Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
८४
जीवाजीयापिगम - ३/दी०/१८५
उत्तरकुराए णं कुराए तत्य तत्थ देसे तहिं-तहिं यहवे मणियंगा नाम दुमगणा पनत्ता समणाउसो जहा से हारशहार-वेढणग-मउड-कुंडल-वामुत्तगहेमजाल-मणिजाल-कणगजालगसुत्तग-ओवियकडग-खुड्डियाएगावलि कंठसुत्त-मगरिंग-उरत्यगेवेज-सोणिसुत्तग-चूलामणि कणगतिलग-फुल्लग-सिद्धस्थय-कण्णवालि-ससि-सूर-उसम-चक्कग-तलभंगय- तुड़िय-हत्य-मालगहरिसय केयूर-वलय-पालंब-अंगुलेज्जग-वलक्ख-दीणारमालिया-कंची-मेहला-कलाव-पवरग-पारिहेरग-पायजाल-घंटिया-खिखिणी-यगोरुजाल चरणेउर-चलणमालिया-कणगणिगलमालियाकंचणमणिरयणभत्तिचित्ता भूसणविधी बहुप्पगारा तहेव ते मणियंगावि दुमगणा अणेबहुविविहवीससापरिणताए सणविहीए उववेया कुसविकुस-विसुद्धरुक्खमूला जाव चिट्ठति उत्तरकुराएओ णं कुराए तस्य-तत्थ देसे तहिं-तहिं बहवे गेहागारा नाम दुमगणा पत्रत्ता समणाउसो जहा से पागारट्टालग-चरिय-दार-गोपुर-पासायाकासतल मंडव- एगसालग - विसालगतिसालग-चउसालग -गभघर - मोहणधर-चलभिधर-चित्तसालमा-लय-भतिधर-वदृतंसचउरंसनंदियायत्तसंठिया पंडुरतलमुंडमालहम्मियं अहय णं धवलहर-अद्ध- मागहविभम-सेलद्धसैलसुट्ठिय-कूडागारड्ढसुविहिकोट्ठग-अणेगधर-सरण-लेणं-आवणाविडंग-जालवंद-निजूह-अपवाक-चंदसालियरूवविभत्तिकलिता भवणविही बहुविकप्पा तहेव ते गेहागारावि दुमगणा अणेगबहुविधिववीससापरिणयाए सुहारुहण-सुहोत्ताराए सुहनिखिमणप्पवेसाए दद्दरसोपाणपंतिकलिताए पइरिक्कसुहविहाराए मनोनुकूलाए पवणविहीए उववेया कुस-विकुस-विसुद्धरुक्खमूला जाय चिटुंति उत्तरकुराए णं कुराए तत्थ-तस्य देसे तहिं-तहिं बहवे अणिगणा नामं दुमगणा पन्नत्ता समणाउसो जहा से आइगण-खोम-तणुय-कंवल-दुगुल कोसेज-कालमिगपट्ट-अंसुय-चीणंसुय-पट्टा आभरणचित्त-सहिणग-कलाणग-भिगिणील-कमलबहुवण्ण-रत्त - पीत - सुकिकल - सक्कय-मिगलोमहेमप्प-रलग-अवरुत्तर - सिंधु-उसभ दामिल-बंग-कलिंग-नलिणतंतु-मयभत्तिचित्ता यत्यविही बहुप्यकारा हवेश वरपट्टणग्गता वण्णरागकलित्ता तहेव ते अणिगणावि दुमगणा अणेगबहुविविहवीससापरिणताए वत्यविधीए उववेवा कुस-विकुस-विसुद्धरुक्खमूला जाव चिट्ठति
उत्तरकुराए गंभंतेकुराए मणुयाणं केरिसए आगारभावपडोयारे पन्नत्ते गोयमा तेणंमणुया अतीव सोमचारुरूवा भोगुत्तमगयलक्खणा भोगसस्सिरीया सुजायसव्वंग- सुंदरंगा सुपतिवियकुम्मचारुचलणा रत्तुप्पलपत्त-मउयसुकुमालकोमलतला नग-नगर-मगर-सागर- चक्कंकहरंकलक्खणंकियचलणा अनुपुव्यसुसाहतंगुलीया उग्णय-तणु-तंबणिद्धणखा संठिय-सुसिलिट्ठगूढगुप्फा एणी कुरुविंद-वत्त - वटाणपुव्वजंघा समुग्ग - निमग्ग - गूढजाणू गयससण-सुजातसण्णिमोरू वरदारणमत-तुल्लविक्कम-विलासितगती पमुइयवरतुरग-सीहलरलट्टियकडी वरतुरग-सुजातगुज्झदेसा आइण्णहयव्व निरुवलेवा साहसयसोणंदमुसल-दप्पण-निगरितवरकणगच्छरुसरिस-वरवइरवलितमन्झाउनुय-समसंहित-सुजात-जन्नतणु कसिण-निद्ध-आदेज्ज-लडहसुकुमाल-मउय-रमणिज्जरोपराईगंगावत्तय-पयाहिणावत तरंगभंगुर-रविकिरणतरुणबोधिय-आकोसायंतपउप-गंभीरवियडणाभा नस-विहग-सुजातपीणकुच्छी झसोदरा सुइकरणा सण्णयपासा संगतपासा सुंदरपासा सुजातपासा मितपाइय-पीणइयपासा अकरंडुयकणगरुयगनिम्मल-सुजायनिरुवहयदेहधारी कणगसिलातलुज्जल-पसत्य-समतल-उवचिय-विच्छिण्ण-पिहुलदच्छा सिरिवचंकियवच्छा जुगसन्निभपीणरतियपीवरपउद्य-संठियसुसिलिट्ठविसिट्ठधणथिरसुबद्धसंधी पुरवरफ
For Private And Personal Use Only
| SR No. | 009740 |
| Book Title | Agam 14 Jivajivabhigama Uvangsutt 03 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 162 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |