Page Text
________________
Shri Mahavir Jain Aradhana Kendra
www.kobatirth.org Acharya Shri Kailassagarsuri Gyanmandir
वग्गो - ३, अझपणं-८
१३
रत्यापहाओ अंतोगिहं अनुष्पवेसेइ तए णं कण्हेणं वासुदेवेणं एगाए इट्टगाए गहियाए समाणीए अगेहिं पुरिससएहिं से महालए इट्टगस्स रासी बहिया रत्यापहाओ अंतोघरंसि अनुष्पवेसिए तए जं से कण्हे वासुदेवा बारवईए नयरीए मज्झमज्झेणं निगच्छइ निग्गच्छित्ता जेणेव अरहा अरिट्टनेमि तेणेव उवागए उवागच्छित्ता जाय बंदइ नमसइ वंदित्ता नमंसिता गयसुकुमालं अणगारं अपासमाणे अहं अरिनेमिं वंदइ नमसइ वंदित्ता नमंसिता एवं व्यासी-कहि णं भंते से ममं सहोदरे कणीयसे माया गयसुकुमाले अणगारे जं णं अहं बंदामि नम॑सामि
तणं अरहा अरिट्ठनेमी कण्हं वासुदेवं एवं वयासी- साहिए णं कहा गयसुकुमालेणं अणगारेणं अप्पणो अट्ठे तए णं से कण्हे वासुदेवे अरहं अरिट्टनेमिं एवं बयासी कहण्णं भंते गयसूमालेणं अणगारेणं साहिए अप्पणी अड्डे तए णं अहा अरिनेमी कण्हं वासुदेवं एवं वयासी एवं खलु कहा गयसुकुमालेणं अणगारेणं ममं कलं पञ्चावरण्हकालसमयंसि बंदइ नमसइ वंदित्ता नमंसित्ता एवं वयासी - इच्छामि णं भंते जाव उवसंपजित्ता णं विहरइ तए णं तं गयसुकुमालं अणगारं एगे पुरिसे पास पासित्ता सुरूते [गयसुकुमालस्स अणगारस्त मत्थए मट्टियाए पालिं बंधइ बंधित्ता जाव जामेव दिसं पाउब्भूए तामेव दिसं पडिगए तए णं तस्स गयसुकुमालस्स अणगारस्स सरीरयंसि वेयणा पाउब्वा-उजला विउसा कक्खडा पगाढा चंडा दुक्का दुरहियासा तए णं से गवसुकुमाले अणगारे तस्स पुरिसस्स मणसा वि अप्पदुस्समाणे तं उज्जलं जाव दुरहियासं वेयणं अहियासेइ तए णं तस्स गयसुकुमालस्स अणगारस्स तं उज्जलं जाव दुरहियासं वेयणं अहियासेमाणस्स सुभेणं परिणामेणं पसत्यज्झवसाणेणं अनंते अनुत्तरे निव्वाधाए निरावरणे कसिणे पडिपुत्रे केवलवरनाणदंसणे समुप्पन्ने तओ पच्छा) सिद्धे तं एवं वखलु कहा गयसुकुमालेणं अणगारेणं साहिए अप्पणी अट्ठे तए णं से कण्हे वासुदेवे अरहं अरिट्ठनेमिं एवं क्यासी केस णं भंते से पुरिसे अपत्थियपत्थिए [दुरंत-पंत-लक्खणं हीणपुण्णचाउछ सिए सिरि-हिरि-धिइ-किति-] परिवज्जिए जेणं ममं सहोदरं कणीयसं भायरं गयसुकुमालं अणगारं अकाले चैव जीवियाओ वयरोवेइ तए णं अरहा अरिनेमी कण्हं वासुदेवं एवं वयासी मा णं कण्हा तुमं तस्स पुरिसरस पदोसमावज्राहि एवं खलु कण्हा तेणं पुरिसेणं गयसुकुपालस्स अणगारस्स साहिज्जे दिण्णे कहणणं भंते तेणं पुरिसेणं गयसुकुमालस्स अणगारस्स साहिज्जे दिण्णे, तए णं अरहा अरिद्वनेमी कण्हं वासुदेवं एवं वयासी-से नूणं कण्हा तुमं ममं पायवंद हव्यमागच्छमाणे बारवईए नयरीए एगं पुरिसं पाससि जाय अनुपवेसिए जहा णं कण्हा तुमे तस्स पुरिसस्स साहिज्जे दिण्णे एवामेव कण्हा तेणं पुरिसेणं गयसुकुमालस्स अणगारस्स अणेगभव-सयसहस्स-संचियं क्रम्मं उदीरेमाणेणं बहुकम्मणिजस्त्थ साहिजे दिण्णे तए
से कहे वासुदेवे अरहं अरिट्ठनेमिं एवं व्यासी से णं भंते पुरिसे मए कहं जाणियव्वे तए णं अरहा अरिनेमी कण्हं वासुदेवं एवं वयासी- जे णं कण्हा तुमं बारवईए नयरीए अनुष्पविसमाणं पासेता ठियए चेव ठिइभेएणं कालं करिस्सइ तण्णं तुमं जाणिज्जासि एसं णं से पुरिसे तए णं से कहे वासुदेवे अहं अरिनेमिं वंदइ नमसि वंदिता नेमंसित्ता जेणेव आभिसेयं हत्विरयणं तेणेव उवागच्छइ उवागच्छित्ता हतिय दुरुहइ दुरुहिता जेणेव बारवई नयरी जेणेव सए गिहे तेणेव पहारेत्थ गमणाए
तए णं तस्स सोमिलपाहणस्स कल्लं पाउप्पभायाए रयणीए उट्ठियम्मि सूरे सहस्सरस्सिम्मि दिणयरे तेयसा जलते अयमेयारूवे अज्झथिए चिंतिए पत्थिए मणोगए संकप्पे समुप्पने एवं खलु कहे वासुदेवे अहं अरिट्टनेमिं पायवंदए निग्गए तं नायमेयं अरहया विण्णायमेयं अरहया सुयमेयं
For Private And Personal Use Only
| SR No. | 009734 |
| Book Title | Agam 08 Antgadadasao Angsutt 08 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 42 |
| Language | Prakrit |
| Classification | Book_Devnagari, Agam, Canon, Agam 08, & agam_antkrutdasha |
| File Size | 1 MB |