Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
१०
उवाइयं - १९ अप्पलोहे अप्पसद्दे अप्पझंझे से तंभावोमोदरिया से तं ओपोदरिया
से किं तं भिक्खायरिया भिक्खायरिया अनेगविहा पन्नता तं जहा-दव्याभिगहचरए खेताभिागहचरए कालभिग्गहचरए भावाभिग्गहचरए उक्खित्तचरए निक्खित्तचए उक्खित्तनिखित्तचरए निक्खित्तउक्खित्तचरए वट्टिजमाणचरए साहरिज्जमाणचरए उवणीयचरए अवणीयचरए उवणीयअवणीयचरए अवणीयउवणीचरए संसठ्ठचरए असंसहचरए तज्जायसंसहचरए अण्णायचरए मोणचरए दिदुलाभिए अदिठ्ठलाभिए पुट्ठलाभिए अपुट्ठलापिए भिक्खलाभिए अभिस्खलाभिए अन्नगिलायए ओवणिहिए परिमियपिंडवाइए सुद्धेसणिए संखादत्तिए से तं मिक्खापरिया
से किं तं रसपरचाए रसपरिचाए अनेगविहे पन्नत्ते तं जहा-निविइए पणीयरसपरिवाए आयंबिलए आयामसित्यमोई अरसाहारे विरसाहारे अंताहारे पंताहारे लूहाहारे से तं रसपरिच्चाए
से किं तं कायकिलेसे कायकिलेसे अनेगविहे पनत्ते तं जहा-ठाणट्टिइए उक्कुडुयासणिए पडिपट्ठाई वीरासणिए नेसञ्जिए आयावए अवाउडए अकंडुयए अणिगृहए सव्वागयपरिकम्मविभूसविप्पमुक्के से तं कायकिलेसे
से किं तं पडिसंलिणया पडिसंलीणया चउब्विहा पत्रता तं जहा-इंदियपडिसलीणया कसाय-पडिसलीणया जोगपडिसंलीणया विवत्तसयणासणसेवणया से किं तं इंदियपडिसंलीणया इंदियपडिसलीणया पंचविहा पन्नता तंजहा-सोइंदियविसयप्पयारनिरोहो वा सोइंदियविसयपत्तेसु अत्थेसु रागदोसनिग्गहो वा [चक्खिदियविसयप्पयारनिरोहो वा चखिंदियविसयपत्तेसु अत्थेसु रागदोसनिग्गहो वा धाणिदियविसयप्पयारनिरोहो वा धाणिदियविसयपत्तेसु अत्येसु रागदोसनिगहो वा जिभिदियविसयप्पयारनिरोहो वा जिभिदियविसयपत्तेसु अत्येसुरागदोसनिग्गहो वा फासिदियविसयप्पयारनिरोहो वा फासिंदियविसयपत्तेसु अत्येसु रागदोसनिग्गहो वा से तं इंदियएडिसलीणया, से किं तं कसावपडिसलीणया कसायपडिसंलीणया चउब्धिहा पत्रता तं जहा कोहस्सुदयनिरोहो वा उदयपत्तस्स वा कोहस्स दिफलीकरणं [माणस्सुदयनिरोहो वा उदयपत्तस्स वा माणस्स विफलीकरणं मायाउदयनिरोहो वा उदयपत्ताए वा मायाए विफलीकरणं| लोहस्सुदयनिरोहो वा उदयपत्तस्स दा लोहस्स विफलीकरणं से तं कसायपडिसंलीणया से किं तं जोगपडिसंलीणया जोग- पडिसलीणया तिविहा पश्नत्ता तंजहा मणजोगपडिसंलीणया वइजोगपडिसलीणया कायजोगपडिसंलीणया, से किं तं मणजोगपडिसंलीणया पणजोगपडिसलीणया-अकुसलमननिरोहो वा कुसलमनउदीरणं वा से तं मनजोगपडिसंलीणया से कं तं वइजोगपडिसंलीणया वइजोगपडिसंलीणयाअकुसलवइनिरोहो या कुसलबइउदीरणं वा से वइजोगपडिसंलीणया से किं तं कावजोगपडिसंलीणया कायजोगपडिसंलीणया-जण्णं सुसमाहियपाणिपाए कम्पो इव गतिंदिए सव्वगावपडिसंलीणे चिटइ से तं कायजोगपडिसंतीणया से तंजोगपडिसंलीणया, से किं तं विवितसयणासणसेवणया विवित्तसयणासणसेवणया-जणं आरामेसु उजाणेसु देवकुलेसु सहासु पवासु पणियगिहेसु पणियसालासु इत्थी-पसु-पंडगसंसत्तविरहियासु वसहीसु फासुएसणिशं पीढफलगसेज्जासंघारगं उवसंपजिताणं विहरइ से तं विवित्तसपणासणसेवणया से तं पडिसंलीणवा से तं बाहिरएतवे।१९|-19
(२०) से किं तं अमितरए तये अमितरए तवे छब्बिहे पन्नत्ते तं जहा-पायच्छित्तं विनओ
For Private And Personal Use Only
| SR No. | 009738 |
| Book Title | Agam 12 Uvavayaim Uvangsutt 01 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 50 |
| Language | Prakrit |
| Classification | Book_Devnagari, Agam, Canon, Agam 12, & agam_aupapatik |
| File Size | 1 MB |