Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
उवासगदसाओ ४३३ समप्पञ्जित्था-एवं खलु अहं इमेणं एयारवेणं ओरालेणं विउलेणं जाव घमणिसंतए जाए तं अस्यि ता मे उट्टाणे कम्मे बले वीरिए पुरितककार परकमेसद्धा-धिए-संवेगे तंजावता मे अस्थि उट्ठाणे कम्मे वले वीरिए पुरिसक्कार-परक्कमे सद्धा-धिइ-संवेगे जाव य मे धप्पायरिए धम्मोवएसए समणे भगवं महावीरे जिणे सुहत्यी विहरइ तावत्ता मे सेयं कलं पाउप्पभायाए रयणीए जाव उहियम्मि सूरे सहस्सरस्सिम्मि दिणयो तेयसा जलंते अपच्छिममारणंतियसंलेहणा-झूसणा-झूसियस्स भत्तपाण-पडियाइक्खियस्स कालं अणवकंखमाणस्स विहरित्तए-एवं संपेहेइ संपेहेता कल्लं पाउपपायाए रयणीए जाव उठ्ठियपि सूरे सहस्सरस्सिम्मि दिणयरे तेयसा जलंते अपच्छिममारणतियसंलेहणा-झसणा-झूसिए भत्तपाणपडियाइखिए कालं अणवकंखमाणे विहरइ तए णं से सुरदेवे समणोवासए वहूहिं सील-व्दय-गुण-वेरमण-पच्चरखाण-पोसहोववासेहिं अप्पाणं भावेत्ता वीसं वासाई समणोवासगपरियागं पाउणित्ता एक्कारस व उवासगपडिमाओ सम्म काएणं फासित्ता मासियाए संलेहणाए अताणं झूसिता सहि भत्ताई अणसणाए छेदत्ता आलोइय-पडिकंते समाहिपत्ते कालमासे कालं किया] सोहम्मे कप्पे अरुणकंते विमाणे उववण्णे चत्तारि पलिओवमाई ठिई महाविदेहे वासे सिझिहिइ बुझिहिइ मुच्चिहिइ सव्यदुक्खाणमंतं काहिइ एवं खलु जंवू समणेणं भगवया महावीरेणं उवासगदसाणं चउत्थस्स अज्झवणस्स अयमढे पनते।३११-31
वउत्थं अनपणं समत्तं.
पंचमं अज्झयणं-चुलसयए (३४) [जइ णं भंते समणेणं भगवया महावीरेणं जाय संपत्तेणं सत्तपस्स अंगस्स उवासगदसाणं चउत्थस्स अज्झयणस्स अयमढे पन्नत्ते पंचमस्स णं भंते अज्झयणस्स के अटे पन्नत्ते) एवं खलु जंबू तेणं कालेणं तेणं समएणं आलभिया नामं नवरी संखवणे उन्नाणे जियसत्तू राया तत्वणं आलभियाएनयरीए चुल्लसयए नाम गाहादई परिवसइ-अढे जाव बहुजणस्स अपरिभूए तस्स णं चुप्लसयरस गाहावइस्स छ हिरण्णकोडीओ निहाणपउत्ताओ छ हिरण्णकोडीओ वढिपत्ताओछ हिरण्णकोडीओ पवित्थरपउत्ताओ छ व्यया दसगोसाहस्सिएणं वएणं होत्या से णं चूल्लसयए गाहावई बहूणं जाव आपुच्छणिज्जे पडिपुच्छणिज्जे सयस्स वियणं कुटुंबस्स मेढी जाव सबकज्जवड्ढावए यावि होत्था तस्स णं चुल्लसयस्स गाहावइस्स बहुला नामं भारिया होत्था-अहीण पडिपुण्णपंचिदिवसरीराजाव माणुस्सए कामभोए पच्चणुभवमाणी विहरइ तेणं कालेणं तेणं समएणं समणे भगवं महावीरे जाव जेणेव आलभिया नवरी जेणेव संखवणे उताणे तेणेव उवागच्छइ उवागछित्ता अहापडिरूवं ओग्गहं ओगिव्हित्ता संजमेणं तवसा अप्पाणं भावेमाणे विहरइ परिसा निग्गया कुणिए राया जहा तहा जियसत्तू निग्गच्छइ जाव पज्जुवासइ तए णं से चुल्लसयए गाहावई इसीसे कहाए लद्धढे समाणे- एवं खलु समणे भगवं महावीरे पुव्वाणुपब्बि चरमाणे गामाणुगामं दूइजमाणे इहमागए इह संपत्ते इह समासढे इहेव आलभियाए नयरीए वहिया संखवणे उजाणे अहापडिरूवं ओग्गहं ओगिण्हित्ता संजमेणं तवसा अप्पाणं भावमाणे विहरइ तं महप्फलं खलु भो देवाणुप्पिया तहारूवाणं अरहंताणं भगवंताणं णामगोयस्स वि सवणयाए किमंग पुण अभिगमणवंदण-नमसण-पडिपुच्छण-पजुवासणवाए एगस्स वि आरियस्स धम्मिवस्स सुवयणस्स सवणयाए किमंग पुण विउलस्स अट्ठस्स गहणयाए तं गच्छामि णं देवाणुपिया समणं भगवं महावीरं वंदामि नमंसामि सक्कारेमि सम्पाणेमि कल्लाणं मंगलं देवयं चेइयं पञ्जुवासामि-एवं संपेहेइ संपेहेत्ता हाए
For Private And Personal Use Only
| SR No. | 009733 |
| Book Title | Agam 07 Uvasagdasao Angsutt 07 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 74 |
| Language | Prakrit |
| Classification | Book_Devnagari, Agam, Canon, Agam 07, & agam_upasakdasha |
| File Size | 2 MB |