Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पाहु- २०
६१
लेसं आवरेत्ता पञ्चोसकति तथा णं मणुस्सलोए मणुस्सा वदंति एवं खुल राहुणा चंदे वा सूरे वा वंते एवं खलु राहुणा चंदे वा सूरे वा दंते ता जया णं राहू देवे आगच्छमाणे वा जाव परियारेमाणे वा चंदस्स वा सूरस्स वा लेसं आवरेत्ता पज्झंझेणं बीतीवयति तया णं मणुस्सलोए मणुस्सा वदंतिएवं खलु राहुणा चंदे वा सूरे वा बइरिए एवं खलु राहुणा चंदे या सूरे वा वइयरिए ता जया णं राहू देवे आगच्छमाणे वा जाव परियारेमाणे वा चंदस्स वा सूरस्स वा लेसं आवरेत्ताणं आहे सपविंख सपडिदिसिं चिट्ठति तया णं मणुस्सलोयंसि मणुस्सा वदंति एवं खत्तु राहुणा चंदे वा सूरे वा धत्थे एवं खलु राहुणा चंदे वा सूरे वा धत्थे ता कतिविहे णं राहू पनते ता दुविहे पनते तं जहा-धूवराहू य पव्वराहूय तत्थ णं जेसे धुवराहू से णं बहुलपक्खस्स पाडिवए पत्ररसतिभागेणं पन्नरसतिभागं चंदस्स लेसं आवरेमाणे आवरेमाणे चद्वति तं जहा-पढमाए पढमं भागं जाय पन्नरसीए पन्नरसमं भागं चरमे समए चंदे रत्ते भवइ अबसेसे समए चंदे रत्ते य विरत्ते य भवति तमेव सुक्कपक्खे उवदंसेमाणेउवदंसेमाणे चिट्ठति तं जहा- पढमाए पढमं भागं जाब पत्ररसीए पत्ररसमं भागं चरिमे समए चंदे बिरत्ते भवति अवसेसे समए चंदे रत्ते य विरते य भवइ तत्थ णं जैसे पव्वराहू से जहण्णेणं छण्हं मासाणं उक्कोसेणं बायालोसाए मासाणं चंदस्स अड़तालीसाए संवच्छराणं सूरस्स ।१०३। -105
(२०० ) ता कहं ते चंदे ससी-चंदे ससी आहितेति वदेज्जा ता चंदस्स णं जोतिसिदस्स जोतिसरण्णो मियंके विमाणे कंता देवा कंताओ देवीओ कंताई आसण-सयण-खंभमंडमत्तोवगरणाई अप्पणावि य णं चंदे देवे जोतिसिंदे जोतिसराया सोमे कंते सुभगे पियदंसणे सुरूये ता एवं खलु चंदे ससी चंदे ससी आहितेति बदेज्जा ता कहं ते सूरे आदि सूरे आदिचे आहितेति वदेज्जा ता सूरादिया णं समवाति या आवलियाति वा आणापाणूति वा थोवेति वा जाय ओसप्पिणिउस्सप्पिणीति वा एवं खलु सूरे आदिच्चे-सूरे आदिचे आहितेति वदेज्जा १०४/-105
(२०१) ता चंदस्स णं जोतिर्सिदस्स जोतिसरी कति अप्गमहिसीओ पन्नत्ताओ ता चत्तारि अग्गमहिसीओ पत्रत्ताओ तं जहा चंदप्पमा दोसिणामा अनिमाली पभंकरा जहा हेट्ठा तं चैव जाव नो चेवणं मेहुणवत्तियं एवं सूरस्सवि भाणितव्वं ता चंदिमसूरिया णं जोतिसिंदा जोतिसरायाणी केरिस कामभोगे पञ्चणुभवमाणा विहरंति ता से जहानामए-केइ पुरिसे पढमजोव्यणुट्टाणबलसमत्ये पढमजोव्वणुडाणबल - समत्थाए भारियाए सद्धिं अचिरवत्तविवाहे अत्यत्थी अत्थगवेसणयाए सोलसवासविप्यवसिते से णं ततो लद्धड्ढे कथकज्जे अणहसमग्गे पुणरवि नियगधरं हव्वमागए पहाते कतदलिकम् कतकोतुक-मंगल- पायच्छिते सुद्धप्पावेसाई मंगलाई बत्याई पवर परिहिते अप्पमहग्घाभरणालंकितसरीरे मनुष्णं थालीपागसुद्धं अठ्ठारसर्वजणाउलं मोयणं भुत्ते समाणे तंसि तारिससि वासघरंसि अंतो सचित्तकम्मे बाहीरओ दूमिय- घट्ट पट्टे विचित्तउल्लोय - चिल्लियतले बहुसमसुविभत्तभूमिभाए मणिरयणपणासितंधयारे कालागुरु-पवरकुंदुरुक्क तुरुक्क ध्रुव-पघमत-गंधुद्धयाभिरामे सुगंधवरगंधिते गंधवट्टिभूते तंसि तारिसगंसि सवणिज्वंसि दुहओ उण्णए मझे नत - गंभीरे सालिंगणचट्टिए उमओ विब्बोयणे सुरम्मे गंगापुलिणवालुयाउद्दालसालिसए सुविरइयरयत्ताणे ओयवियखोमियखोमदुगूलपट्टपडिच्छयाणे रत्तंसुयसंवुडे सुरम्मे आईणगरूतबूरणवणीततूलफासे सुगंधवरकुसुमचुण्णसयणोवयारकलिए ताए तारिसाए भारियाए सद्धिं सिंगारागारचारुवेसाए संगतगतहसितभणितचिट्ठतसंलायबिलासणउणजुत्तोवयारकुसलाए अनुरत्ताए अविरत्ताए मणोणुकूलाए एगंतरतिपसत्ते अगत्य कत्यइ पणं अकुव्यमाणे इवे सद्दफ
For Private And Personal Use Only
| SR No. | 009743 |
| Book Title | Agam 17 Chandpannatti Uvangsutt 06 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 74 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |