणुपिया मम आवासं पोसहसालं च करेहि करेता ममेयमाणत्तियं पञ्चष्पिणाहि तए णं से बड्ढरयणे भरहेणं रण्णा एवं युत्ते समाणे हडतुट्ठ-चित्तमाणंदिए नंदिए पीइमणे परमसोमणस्सिए हरिसवसविसप्पमाणहियए करयलपरिग्गहियं सिरसावत्तं मत्थए अंजलिं कट्टु एवं सामी तहत्ति आणाए विणएणं वयणं पडिसुणेइ पडिसुणेत्ता भरहस्स रण्णो आवसहं पोसहसालं च करेइ करेत्ता एयमाणत्तियं खिप्पामेव पञ्चष्पिणति तए णं से भरहे राया आभिसेक्काओ हत्थरपणाओ पचोरुहइ पचोरुहिता जेणेव पोसहसाला तेणेव उवागच्छइ उवागच्छिता पोसहसालं अनुपविसद अनुपविसित्ता पोसहसालं पमञ्चइ पमचित्ता दब्भसंधारगं संघरइ संथरित्ता ददमसंथारगं दुरुहइ दुरुहित्ता ] निहिरयणाणं अट्टमभत्तं पगिण्हइ तए णं से भरहे राया पोसहसालाए पोसहिए बंभयारी उम्मुक्कमणिसुदण्णे बवगयमालावण्णगविलेवणे निक्खितसत्यमुसले ददभसंथारोवगए अड्डमभत्तिय निहिरयणे मणसीकरेमाणे मणसीकरेमाणे चिट्ठइ तस्स अपरिमियरत्तरयणा धुवमक्खयमव्दया सदेवा लोकोपचयंकरा उबगया नव निहिओ लोग
For Private And Personal Use Only
| SR No. | 009744 |
| Book Title | Agam 18 Jambudivapannatti Uvangsutt 07 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 130 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 3 MB |