Page Text
________________
Shri Mahavir Jain Aradhana Kendra
www.kobatirth.org Acharya Shri Kailassagarsuri Gyanmandir
१२२
जीवाजीवाभिगम ३/जो./३१५
सुजातणिद्धलोमच्छविधराणं उलवचित्तमंसलविसालपडिपुत्रखंधपमुहपुंडराणं वेरुलियभिसंतकडक्खसुणिरिक्खाणाणं जुत्तप्यमाणप्पधाणलक्खणपसत्थरमणिज्जगग्गरगलसोभिताणं घग्घरगसुबद्धकण्ठपरिमंडियाणं नानामणिकणगरयणघण्टेवेयच्छ्गकयरतियमालियाणं वरघंटागलगलियसोभंतसस्सिरीयाणं पउमुप्पलसगलसुरभिमालाविभूसिताणं वइरखुराणं दिविधखुराणं फालियानयदंताणं तवणिज्जजीहाणं तवणिजतालुयाणंतणिज्जजोत्तमसुजत्तियाणं कामकमाणं पीतिकमाणं मनोगमाणं मनोरमाणं मनोहराणं अमितगतीणं अमियबलवीरियपुरिसयारपरकूकमाणं महया गंभीरगज्जियरवेणं मधुरेणं मनहरेण य पूरेंता अंबरं दिसाओ य सोभयंता चत्तारि देवसाहस्सीओ वसभरूवाधारीणं देवाणं पच्चत्थिमिल्लं बाहं परिवहति
-
चंदविमाणसणं उत्तरेणं सेयाणं सुभगाणं सुप्फभाणं जच्चाणंतरमल्लिहायणाणं हरिमेलामउलमल्लियच्छाणं धणणिचितसुबद्धलक्खणुण्णताचंकनियललियपुलियचवलचंचलगतीणं लंघणवग्गधावण धारणतिवइजइणसिक्खितगईणं सण्णतपासाणं संगतपासाणं सुजायपासाणं मितमायितपीणरइयपासाणंझसविहगसुजात कुच्छीणं पीणपी वरवट्टितसुसंठितकडीणं ओलंब पलंबलक्खणपसत्थरमणिज्जवालगंडाणं तणुसुहुमसुजायणिद्धलोमच्छविधराणं मिउविसयपसत्यसुहुमलक्खणविकिष्णकेसरवालिधराणं ललियसविलासगतिलाडवरभूसणाणं मुहमंडगोचूलचमरथासगपरिमंडियकडीणं तवणिजखुराणं तवणिजजीहाणं तवणिञ्जतालुचाणं तवणिज्जजोत्तगसुजोतियाणं कामकमाणं जाव चत्तारि देवसाहस्सीओ हरूवधारीणं देवाणं उत्तरिल्लं बाहं परिवहंति एवं सूरविमाणस्सवि पुच्छा गोयमा सोलस देवसाहस्सीओ परिवहंति पुष्वकमेणं एवं गहविमाणस्सवि पुच्छा गोयमा अट्ठ देवसाहस्सीओ परिवहंति तं जहा-सीहरूवधारीणं दो देवाणं साहस्सी ओ पुरथिमिल्ले बाहं परिवहति गरूवधारीणं दो देवाणं साहस्सीओ दक्खिणिल्लं दो देवाणं साहसीओ उसभरूवधारणं पचत्थिमं दो देवसाहस्सीओ तुरगरूवधारीणं उत्तरिल्लं बाहं परिवहंति एवं नक्खत्तविभाणस्सवि पुच्छा गोयमा चत्तारि देवसाहस्सी ओ परिवहति तं जहा-सीहरूवधारीणं देवाणं एग्गा देवसाहस्सी पुरथिमिल्लं वाहं एवं चउद्दिसिंपि एवं तारगाणवि नवरिं दो देवसाहस्सीओ परिवहंति तं जहा सीहरूवधारीणं देवाणं पंचदेवसता पुरत्थिमिल्लं बाहं परिवहंति एवं चउद्दिसिंपि । १९९।-198
(३१६) एतेसि णं भंते चंदिमसूरियगणनक्खत्ततारारूवाणं कयरे कयरेहिंतो अप्पगती चा सिग्घगती वा गोयमा चंदेहिंतो सूरा सिग्घगती, सूरेहिंतो गहा सिग्धगती गहेहिंती नक्खत्ता सिग्घगती नक्खत्तेहिंतो तारा सिग्घगती, सव्यप्पगती चंदा सब्बसिग्घगती ताराओ । २०० 199
(३१७) एतेसि णं भंते चंदिम जाव तारारूवाणं कयरे कयरेहिंतो अपिढिया वा महिढिया वा गोयमा तारारूवेहिंतो नक्खत्ता महिड्दीया, नक्खत्तेर्हितो गहा महिड्ढीचा, गहेहिंतो सूरा महिड्ढीया, सुरेहिंतो चंदा महिड्ढीया, सव्यम्पिढिया तारारूवासव्वमहिड्ढीया चंदा ॥२०१1-200 (३१८) जंबूद्दीवे णं भंते दीवे तारारूवस्स य तारारूवस्स य एस णं केवतियं अबाधाए अंतरे पत्रत्ते गोयमा दुविहे अंतरे पन्नत्ते तं जहा बाघाइमे य निव्वाघाइमे य तत्थ णं जेसे निव्वाघातिमे से जहनेणं पंचधणुसयाई उक्कोसेणं दो गाउयाई तारारूवस्स य तारारूवस्स य अबाहाए अंतरे तत्य णं जेसे वाघाति से जहणेणं दोणि य छावट्टे जोयणसए उक्कोसेणं बारस जोयणसहस्साई दोणिय वायाले जोयणसए तारारूयस्स व तारारूवस्स य अवाहाए अंतरे । २०२/- 201
( ३१९) चंदस्स णं भंते जोतिसिंदस्स जोतिसरण्णो कति अग्गमहिसीओ पत्रत्ताओ गोयमा
For Private And Personal Use Only
| SR No. | 009740 |
| Book Title | Agam 14 Jivajivabhigama Uvangsutt 03 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 162 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |