Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पडिवति ३, दीव०
त्यगसूलाति वा पाससूलाति वा कुच्छिसूलाति वा जोणिसूलाति या गाममारीति वा जाव सन्निवेसमारीति वा पाण- क्खयाति वा जणक्खयाति वा धणक्खायति वा कुलक्खयाति वा वसणभूतमणारियाति वा नो तिणट्टे समझे बवगतरोगातंका णं ते मणुयगणा पन्नत्ता समणाउसो तेसि
मंते मणुपाणं केवतिकालं ठिती पत्रत्ता गोयमा जहण्णेणं देसूणाई तिण्णि पनिओवमाई पलिओचमस्स असंखेजतिभागेणं ऊणगाणि उक्को सेणं तिण्णि पलि ओवभाई, ते णं मंते मणुया कालमासे कालं किच्चा कहिं गच्छति कहिं उववज्रंति गोयमा ते णं मणुवा छम्मासावेसाउया जुयलंगं पसवंति पसवित्ता एणपत्रं इंदियाई अनुपालेति अनुपालेत्ता कासित्ता छीइता जंभाइत्ता अक्किट्ठा अव्वहित्ता अपरियाविया कालमासे कालं किच्चा देवलोएसु उववज्रंति देवलोगपरिग्गहिया णं ते मजुयगणा पन्नत्ता समणाउसो उत्तरकुराए णं भंते कुराए कतिविधा मणुया अनुसज्जति गोयमा छविहा मनुया अनुस ंति तं जहा पउमगंधा मिवगंधा अममा तेतली सहा सविंचरा । १४८/- 147
(१८६) कहि णं भंते उत्तरकुराए जमगा नाम दुवे पव्वता पत्रत्ता गोयमा नीलवंतस्स वासधरपव्वयस्स दाहिणिल्लाओ चरिमंताओं अट्ठचोत्तीसे जोयणसत्ते चत्तारिय सत्तभागे जोयणरस अबाधाए सीताए महानदी पुरत्थिम-पद्यत्थिमेणं उभओ कूले एत्थ णं उत्तरकुराए जयगा नाम दुवे पव्यता पत्ता - एगमेगं जोयणसहस्सं उड्द्धं उच्चत्तेणं अड्ढाइज्जाई जोयणसताणि उच्चेहेणं मूले एगमेगं जोयणसहस्सं आयामविक्खंभेणं मज्झे अद्धमाइं जोयणसताई आयाम-विक्खंभेणं उचरिं पंचजोयणसयाई आयाम - विक्खंभेणं मूले तिण्णि जोवणसहस्साइं एगं च बावट्टं जोवणसतं किंचिविसेसाहियं परिक्खेवेणं पन्नत्ता मज्झे दो जोयणसहस्साइं तिणि य बावत्तरे जोयणसते किंचिवि
८९
साहिए परिक्खेयेणं पन्नत्ता उवरिं एवं जोयणसहस्सं पंच य एक्कासीते जोयणसते किंचिविसेसाहिए परिक्वेणं पन्नत्ता नूले विच्छिण्णा मज्झे संखित्ता उपिं तया गोपुच्छसंठाण- संठिता सव्वकणगामया अच्छा जाव पडिरूवा पत्तेयं-पत्तेयं पउम वरवेइयापरिक्खित्ता पत्तेयं पत्तेयं वनसंडपरिक्खित्ता वण्णओ तेसि णं जपगपव्वचाणं उप्पिं बहुसमरमणिज्जा भूमिभागा पन्नत्ता वण्णओ जाव आसवंति तेसि णं बहुसमरमणिचाणं भूमिभागाणं बहुमज्झदेस भाए पत्तेयं-पत्तेचं पासायवडेंसगा पन्नत्ता ते णं पासायवडेंसगा बावहिं जोयणाई अद्धजीयणं च उड्ढं उच्चत्तेणं एकतीसं जोयणाई कोसं च विक्कंभेणं अब्भुग्गतमूसित - पहसिता वण्णओ उल्लोए भूमीभागो मणिपेढिया दो जोयणाई आयाम-विक्खंभेणं जोयणं वाहल्लेणं सोहासणं विजय दूसे अंकुसा दामा णं च मुणेतच्चे विधी जावतेसि णं सीहातणाणं अवरुत्तरेणं उत्तरेणं उत्तरपुरत्थिमेणं एत्थ णं जमगाणं देवाणं पत्तेयं-पत्तेयं चउण्हं सामाणियसाहस्त्रीणं चत्तारि भद्दासणसाहस्सीओ पत्रत्ताओ परिवारो वत्तब्बो तेसि णं पासाववडेंसगाणं उम्पिं अट्ठट्ठमंगलगा जाव सहरसपत्तहत्थगा से केणणं भंते एवं बुवति -जमगा पव्वता जयगा पव्वता गोयमा जमगपव्वतेसु णं खुड्डा-खुड्डियासु जाव बिलपंतियासु बहूई उप्पलाई जाव सहस्सपत्ताइं जमगप्पभाई जमगागाराई जमगवण्णाई जमगा य एत्थ दो देवा महिड्ढिया जाव पलिओदमद्वितीया परिवसंति ते णं तत्थ पत्तेयं-पत्तेयं चउण्ह सामाणियसाहस्सीणं जाव सोलसण्हे आयरक्खदेवसाहस्सीणं जमगपव्वताणं जनगाण य रायहाणीणं अण्णेसिं च वहूणं वाणमंतराणं देवाण य देवीण य आहेवचं जाव पालेमाणा विहरंति से तेणद्वेणं गोयमा एवं बुति जयगा पव्वता जगा पव्वता अदुत्तरं च णं गोयमा जाव निच्चा कहि णं भंते जमगाणं देवाणं जगाओ नाम राहाणीओ पत्ताओ गोयमा जमगपव्वयाणं उत्तरेणं तिरियमसंखेजे दीवसमुद्दे वीइवइत्ता
For Private And Personal Use Only
| SR No. | 009740 |
| Book Title | Agam 14 Jivajivabhigama Uvangsutt 03 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 162 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |