Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૨૮
ज्वबाइयं - ४८ चेव णं अवहमाणए से विय थिमिओदए नो चेय णं कद्दमोदए से वि य बहुप्पसण्णे नो चेव णं अबहुप्पसपणे से वि य परिपूए नो चेव णं अपरिपूए से वि य दिण्णे] नो चेवणं अदिन्ने से विय सिणाइत्तए नो वेव णं हत्य-पाय-चरु-चमस-पक्खालणवाए पियितए वा, ते णं परिवायगा एयारूवेणं विहारेणं विहरमाणा बहूई वासाई परियायं पाउणंति पाउणित्ता कालमासे कालं किच्चा उककोसेणं बंभलोए कपे देवताए उववत्तारो मवंति तहि तेसिं गई [तहिं तेसिं ठिई तेसिं उववाए पत्रत्ते तेसिणं भंते देवाणं केवइयं कालं ठिई पनत्ता गोयमा दससागरोवपाई ठिई पन्नत्ता अस्थि णं भंते तेसिंदेवाणं इड्ढीइ वा जुईइ वा जसेइ वा बलेइ वा वीरिएइ वा पुरिसक्कारपरक्कमेइ वा हंता अत्थितेणं भंते देवा पालोगस्स आराहगा नो इणटेसमटे सेसं तं चेय।३८138
(४९) तेणं कालेणं तेणं समएणं अप्पडस्स परिव्वायगस्स सत्त अंतेवासिसया गिम्हकालसमयंसि जेवामलमासंमि गंगाए महानईए उमओकलेणं कंपिल्लपराओ नयराओ परिसतालं नयां संपद्विया विहाराए तए णं तेसिं परिव्वायगाणं तीसे अगामियाए छिपणावायाए दीहमद्धाए अडवीए कंचि देसंतरमणुपत्ताणं से पुब्बग्गहिए उदए अनुसुव्वेणं परिपुंजमाणे झीणे, तए णं ते परिव्वाचा झीणोदगा समाणा तण्हाए पारम्भमाणा-पारममाणा उदगदातारमपरसमाणा अण्णमण्णं सद्दावैति सद्दावेत्ता एवं वयासी-एवं खलु देवाणुप्पिया अम्हं इमीसे अगामियाए !छिण्णयायाए दीहमद्धाए]अडवीए कंचि देसंतरमणुपत्ताणं से पुवाहिए उदए[अनपव्वेणं परिमंजमाणे] झीणे तं सेयं खलु देवाणुप्पिया अम्हं इसीसे अगामियाए छिण्णायायाए दीहमद्धाएँ] अडवीए उदगदातारस्स सव्वओ समंता मागण-गवेसणं करित्तए ति कटु अण्णमण्णस्स अंतिए एयमई पडिसुणेति पडिसुणेता तीसे अगामियाए (छिष्णावायाए दीहमद्धाए] अडवीए उदगदातारस्स सव्याओ समंता मागण-गवेसणं करेंति करेत्ता उदगदातारमलभमाणा दोच्वंपि अण्णमणं सद्दावेति सद्दावेता एवं वयासी इहण्णं देयाणुप्पिया उदगदातारो नत्यि तं नो खलु कप्पइ अहं अदिन्नं गिण्हित्तए अदिन्नं साइजित्तए तं मा णं अम्हे इवाणिं आवइकालं पि अदिन्नं गिण्हामो अदिन्नं साइलामो मा णं अहं तयलोवे भविस्सइ तं सेयं खलु अम्हदेवाणुप्पिया तिदंडए य कुंडियाओय कंचणियाओय करोडिय
ओ य मिसियाओ य छण्णालए य अंकुसए य केसरियाओ य पवित्तए य गणेत्तिवाओ य छत्तए य वाहणाओ य धाउरत्ताओ य एगते एडित्ता गंगं महानइ ओगाहित्ता वालुवासंथारए संघरिता संलेहणा-झूसियाणं भत्त-पाण-पडियाइक्खियाणं पाओवगयाणं कालं अणकंखमाणाणं विहरित्तए त्ति कट्ट अण्णमण्णस्स अंतिए एयमद्वं पडिसुणोते पडिसुणेत्ता तिदंडए य [कुंडियाओ य कंचणियाओ य करोडियाओ य भिसियाओ य छण्णालए य अंकुसए य केसरियाओ य पवितए य गणेत्तियाओ य छत्तए य वाहणाओ य घाउरत्ताओ य] एगते एडति एडेत्ता गंगं महानई ओगाति
ओगाहेत्ता वालुयासंघारए संघरंति संथारिता वालुयासंधारयं दुरुहंति दुरिहित्ता पुरत्थाभिमुहा संपलियंकनिसण्णाकरयल-[परिग्गहियं सिरसावत्तं मथए अंजलि कट्टा एवं वयासी
नमोत्यु णं आहताणं जाव सिद्धिगइनामधेयं ठाणं संपत्ताणं नमोत्युणं समणस्स भगवओ महावीरस्स जाव संपाविउकामस्स नमोत्यु णं अम्मडस्स परिव्यायगस्स अम्हं धम्मायरियस्स धम्मोवदेसगस्स पब्चि णं अम्हेहि अम्मडस्स परिव्वायगस्स अंतिए थूलए पाणाइवाए पन्चखाए जावजीवाए मुसावाए अदिन्नादाणे पञ्चदखाए जावजीयाए सव्ये मेहुणे पन्चक्खाए जावनीवाए थूलए परिगहे पञ्चखाए जावजीवाए इयाणिं अम्हे समणस्स भगवओ महावीररस अंतिए सव्वं
For Private And Personal Use Only
| SR No. | 009738 |
| Book Title | Agam 12 Uvavayaim Uvangsutt 01 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 50 |
| Language | Prakrit |
| Classification | Book_Devnagari, Agam, Canon, Agam 12, & agam_aupapatik |
| File Size | 1 MB |