Page Text
________________
Shri Mahavir Jain Aradhana Kendra
www.kobatirth.org Acharya Shri Kailassagarsuri Gyanmandir
चकूखारो-१
ललंति कीलंति मोहंति पुरापोराणाणं सुचिष्णाणं जाव कल्लाणाणं कल्लाणं फलवित्तिविसेसं पचणुभमाणा विहरंति तीसे णं जगईए उप्पिं पउमवरवेइयाए अंतो एत्थ णं महं एगे वणसंडे पत्रत्तेदेसूणाई दो जोयणाई विक्कंभेणं वेदियासमए परिक्खेवेणं किम्हे जाव तणविहूणे नेयव्वे । ६/-6 (७) जंबुद्दीवस्स णं भंते दीवस्स कति दारा पश्नत्ता गोयमा चत्तारि दारा पत्रत्ता तं जहा - विजए जयंते जयंते अपराजिते एवं चत्तारि वि द्वारा सराय हाणिया भाणियेव्या ॥ ७ ॥ -7
(८) कहि णं भंते जंबुद्दीयस्स दीवस्स विजए नामं दारे पन्नत्ते गोयमा जंबुद्दीवे दीवे मंदरस्स पव्ययस्स पुरत्थिमेणं पणयालीसं जोयणसहस्साइं वीइवइत्ता जंबुद्दीये दीवे पुरत्थिमपेरते लवणसमुद्दपुरत्थिमद्धस्स पञ्चत्थिमेणं सीआए महानईए उप्पिं एत्य णं जंबुद्दीवरस विजए नामं दारे पन्नत्तेअट्ठ जोयणाई उद्धं उद्यतेणं चतारि जोयणाई विक्खंभेणं तावइयं चेव पयेसेणं सेए वरणगभियाए जाय दारस्स वण्णओ जाव रायहाणी | ८ 8
(९) जंबुद्दीवस्स णं भंते दीवस्स दारस्स य दारस्स य केवइए अबाहाए अंतरे पन्नत्ते गोयमा अउणासीइं जोयणसहस्साइं बावण्णं च जोयणाई देसूणं च अद्धजोपणं दारस्स य दारस्स य अथाहाए अंतरे पत्ते 1९1-8
(१०) अउणासीइ सहस्सा बावण्णं चेच जोयणा हुंति ऊणं च अद्धजोयण दारंतर जंबुद्दीवस्स
1911-1
(११) कहि णं भंते जंबुद्दीवे दीवे भरहे वासे गोयमा चुल्लहिमवंतस्स वासह- रपव्वयस्स दाहिणेणं दाहिणलवणसमुद्दस्त उत्तरेणं पुरत्यिमलवणसमुद्दस्त पचत्विमेणं पञ्चत्विमलवणसमुद्दस्स पुरत्थिमेणं एत्य णं जंबुद्दीवे भरहे वासे खाणुवहले कंटकबहुले विसमबहुले दुग्गबहुले पज्वयबहुले पवायलबहुले उज्झरबहुले निज्झरबहुले खड्डाबहुले दरिबहुले नदीबहुले दहबहुले रुक्खबहुले गुच्छबहुले गुम्मबहुले लयाबहुले वल्लीबहुले अडवीबहुले सावयबहुले तेणबहुले तक्करबहुले डिंबबहुले डमरबहुले दुभिक्खबहुले दुक्कालबहुले पाखंडबहुले किवणबहुले वणीमगबहुले ईतिबहुले मारिबहुले कुवुट्ठिबहुले अणावुट्टिबहुले रायबहुले रोगबहुले संकिलेसबहुले अभिक्खणं अभिक्खणं संखोहबहुले पादीणपडीणायए उदीणदाहिणविच्छिष्णे उत्तरओ पलियंकसंठाणसंठिए दाहिणओ धणुपट्टसंठिए तिधा लवणसमुद्दं पुडे गंगासिंधूहिं महानईहिं येयद्वेण य पव्वएण छब्मागपविभत्ते जंबुद्दीवदीवणउयसयभागे पंचछव्वीसे जोयणसए छच्च एगूणवीसइभाए जोयणस्स विक्खंभेणं मरहस्स णं वासस्स बहुमज्झदेसभाए एत्थ णं वेयड्ढे नामं पव्वए जे णं भरलं दुहा विमयमाणे - (२) चिट्ठई तं जहा दाहिणड्ढभरहं च उत्तरढमरहं च 190/10
(१२) कहि णं भंते जंबुद्दीचे दीवे दाहिणद्धे भरहे नामं वासे० वेयड्ढस्स पव्वयस्स दाहिणेणं दाहिणलवणसमुद्दस्स उत्तरेणं पुरत्थिमलवणसमुद्दस्स पञ्चत्विमेणं पञ्चत्विमलवणसमुद्दस्स पुरत्विमेणं एत्थ णं जंबुद्दीवे दीवे दाहिणद्धभरहे नामं वासे पत्रत्ते - पाईणपडीणायए उदीणदाहिणविच्छिष्णे अद्धचंदसंठाणसंठिए तिहा लवणसमुहं पुढे गंगासिंधूहिं महानईहिं तिभागपविभते दोणि अद्भुतीसे जोयणसए तिण्णिय एगूणवीसइभागे जोयणस्स विक्खंभेणं तस्स जीवा उत्तरेणं पाईणपडीणयया दुहा लवणसमुद्दे पुट्टा-पुरथिमिल्लाए कोडीए पुरथिमिल्लं लवणसमुद्धं पुट्ठा पञ्चत्थिमिल्लाए कोडीए पञ्चत्थिमिल्लं लवणसमुद्दे पुट्ठा नव जोयणसहस्साई सत्त य अडयाले जोयणसए दुवालस य एगूणवीसइभाए जोयणस्स आयामेणं तीसे धणुपट्टे ० दाहिणेणं नव जोयणसहस्साई सत्तछायठ्ठे जोयणसए
For Private And Personal Use Only
| SR No. | 009744 |
| Book Title | Agam 18 Jambudivapannatti Uvangsutt 07 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 130 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 3 MB |