Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
s
पय-२०
पुढविनेरइया वि जाव पंकप्पभापुढविनेरइया, धूमप्पभापुढविनेरइया णं मंते पुच्छा गोयमा नो अनंतरागया अंतकिरियं करेति परंपरागया अंतकिरियं करेति एवं जाय अहेसत्तमापुढविनेरइया असुरकुमारा जाय धणियकुमारा पुढवि-आउ-वणस्सइकाइया य अनंतरागया वि अंतकिरिय करेति परंपरागया वि अंतकिरियं करेति तेउ वाउ - बेइंदिय-तेइंदिय- चउरिंदिया नो अनंतरागया अंतकिरिचं पकरेति परंपरागया अंतकिरियं प्रकरेंति । २५७/-256
(३९९) अनंतरागया णं भंते नेरइया एगसमएणं केवतिया अंतकिरियं पकरेति गोयमा जहणणं एक्को वा दो वा तिणि वा उक्कोसेणं दस रयणप्पभापुढविनेइया वि एवं चैव जाव यालुयप्पभापुढविनेरइया, अनंतरागया णं भंते पंकप्पभापुढविनेरइया पुच्छा गोयमा जहण्जेणं एकको वा दो वा तिणिवा उकुकोसेणं चत्तारि, अनंतरागया णं भंते असुरकुमारा पुच्छा गोयमा एक्की वा दो वा तिणि वा उक्कोसेणं दस, अनंतरागयाओ णं भंते असुरकुमारीओ पुच्छा गोयमा जहण्णेमं एक्को वा दो वा तिण्णि वा उक्कोसेणं पंच एवं जहा असुरकुमारा सदेवीया तहा जाव धणियकुमारा, अनंतरागया णं भंते पुढविक्काइया पुच्छा गोयमा जहष्णेणं एक्को वा दो वा तिण्णि वा उक्को सेणं चत्तारि एवं आउकूकाइया वि चत्तारि वणप्फकाइया छ पंचेदियतिरिक्खजोणिया दस तिरिक्खजोगिणीओ दस मणूसा दस मणूसीओ वीस वाणमंतरा दस वाणमंतरीओ पंच जोइसिया दस जोइसिणीओ वीस वेमाणिया असतं वेमाणिणीओ वीसं । २ ५८ ]-257
(५००) नेरइया णं पंते ने रइएहिंतो अनंतरं उच्चट्टित्ता नेरइएसु उववज्जेज्जा गोयमा नो इणडे समट्टे, नेरइए णं भंते नेरइएहिंतो अनंतरं उब्वट्टित्ता असुरकुमारेसु उववज्जेज्जा गोयमा नो इणड्डे समट्टे, एवं निरंतरं जाव चउरिदिएसु पुच्छा गोयमा नो इणट्टे समझे, नेरइए णं मंते नेरइएहिंतो अनंतरं उव्यट्टिता पंचेंदियतिरिक्खजोणिएसु उववज्रेज्जा गोयमा अत्थेगइए उववचेना अत्येगइए नो उववज्जेज्जा जे णं भंते नेरइएहिंतो अनंतरं उव्वट्टित्ता पंचेंदियतिरिक्खजोणिएसु उववज्जेज्जा से णं केवलपत्तं धम्मं लभेजा सवणयाए गोयमा अत्येगइए लभेजा अत्येगइए नो लभेजा, जे णं भंते केवलिपन्नत्तं धम्म लभेजा सावणयाए से णं केवलं बोहिं बुज्झेना गोयमा अत्येगइए बुज्झेज्जा अत्येगइए नो बुज्झेज्जा, जे णं भंते केवलं बोहि बुज्झेज्जा से णं सद्दहेज्जा पत्तिएजा रोएजा गोयमा सद्दहेया पत्तिएजा रोएग्जा, जे णं भंते सद्दहेज्जा पतिएजा रोएञ्जा से णं आभिणियोहिनाण- सुयनाणाई उप्पाडेजा हंता गोयमा उप्पाडेजा, जे णं भंते आभिणिबोहियनाण-सुयनाणाई उप्पाडेजा सेणं संचएजा सीलं वा वयं वा गुणं वा वेरमणं वा पचक्खाणं वा पोसहोचवासं वा पडिवजित्तए गोयमा अत्येगइए संचाएजा अत्येगइए नो संचाएजा, जे णं भंते संचाएजा सीलं वा जाव पोसहोवयासं वा डिवजित्त से ओहिनाणं उप्पाडेज्जा गोयमा अत्येगइए उप्पाडेज्जा अत्येगइए नो उप्पाडेजा, जेणं
ओहिनाणं उप्पाडेजा से णं संचाएजा मुंडे भवित्ता अगाराओ अणगारियं पव्वइत्तए गोयमा नो इसमड़े, नेरइए णं भंते रइएर्हितो अनंतरं उचिट्टित्ता मणूसेसु उववज्जेज्जा गोयमा अत्येगइए उबवजेज्जा अत्येगइए नो उववज्जेज्जा, जे णं भंते उववज्जेज्जा से णं केवलिपन्नतं धम्मं लभेजा सवणयाए गोयमा जहा पंचेंदियतिरिकूखजोणिएसु जाव जे णं भंते ओहिनाणं उप्पाडेज्जा से गं संचाएजा मुंडे भवित्ता अगाराओ अणगारियं पव्वइत्तए गोयमा अत्थेगइए संचाएजा अत्येगइए नो संचाएजा जेणं भंते संचाएजा मुंडे मवित्ता अगाराओ अणगारियं पव्वइत्तए से णं मणपजवनाणं उप्पाडेजा गोयमा अत्येगइए उप्पाडेजा अत्येगइ नो उप्पाडेजा, जे णं भंते मणपज्जवणाणं उप्पाडेजा
For Private And Personal Use Only
| SR No. | 009741 |
| Book Title | Agam 15 Pannavana Uvangsutt 04 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 210 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 4 MB |