Agam 14 Jivajivabhigama Uvangsutt 03 Moolam

SR No.: 009740
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 1996
Total Pages: 162
Language: Prakrit
Classification: Book_Devnagari, Agam, Canon, Agam 14, & agam_jivajivabhigam
File Size: 3 MB

Page 84

पडिवत्ति-३, दीव०
ओहिया देवा आलंकारियं भंडं उवणेति तए णं तस्स विजयस्स देवस्स आभिओगिया देवा आलंकारियं भंडं उवणेति तए णं से विजए देवे तप्पढमयाए पम्हलामालाए दिव्याए सुरभीए गंधकासाईए गालाई लूहेति लूहेत्ता सरसेणं गोसीसचंदणेणं गाताई अनुलिपति अनुलिपित्ता नासाणी-सासवायवोझं चक्खुहरं वण्णफरिसजुत्तं हयलालापेलबातिरेगं धवलं कणगखचियंतकम्मं आगासफलिहसमप्पभं अहतं दिव्यं देवदूसजुचलं नियंसेइ नियंसेत्ता हारं पिणिद्धेइ पिणिद्वेता अद्धहारं पिणिद्धेइ पिणिद्धेता एकाबलि पिणिद्धेत्ति पिणिद्धत्ता एवं एतेणं अभिलावेणं मुत्तावलि कणगावलि रवणावलिं कडगाई तुडियाई अंगवाई केयूराइं दसमुद्दियाणतकं कुंडलाई चूडामणिं चितरयणसंकडं मउडं पिणिद्धेई पिणिवेत्ता गंथिम-वेदिम-पूरिम-संघाइमेणं चउबिहेणं मल्लेणं कप्परक्खवं पिव अप्पाणं अलंकियविभूसितं करेति करेत्ता दद्दरमलवसुगंधगंधिएहिं गंधेहिं गाताई भुकुंडेति भुकुंडेत्ता दिव्यं च सुमणदामं पिणिद्धेति तए णं से विजए देवे केसालंकारेणं पल्लालंकारेणं आभरणालंकारेणं चउबिहेणं अलंकारेणं अलंकिते विभूसिए माणे पडिपुत्रालंकारेणं सीहासणाओ अभुढेइ अभुठेत्ता अलंकारियसभाओ पुरस्थिमिल्लेणं दारेणं पडिनिक्खमित्ता पडिनिक्खमिता जेणेव ववसायसभा तेणेय उवागच्छति उवागचित्ता ववसायसमें अनुप्पदाहिणीकरेमाणेअनुप्पदाहिणीकरेमाणे पुरस्थिमिलेणं दारेणं अनुपविसति अनुपविसित्ता जेणेव सीहासणे तेणेव उवा गच्छति उवागछित्ता सीहासणवरगते पुरस्थाभिमुहे सगिसपणे तएणं तस्स विजयस्स देवस्स आभिओगिया देवा पोत्ययरयणं उवणेति
तएणं से विजए देवे पोत्थवावणं गेण्हंति गेण्हित्ता पोत्थयरयणं मुयति मुएत्ता पोत्थयरवणं विहाडेति विहाडेत्ता पोत्ययरवणं वाएति वाएत्ता धम्पियं ववसायं वयसइ यवयसइत्ता पोत्थयरणं परिणिखिवेइ पडिणिविखवेत्तासीहासणाओ अद्भुढेति अदभुट्टेत्ता ववसायसभाओ पुरथिमिल्लेणं दारेणं पांडेणिस्खमइ पडिणियखनित्ता जेणेव नंदा पुक्खरिणी तेणेव उवागच्छति उवागच्छित्ता नंदं पुस्खरिणि अनुप्पयाहिणीकरेमाणे-अनुप्पयाहिणीकरेमाणे पुरथिमिल्लेणं तोरणेणं अनुपविसति अनुपविसित्ता पुरथिमिल्लेणं तिसौपाणपडिरूवएणं पचोरुहति पम्रोरुहिता हत्थं पादं पक्खालेति पखालेता एवं महं सेतं स्ययामयं विमलसलिलपुत्रं मत्तगयमहामुहाकितिसमाणं भिंगारं गिम्हति गिण्हित्ता जाई तत्थ उप्पलाई पउमाई जाव सहस्सपत्ताई ताई गिण्हति गिहित्ता नंदातो पुक्खरिणीतो पछुत्तरेइ पचुत्तरेत्ता जेणेव सिद्धायतणे तेणेव पहारेत्थ गमणाए तएणं तस्स विजयस्स देवस्स चत्तारि सामाणियसाहस्सीओ जाव अन्ने य बहवे वाणमंतरा देवा य देवीओ य अप्पेगइया उप्पलहत्थगया जाय सहस्सपत्तहत्थगया विजयं देवं पिट्ठतो-पिट्ठतो अनुगच्छंति तए णं तस्स विजयस्स देवस्स वहवे आभिओगिया देवा देवीओ व बंदणकलराहत्यगता जाव धूवकडुछयहत्थगता विजयं देवं पिट्टतो-पिट्टतो अनुगच्छंति तए णं से विजए देवे चउहिं सामाणियसाहस्सीहिं जाव अण्णेहि य बहूहिं वाणमंतरेहिं देवेहि य देवीहि य सद्धिं संपरिबुडे सविड्ढीए सव्वजुतीए जाव निग्घोसणाइयरवेणं जेणेव सिद्धायतणे तेणेव उवागच्छति उवागछिता सिद्धायतणं अनुप्पयाहिणीकरेमाणे अनुप्पयाहिणी करेसाणे पुरथिमिल्लेणं दारेणं अनुपविसति अनुपविसित्ता आलोए जिनपडिमाणं पणाम करेति करेत्ता जेणेव मणिपेडिया जेणेव देवच्छंदए जेणेब जिनपडिमाओ तेणेव ज्वागच्छइ उवागच्छित्ता लोमहत्थगं परामुसति परामुसित्ता जिनपडिमाओ पमजति पमज्जित्ता दिव्याए दगधाराए ण्हावेत्ता सरसेणं गोसीसचंदणेणं गाताई अनुलिंपइ अनुलिपित्ता जिनपडिमाणं