Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुत्तं - २४
दिव्वं नट्टविहिं उबदंसेति उप्पायनिवायपसत्तं संकुचिय-पसारियं रियारियं पंतसंभतं नामं दिव्वं विहिं उदंसेति तए णं ते बहवे देवकुमारा य देवकुमारीओ य समामेव समोसरणं करेति जाव दिव्वे देवरमणे पवत्ते यावि होत्या तए णं ते बहवे देवकुमारा व देवकुमारीओ य समणस्स भगवओ महावीरस्स चरमपुव्यभवनिबद्धं च चरमचवणनिबद्धं च चरमसाहरणनिबद्धं च चरमजम्मणनिबद्धं च चरम अभिसे अनिबद्धं च चरमबालभावनिबद्धं च चरमजोव्वणनिबद्धं च चरमकामभोगनिबद्धं च चरमनिक्खमणनिबद्धं च चरमतयचरणनिबद्धं च चरमनाणुप्पायनिबद्धं च चरमतित्थपवत्तणनिबद्धं च चरमपरिनिव्वाणनिवद्धं च चरमनिबद्धं च नामं दिव्यं नट्टविहिं उवदंसेंति तए णं ते बहवे देवकुमाराय देवकुमारीओ य चव्विहं वाइतं वाएंति तं जहा-ततं विततं घणुं सुसिरं तए णं बहवे देवकुमारा व देवकुमारीयाओ च चउव्विहं गेयं गायंति तं जहा उक्खित्तं पायंतं मंदायं रोइयावसाणं चतए णं ते बहवे देवकुमारा य देवकुमारियाओ व चउच्विहं नट्टविहिं उवदंसेति तं जहा अंचियं रिभिवं आरभडं भसोलं च तए णं ते बहवे देवकुमारा य देवकुमारियाओ य चउव्विहं अभिणयं अभिर्णेति तं जहा- दितियं पाडंतिय सामन्त्र ओविणिवाइयं लोगमज्झावसाणियं च तए णं ते बहवे देवकुमारा य देवकुमारियाओ य गोयमादियाणं समणाणं निग्गंधाणं दिव्वंदेविड्ढि दिव्वंदेवजुतिं दिव्यंदेवाणुभावं दिव्वंबत्तीसइबद्ध नटविहिं उवदंसित्ता समणं भगवं महावीरं नमसंति वंदित्ता नमसित्ता जेणेव सूरिया देवे तेणेव उवागच्छंति उवागच्छित्ता सूरियामं देवं करयलपरिग्गहियं जाव वद्धावेत्ता एयमाणतियं पचष्पिणंति । २४ -24
(२५) तए णं से सूरिया देवे तं दिव्वंदेविड्ढि दिव्यंदेवजुई दिव्वंदेवाणुभावं पडिसाहरइ पडिसाहरेत्ता खणेणं जाते एगे एगभूए तए णं से सूरियाभे देवे समणं भगवं महावीरं तिक्खुत्तो आचाहिणं पयाहिणं करेइ वंदति नंसति वंदित्ता नमसित्ता नियगपरिवालसद्धिं संपरिवुडे तमेव दिव्वं जाणविमाणं दुरुहति दुरुहिता जामेव दिसिं पाउदभूए तामेव दिसिं पडिगए । २५/-25
(२६) भंतेति भयवं गोयमे समणं भगवं महावीरं वंदति नम॑सति वंदित्ता नमंसित्ता एवं वयासी- सूरियाभस्स णं मंते देवत्स एसा दिव्यादेविड्ढी दिव्यादेवजुती दिव्वेदेवाणुभावे कहिं गते कहिं अनुपविट्टे गोपमा सरीरं गए सरीरं अनुष्पविट्टे से केणट्टेणं भंते एवं बुच्चइ सरीरं गए सरीरं अनुष्पविट्ठे गोवा से जहानामए कूडागारसाला सिया- दुहतो लित्ता गुत्ता गुत्तदुबारा निवाया निवायगंभीरा तीसे णं कूडागारसालए अदूरसामंते एत्थ यणं महेंगे जणसमूहे एवं महं अभवद्दलगं या वासवद्दलगं वा महाबार्य था एजमाणं पासति पासित्ता तं कूडागारसालं अंतो अनुष्पविसित्ताणं चिट्ठइ से तेणद्वेणं गोयमा एवं वृच्छति सरीरं गए सरीरं अनुष्पविट्टे । २६ । -26
(२७) कहिं णं भंते सूरियाभस्स देवस्य सूरिया नामं विमाणे पन्नत्ते गोयमा जंबुद्दीवे दीये मंदरस्स पव्वयस्स दाहिणेणं इमीसे रयणमभाए पुढवीए बहुसमरमणिजातो भूमिभागातो उड्ढ चंदिम-सूरिय- गहगण- नक्खत्त-तारारूवाणं पुरओ बहूई जोयणाई बहूई जोयणसयाई बहूई जोयणसहस्सा बहूई जोयणसयसहस्साई बहुई ओ जोयण कोडीओ बहुईओ जोयणकोडाकोडीओ उड़ दूरं वीतीवइत्ता एत्य णं सोहम्मे नामं कप्पे पत्ते - पाईणपडीनावते उदाणदाहिणवित्थिष्णे अद्धचंदसंठाणसंठिते अधिमालि-मासरासिवण्णाभे असंखेज्जाओ जोयणकोडाकोडीओ आयामविभेणं असंखेखाओ जोयणकोडोकोडीओ परिक्खेवेणं सव्वरयणामए अच्छे सपहे जाव पडिरूवे एत्थ णं सोहम्माणं देवाणं बत्तीसं विमाणवाससयसहस्साइं भवंति इति मक्खायं ते णं विमाणा
For Private And Personal Use Only
१५
| SR No. | 009739 |
| Book Title | Agam 13 Raipaseniyam Uvangsutt 02 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 74 |
| Language | Prakrit |
| Classification | Book_Devnagari, Agam, Canon, Agam 13, & agam_rajprashniya |
| File Size | 2 MB |