Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
जीवाजीवापिगम - ३/टी०/१८५ रुइल-किण्हब्भराइसंठिय - संगत - आयय-सुजात-तणु-कसिण-निद्धभमुया अल्लीण-पमाणजुत्तंसवणा पीण-मट्ठ-रपणिज्जगंडलेहा चउरंस-पसत्य-समणिडासला कोमुइायणिकर-विमलपडिपुत्रसोमवयणा छत्तुनयउत्तिमंगा कुडिल-सुसिणिद्ध-दीहसिरया छत्त-ज्झय-जूव-थूप-दामिणि-कमंडलु कलस • बावि-सोस्थिय-पडाग-जव-मच्छ-कुप्म-रहवर-मगर-सुक-थाल-अंकुस अट्ठावय सुपइट्ठक मऊर-सिरिदामाभिसेय - तरण-मेइणि-उदधि-वरभवण-गिरि-दरआयंस ललि-यगय-उसभसीह-चापर-उत्तमपसत्थवत्तीसलक्खणधरीओ हंससरिसगतीओ कोइलमहुर-गिरा- सुस्सराओ कंताओ सव्वस्स अनुमयाओ ववगतवलिपलिया वंग-दुव्यपण-वाही दोभाग-सोग- मुक्काओ उन्मत्तेण य नराण थोवूणमूसियाओ सभावसिंगारचारुवेसा संगय - गय - हसिय-भणिय-चेन्यि - विलास - सेलाव - निउणजुत्तोववारकुसला सुंदरथण-जहण-बयण-कर-चरण-नयण-ला- वण्णवण्ण रूव-जोवण-विलासकलिया नंदनवनचारिणीओब्बं अच्छराओ अच्छेरगपेच्छणिज्जा पासाईयाओदरिसणिजाओ अभिरुवाओ पडिरूवाओ
तेणं मण्या ओहस्सरा हंसस्सरा कोंचस्सरा नंदिस्सरा नंदिधोसा सीहस्सरा सीहधोसा मंजस्सरा मंजुधोसा सुस्सरा सुस्सरनिग्धोसा पउमुष्पगलगंधसरिसनीसाससुरभिवयणा छवी निरातंकउत्तमपसत्थअइसेस-निरुवमतणू जल्ल-मल-कलंक सेय-रय-दोसवज्जिय-सरीर-निरुवलेवा छायाउज्जोइयंगमंगा अनुलोमवाउवेगा कंकग्गहणी कचोतपरिणामा सउणिपोस-पिद्वंतरोरुपरिणता विगहिय-उन्नयकुच्छी वञ्जरिसभनारावसंघयणा समचउरंससंटाणसंठिया छधणुसहस्समूसिया तेसिं पणुयाणं दोछप्पन्नपिट्टिकरंडगसता पन्नत्ता समणाउसो ते णं मणुया पगतिभद्दगापगतिउवसंता पगतिपयणुकोहमानमायालोमा मिउमद्दवसंपन्ना अल्लीणा भद्दगा विणीया अप्पिच्छा असंनिहिसंचया अचंडा विडिमंतरपरिवसणा जहिच्छियकामगामिणो य ते मणुयगणा पत्रत्ता सपणाउसो तेसिणंभंते मणुयाणं केवतिकालस्स आहारट्टे समुप्पजति गोयमा अट्ठमभत्तस्स आहारट्ठे समुप्पजति तेणं भते मणुवा किमाहारमाहारेंति गोयमा पुढयीपुफफलाहारा ते मणुयगणा पत्नत्ता समणाउसो तीसे णं भंते पुढवीए केरिसए आसाए पन्नत्ते गोयमा से जहानामए गुलेति वा खंडेति वा सक्कराति वा मच्छंडियाति वा पप्फडमोयएति वा भिसकंदेति या पुप्फुतराइ वा पउमुत्तराइ वा विजयाति वा महाविजवाति वा उवमाति या अणोवमाति वा चाउरक्के वा गोक्तीरे खंडगुलमच्छंडिउवणीए पयत्तमंदग्गिकढिए वण्णेणं उववेते गंधेणं उववेते रसेणं उववेते फासेणं उववेते मवेयासवे सिया नो तिणटे समढे तीसे णं पुढवीए एत्तो इतराए चेव कंततराए चेव पियतराए चेव मणुण्णतराए चेव मणामतराए चेव आसाए णं पत्रत्ते तेसिणं भंते पुप्फफलाणं केरिसए आसाए पत्रत्ते गोयमा से जहानामए रण्णो चाउरंतवक्कवट्टिस्स कल्लाणे भोयणे सतसहस्सनिप्फन्ने वणेणं उववेते गंधेणं उववेते रसेणं उववेते फासेणं उववेते आसादणि वीसादणिजे दीवणिजे दप्पणिजे पयणिजे बिहणिजे सबिदियगातपल्हायणिज्जे पवेयारवे सिया नो तिणढे समढे तेसि णं पुष्फफलाणं एत्तो इतराए चेवजावमणामतराए चेव आसाएणंपन्नत्ते
तेणं भंते मणुया तमाहारमाहारिता कहिं वसहिं उति गोयमा रुक्खगेहालया णं ते मणुयगणा पत्रत्ता समणाउसो ते णं मंते रुक्का किं संठिया पत्रता गोयमा अप्पेगा कुडागारसंठिया अप्पेगा पेच्छाघरसंठिया अपेगा छत्तसंठिया अप्पेगा झयसंठिया अप्पेगाथूभसंठिया अप्पेगा तोरणसंठिया अप्पेगा गोपुरसंठिया अप्पेगा इयसंठिया अप्पेहा चोप्पालसंठिया अप्पेगा अट्टालग
For Private And Personal Use Only
| SR No. | 009740 |
| Book Title | Agam 14 Jivajivabhigama Uvangsutt 03 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 162 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |