Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
३०
पहावागरणं - २/५/१५ पाणावमाणणाए समियरए समित-रागदोसे समिए समितीसुसप्मदिट्ठी समे यजे सव्वपाणभूतेसु से हु समणे सुयधारते उजुए संजते सुसाहू सरणं सव्यभूयाणं सव्वजगवछले सद्यपासके य संसारते ठिते य संसारसमुच्छिण्णे सततं मरणाणुपारए पारगे य सव्वेसि संसयाणं पचयणमायाहिं अट्ठहिं अट्टकम्मगंठीविमोयके अट्ठमयमहणे ससमयकुसले य भवति सुह-दुक्ख-निवि-सेसे अमितरबाहिरंमि सया तवोवहाणंमि य सुदृजुत्ते खते दंते य हियनिरते ईरियासमिते जाय परिष्ठावणियासमिते मणगुत्ते वइगुत्ते कायगुत्ते गुतिदिए गुत्तबंभयारिं चाई लजू धन्ने तवस्सी खंतिखमे जितिदिए सोधिए अणियाणे अबहिल्लेस्से अममे अंकिरणे छिन्नगंथे निरुयलेये सविमल-वरकसभायणं व मुक्कतोए संखे विव निरंगेणे विगय-राग-दोस-मोहे कुम्मो व इंदिएसु गुत्ते जच्चकंचणं व जायसवे पुक्खरपत्तं व निरुवलेवे चंदो इव सोमभावयाएसरोव्व दित्ततेए अचले जह मंदरे गिरिवरे अक्खोभे सागरो व्द थिमिए पुढीवीए सव्यफाससहे तवसावि य भासरासिछन्ने व्य जाततेए जलियहुयासणो विव तेयसा जलते गोसीसचंदणं पिव सीयले सुगंधे य हरयो वि समियभावे उग्धसिय सुनिम्मलं द
आयसमंडलतलं पागडमावेण सुद्धभावे सोंडीरे कंजरे व्व वसभे व्व जायथामे सीहे वा जहा मिगाहिवे होति दुप्पधरिसे सारयसलिलं य सुद्धहियए भारंडे चेव अप्पमत्ते खग्गिविसाणं व एगजाते खाणुं चेय उड़्ढकाए सुन्नगारे व्व अप्पडिकम्मे सुत्रागारावणस्संतो निवायसरणप्पदीवज्झाणमिव निप्पकंपेजहा खुरो चेव एगधारे जहा अही चेव एगदिट्ठी आगासं चेव निरालंबे विहगे विव सव्वओ विष्पमुक्के कय-परनिलये जहा चेव उरए अपडिबद्धे अनिलो व्व जीवो व्व अप्पडिहयगती गामेगामे एगरायं नगरे नगरे य पंचरायं दूइज्जंते य जितिदिए जितपरीसहे निडमए विउ सच्चित्ताचित्तमीसकेहिं दब्वेहिं विरायं गते संचयतो विरए मुत्ते लहुके निरवकखे जीवियमरणासविप्पमुक्के निस्संधि निव्वणंचरितं धीरे काएण फासयंते सततं अज्झप्पझागजुत्तेनिहुए एगे चरेज्जधम्मइमंच परिगहवेरमण-परिक्खणट्टयाए पायणं भगवया सुकहियं अत्तहियं पेच्चाभाविकं आगमेसिभई सुद्धं नेयाउयं अकुडिलं अनुत्तरंसव्यदुक्खपावाण विओसमणं तस्स इमा पंचभावणाओ चरिमस्स वयस्स होति परिग्गहवेरमण-रक्खणट्ठयाए पदम-सोइंदिएण सोच्चा सद्दाइं पणुण्ण-भद्दगाई किं ते- वरमुरय-मुइंग-पणव- दहुर-कच्छमि-वीणा-विपंची-वल्लयि-बद्धीसक-सुधोस-नंदि-सूसरपरिवादिणीदेस-तूणक-पव्वक-तंती-तल-ताल-तुडियानिग्धोस-गीयवाइयाइं नडनक-जल्ल-माल-मुहिक-देलंबक-कहक-पवक-लासग-आइक्खकलंख - मंख-तूणइल्ल-तुंबवीणिय-तालायर-पकरणाणिय बहूणिमहुरस-गीत-सुस्सराईकंची-मेहला-कलाव-पतरक-पहेरक-पायजालग-घंटिय-खिखिणिरयणोरुजालय-छुद्दिय- नेउर-चलणमालिय-कणगनियल-जालग-भूसणसद्दाणि लीलचंकम्ममाणागुदीरियाई तरुणीजणहसिय - भणिय - कलरिभित - मंजुलाई गुणयणाणि य बहूणि महुरजणभा - सिवाई अण्णेसु य एवमादिएम सद्देसु मुग्झियव्वं न विणिग्धायं आवजियव्यं न लुभियव्यं न तुसियन्दं न हसियव्वं न सइं च मई च तत्य कुञा पुणरवि सोइदिएण सोचा सद्दाई अमणुण्णपावकाई किं ते-अकोस-फरुस-खिसण-अवमाणण - तजण -निभंछण-जित्तवयण-तासाउजिय-रुण्ण-रडिय-कंदिय-निग्घुट्ठरसिय-कलुणविलवियाई अण्णेसु य एवमादिएम सद्देस
अमणुण्ण-पावएसुन तेसु समणेणं रूसियव्वं न हीलियव्यं न निंदियव्वं न खिंसिवव्वं न छिंदियव्वं न भिंदियव् न वहेयव्वं न दुगुंशावत्तिया व लम्मा उप्पाएउं एवं सोतिंदियभावणाभावितो भवति अंतरप्पा मणुण्णाऽपणुण्ण सुब्भि-दुटिम-रागदोस-पणिहियप्पा साहू मण-वयण-कावगुत्ते संवुडे
For Private And Personal Use Only
| SR No. | 009736 |
| Book Title | Agam 10 Panhavagaranam Angsutt 10 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 42 |
| Language | Prakrit |
| Classification | Book_Devnagari, Agam, Canon, Agam 10, & agam_prashnavyakaran |
| File Size | 1 MB |