Page Text
________________
Shri Mahavir Jain Aradhana Kendra
पद-१
www.kobatirth.org
15 2
Acharya Shri Kailassagarsuri Gyanmandir
वासुदेवखंधावारेसु बलदेवखंधावारेसु मंडलियखंधावारेसु महामंडलियखंधावारेसु गामनिवेसेसु नगरनिवेसेसु निगमनिवेसेसु खेडनिवेसेसु कब्बडनिवेसेसु मडंबनिवेसेसु दोणमुहनिवेसेसु पट्टणनिवेसेसु आगरनिवेसेसु आसमनिवैसेसु संवाहनिवेसेसु रायहाणीनिवेसेषु एतेसि णं चेद विणासेसु एत्य णं आसालिया सम्मुच्छति, जहण्णेमं अंगुलस्स असंखेज्जइभागमेत्तीए ओगाहणाए उक्कोसेणं बारसजोयणाई तयणुरूवं च णं विक्खंभबाहल्लेणं भूमिं दालित्ताणं समुद्धेति अस्सण्णी मिच्छद्दिट्ठी अन्नाणी अंतोमुहुत्तद्धाउया चैव कालं करेड़ से तं आसालिया, से किं तं महोरगा - अणेगविहा पत्रत्ता तं जहा अत्थेगइया अंगलुं पि अंगुलपुहत्तिया वि वियत्थि पि वियत्थिपुहत्तिया वि रयणि पिरयणिपुहत्तिया वि कुच्छि पि कुचिंग्पुहत्तिया वि धणुं पि धणुपुहत्तिया वि गाउयं पि गाउयपुहत्तिया वि जोयणं पि जोयणपुहत्तिया वि जोयणसतं पि जोयणसतपुहतिया वि जोयणसहस्सं पिते णं थले जाता जले विचरंति यले वि चरंति ते नत्थि इहं बाहिरएसु दीव-समुद्दएसु हवंति जे यावण्णे तहप्पगारा से तं महोरगा ते समासतो दुविहा पत्रत्ता तं जहा सम्मुच्छिमा य गब्भवकुतिया य तत्थ णं जेते सम्मुच्छिमा ते सव्वे नपुंसगा तत्थ णं जेते गव्यवक्कंतिया ते णं तिविहा पत्ता तं जहा - इत्थी पुरिसा नपुसंगा, एएसि णं एवमाइयाणं पचत्तापज्रत्ताणं उरपरिसप्पाणं दस जाइकुलकोडीजोणिप्पमुहसतसहस्सा भवतीति मक्खातं से त्तं उरपरिसप्पा, से किं तं भुयपरिसप्पा -अणेगविहा पत्ता तं जहा - नाउला गोहा सेहा सरडा सल्ला सरंडा सारा धरोइला विस्तंभरा मूसा मंगुसा पलाइया छीरविरालिया जाहा चउप्पाइया जे यावऽण्णे तहष्पगारा ते समासतो दुविहा- सम्पुच्छिमा य गब्भवक्कंतिया य तत्थ णं जेते सम्मुच्छिया ते सव्वे नपुसंगा तत्थ णं जे गमवक्कंतिया ते णं तिविहा- इत्थी पुरिसा नपुंसगा एतेसि णं एवमाइयाणं पञ्चत्तापञ्जत्ताणं भुयपरिसप्पाणं नवजाइकुलकोडिजोणीपमुहसयसहस्सा हवंतीति मक्खायं से तं भुयपरिसम्पथलपर पंचेदियतिरिक्खजोणिया से तं परिसप्पथलयरपंचेंदियतिरिक्खजोणिया । ३५/- 35
(१६३) से किं तं खहयरपंचेंदियतिरिक्खजोणिया चउव्विहा पन्नत्ता तं जहा- चम्मपक्खी लोमपक्खी समुग्गपक्खी विततपक्खी, से किं तं चम्मपक्खी अनेगविहा पन्नत्ता तं जहा -वप्गुली जलोया अडिला भारंडपक्खी जीवंजीवा समुद्दवायसा कण्णत्तिया पक्खिबिराली जे यावणे तह पगारा से तं चम्पपक्खी, से किं तं लोमपक्खी अनेगविहा पत्रत्ता तं जहा ढंका कंका कुरला वायसा चक्कगा हंसा कलहंसा पायहंसा रायहंसा अडा सेडी बगा बलागा पारिप्पवा कोंचा सारसा मेसरा मसूरा सत्तवच्छा गहरा पोंडरीया कागा कामंजुगा बंजुलगा तित्तिरा वट्टगा लावगा कवोया कविजला पारेवया चिडगा चासा कुक्कुड़ा सुगा बरहिणा मदणसलागा कोइला सेहा वरेल्लगमादी से तं लोमपक्खी, से किं तं समुग्गपक्खी - एमागारा पन्नत्ता ते णं नत्थि इहं बाहिरएसु दीव-समुद्दएसु भवंति से तं समुग्गपक्खी, से किं तं विततपक्खी - एगागारा पत्रत्ता ते णं नत्थि इहं बाहिरएसु दीवसमुद्दसु भवंति से त्तं विततपक्खी, ते समासतो दुविहा पन्नत्ता तं जहा सम्मुच्छिमा य गष्मवक्कंतिया य तत्थ णं जेते सम्मुच्छिमा ते सव्वे नपुंसगा तत्य णं जेते गब्धवक्कतिया ते णं तिविहा पत्रत्ता तं जहा- इत्थी पुरिसा नपुंसगा एएसि णं एवमाइयाणं खहयरपंचेंदियतिरिक्खजोणियाणं पचत्तापत्ताणं बारस जातिकुलकोडीजोणिष्पमुहसतसहस्सा भवतीति मक्खायं । ३६-१/-36-1 ( १६४ ) सत्तट्ठ जातिकुलकोडिलक्ख नव अद्धतेरसाई च दस दस य होति नवगा तह बारस चेव बोधव्वा
१७
For Private And Personal Use Only
1992-107
| SR No. | 009741 |
| Book Title | Agam 15 Pannavana Uvangsutt 04 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 210 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 4 MB |